တက်စာ ကြိုက်သူများအတွက်

သဘာဝဖြေဆေး ရှောက်ဘီလူး

ထမင်းဟင်းချက်တတ်သူပီပီ ရောက်လေရာအရပ်ရှိ အသားငါးဈေးကိုတော့ ကျွန်မသွားလေ့သွားထရှိပါတယ်။ မနှစ်က ငပုတောမြို့နယ်အပိုင် သင်ကမ်းကုန်းရွာလေးကို အလုပ်တာဝန်နဲ့ ရောက်သွားခဲ့ပါတယ်။

ကျွန်မထုံးစံအတိုင်း မနက်စောစောထပြီး လမ်းလျှောက်ထွက်လိုက်ပါတယ်။ ရွာဆိုတော့လဲ ရွာလမ်းမကျယ်ကြီးတစ်ခု ရှိတာပေါ့။ တည်းအိမ်ကနေ လမ်းမကြီးအတိုင်း ကျွန်မလျှောက်သွား ကြည့်လိုက်ပါတယ်။

ပထမနေ့က နံနက်စောစော ၅နာရီထပြီး ကွင်းဆင်းသွားရတာကြောင့် ကျွန်မရွာထဲ လျှောက်မလေ့လာ ဖြစ်လိုက်ရပါဘူး။ ဒုတိယနေ့မှာတော့ ရွာပတ်ဝန်းကျင်တစ်ဝိုက်လောက်ပဲ သွားစရာရှိတာကြောင့် ကျွန်မတို့အဖွဲ့က ၇ နာရီ ထိုးလောက်ကျမှ ရွာထဲ ကော်ဖီထွက်သောက်ကြပါတယ်။

ကျွန်မက နောက်မှလိုက်လာမယ်ပြောလိုက်ပြီး ကျွန်မလေ့လာချင်တဲ့ ဈေးဘက်ကို ဦးတည်ပြီး တစ်ယောက်တည်း သွားလိုက်ပါတယ်။ ကျွန်မလျှောက်သွားရင်း လမ်းမတန်းကြီးရှိ မုန့်ဆိုင်၊ ကုန်စုံဆိုင်၊ မုန့်ဟင်းခါးဆိုင်၊ ကွမ်းယာဆိုင်၊ ဆေးဆိုင်လေးတွေ စဖွင့်နေတာ တွေ့ရပါတယ်။

အမျိုးသမီး ပျိုပျိုရွယ်ရွယ် အသက်ကြီးပါမကျန် ဦးတည်သွားနေကြတဲ့ လမ်းကြားလေးနောက်ကို ကျွန်မ လိုက်သွားလိုက်ပါတယ်။ အမျိုးသမီးတွေဆိုတော့ ဈေးကိုပဲ သွားနေတာဖြစ်မှာပါ။

ကျွန်မထင်တာမမှားပါဘူး။ ကျွန်မဆယ်လှမ်းလောက်သာ လျှောက်သွားပြီးတာနဲ့ ဈေးဝင်းထဲကို ရောက်သွားပါတော့တယ်။ ဝင်လိုက်တယ်ဆိုရင်ပဲ အလယ်လူလျှောက်လမ်း တစ်ဘက်တစ်ချက်မှာ ခင်းကျင်းရောင်းချနေတဲ့ ဆိုင်တွေကို တွေ့ရတော့တာပဲ။

ဈေးသည်တွေက အုတ်ခုံအမြင့်မှာ ခင်းရောင်းနေတာကို တွေ့ရပါတယ်။ အခြောက်အခြမ်း၊ ဟင်းသီးဟင်းရွက်၊ မုန့်သည်တွေကို ကျွန်မ ကြည့်ရုံသာ ကြည့်သွားလိုက်ပါတယ်။ ကျွန်မတကယ် စိတ်ဝင်စားတာက ဒီလိုဈေးရုံတွေ အပြင်ဘက်ကွက်လပ်မှာ လာပြီးရောင်းတတ်ကြတဲ့ တောသည်တွေကိုပါ။

ကျွန်မ ဈေးရုံကထွက်လိုက်တော့ အလယ်ကွက်လပ်ထဲမှာ လူတွေက ကျိတ်ကျိတ်တိုးစည်နေပါပြီ။
ဟန်ကျတာပဲ။
ဝေးဝေး မသွားရဘဲ ဒီထဲရှိတော့ တစ်ပတ်တော့ ပတ်ကြည့်မယ်ဆိုပြီး ကျွန်မ ညာဘက်က စပတ်လိုက်ပါတယ်။

အလယ်ဘက်မှာ ကျောချင်းကပ် ရောင်းနေကြတာကတော့ အသားငါးတွေပါ။ ကျွန်မဝယ်နေကျ ဈေးတွေမှာရှိတတ်တဲ့ အသားငါးတန်းလို့ ခေါ်ရမှာပေါ့။ သူ့ရဲ့ဘေးပတ်လည် တစ်ဘက်တစ်ချက်မှာတော့ ဟင်းသီးဟင်းရွက်၊ သစ်သီး၊ တိုတိုထွာထွာ အသုံးအဆောင်လေးတွေ ချရောင်းနေတာ တွေ့ရပါတယ်။

သားငါးရောင်းတယ် ဆိုရာမှာတော့ ငါးနဲ့ပုစွန်တွေပါ။ ရန်ကုန်က ဈေးသည်တွေလိုများများစားစား ပုံရောင်းကြတာမျိုး မဟုတ်ပါဘူး။ ကြည့်ရတာက ကိုယ်တိုင်ဖမ်းလို့ ရတာလေးတွေ လာချရောင်းတာနဲ့ တူပါတယ်။

တချို့ဆိုရင် ဗန်းလေးထဲမှာ ငါးခူလေး ငါးကောင်၊ ငါးရံ့မြီးတို တစ်ကောင်၊ နှစ်ကောင်၊ ပုစွန်သေးသေး လေးတစ်ပုံ၊ နှစ်ပုံလောက်သာ တွေ့ရတာပါ။ ကျွန်မပတ်ကြည့်ရင်း တစ်တောင်လောက်ရှိတဲ့ ငါးသလောက်လေးကောင် ချရောင်းနေတာတွေ့တော့ ကျွန်မခြေထောက် အလိုလို ရပ်သွားပါတော့တယ်။
''အကောင်တွေက ကြီးလိုက်တာ''
''ရန်ကုန်မှာတောင် ဒီအရွယ် တွေ့ရခဲတယ်''
''ဝယ်ပြီး ထမင်းဆိုင်မှာ ချက်ခိုင်းရင်ကောင်းမလား'' ဆိုပြီး ကျွန်မ တွေးဖြစ်သွားပါတယ်။
အနားရောက်သွားတော့မှ ငါးသလောက်တွေက ငါးဆားနယ်တွေမှန်း သိလိုက်ရပါတယ်။

ကလေး ရေစပ်စပ်စားချင်တာမို့ ဈေးမမေးဘဲ ဆက်လျှောက်သွားလိုက်ပါတယ်။
''ဆရာမကြီး၊ ငါးသလောက်တွေက ကိုယ်တိုင်လုပ်ထားတာပါ''
''စားကြည့်ပါဦး''
''ဒီရောက်တုန်း စားသွားပါ။ ခရမ်းချဉ်သီးနဲ့ချက်ရင် ပြေပြီး မတက်တော့ပါဘူး'' လို့ ပြောပြီး ရောင်းနေပါတော့တယ်။

တကယ်တော့ ကျွန်မက ငါးသလောက်စားရင် တက်တယ် ပြောပေမယ့် စားနေကျပါ။ ကြိုက်လဲကြိုက်ပါတယ်။ တက်စာမို့ ရှောင်တာမဟုတ်ပါဘူး။ ငါးဆားနယ် မစားချင်လို့ မဝယ်လိုက်တာပါ။

တက်စာလို့ပြောလိုက်တော့ ကျွန်မတို့အရွယ်တော်တော်များများက သွေးတိုးမှာ၊ တက်မှာ ကြောက်ကြတာကြောင့် ငါးသလောက်၊ ငါး ပြေမ၊ အုန်းနို့၊ မျှစ်ချဉ်စသည်တို့ကို ရှောင်ကြတာ သတိထားမိပါတယ်။ ကျွန်မတို့ အိမ်သားတွေ အားလုံးက အစားမရှောင်ကြပါဘူး။ သတိထား ချင့်ချိန်ပြီးတော့ စားကြတာပါ။

အစားအသောက် မရှောင်တဲ့သူပေမယ့် ကျွန်မ ဘန်ကောက်ရောက်စက အခက်ကြုံခဲ့ရတာပါ။ သူတို့ဟင်း တော်တော်များများက အုန်းနို့ထည့်ချက်ကြပါတယ်။ ဟင်းအရည် သောက်တောင်မှ အုန်းနို့ထည့်ချက်တာကိုး။

ဆိုင်တွေမှာ ကျွန်မအတွေ့များတာက ငါးပြေမ၊ မယ်ဇလီ၊ ဝက်သားနဲ့ မျှစ်ချဉ်တို့ကို အုန်းနို့နဲ့ ချက်ကြတာ တွေ့ရပါတယ်။ ရန်ကုန်မှာဆိုရင် ငါးပြေမဆီပြန်ဟင်း ရိုးရိုးတောင် တစ်ကောင်နှစ်ကောင်ထက် ပိုပြီး မစားလိုကြဘူး။ အုန်းနို့ထည့်ချက် လိုက်ရင်တော့ လုံးဝစားဝံ့ကြမှာ မဟုတ်ပါဘူး။

ဝက်သားနဲ့ မျှစ်ချဉ်ဆိုလဲ သိပ်မစားရဲလှဘူး။ အုန်းနို့ပျစ်ပျစ်ရော ချက်ထားတော့ ပွဲကသိမ်းသွားတာပေါ့။ တက်ပြီးရင်း တက်သွားမယ့်ဟင်း ဖြစ်နေတာကိုး။

နောက်အနေကြာတော့ ထိုင်းသူငယ်ချင်းတွေနဲ့ ထမင်းသွားစားကြတဲ့အခါမှာ မရှောင်သာတော့ ကျွန်မအုန်းနို့ပါတဲ့ ဟင်းတွေကို မြည်းစမ်းတဲ့သဘောနဲ့ စစားဖြစ်ပါတယ်။ သူတို့က အမဲသား၊ ကြက်သား၊ ဝက်သား၊ ငါးတို့ကို အများဆုံးချက်ကြတာပါ။ ဟင်းသီးဟင်းရွက်တွေတော့ တချို့ဟင်းမှာ ရောချက်လေ့ ရှိပါတယ်။
ကျွန်မ ဟင်းခပ်တဲ့အခါ အနည်းအကျဉ်းသာခပ်ပြီး တခြားအုန်းနို့ မပါတာတွေစားတာကို သတိထားမိတဲ့ ထိုင်းသူငယ်ချင်းက ''ခင်အုန်းနို့ကြောက်လို့လား။ ဆီးချို၊ သွေးတိုးမရှိရင် ရဲရဲသာ စားလို့ရတယ်။ တို့တွေရဲ့ တိုင်းရင်းဆေးမှာသုံးတဲ့ Ma krut အသီးနဲ့ အရွက်(ရှောက်ဘီလူး)ကို ထည့်ချက်ထားတာ။ ရဲရဲသာစားပါ''လို့ တိုက်တွန်းနေပါတော့တယ်။

သူက တိုင်းရင်းဆေးလို့ ပြောလိုက်တော့ ကျွန်မသိချင်တာလေးတွေ ဆက်မေးမိသွားတာပေါ့။ သူ့ အပြောအရ Ma krut ခေါ်တဲ့ Kaffir Lime အသီးရဲ့ အခွံနဲ့ အရွက်မှာပါတဲ့အဆီက ဆေးဖက်ဝင်တာ တဲ့။ သူ့ဓာတ်ကအစာကို ကျေစေပြီး သွေးကျဆေးတွေမှာ ထည့်သုံးရတယ်လို့ ပြောပြပါတယ်။

ဒါကြောင့် အုန်းနို့ပါတဲ့ ဟင်းတွေမှာ Ma Krut အသီးအလုံးလိုက် အရွက်ကို ပါးပါးလှီးပြီး ထည့်ချက်ကြတယ်။ တချို့ကဆိုရင် အခွံနဲ့အရွက်ကို ကြမ်းကြမ်းဖဲ့ပြီး ချက်တာလဲ ရှိဆိုပဲ။ တချို့ဆို အရွက်လိုက် ထည့်လိုက်တာတွေ့ရသေးတယ်။

ဘာပဲဖြစ်ဖြစ် Ma Krut ရဲ့ အသီးအရွက်တစ်ခုခု ပါတာကြောင့် သူတို့က အဖြေရှိတော့လဲ အုန်းနို့ဟင်းတွေကို အားရပါးရ စားရဲကြတာလို့ ကျွန်မထင်မိပါတယ်။

သူငယ်ချင်း ပြောပြပြီးမှ ကျွန်မ သူတို့ရဲ့အုန်းနို့ထည့်ချက်ထားတဲ့ ဟင်းတွေကို လေ့လာကြည့်မိသွားပါတယ်။ သူတို့က ဟင်းထဲမှာ တကယ့်ကို Ma Krut သီးကို အလုံးလိုက်တွေ ထည့်ချက်တာတွေ့ရတယ်။ ဟင်းခပ်တဲ့အခါ ပါမလာတော့ ကျွန်မ နဂိုက မသိခဲ့ဖူးပေါ့။

Ma Krut အရွက်ကိုတော့ အရွက်လိုက် ထည့်ထည့်၊ ဖဲ့ပြီးထည့်ထည့်၊ ပါးပါးလေးလှီးထည့်ထည့် ဟင်းထဲမှာတွေ့နေရတော့ အရွက်သာ သုံးကြတယ်လို့ ပထမက ကျွန်မ ထင်မိခဲ့တာပါ။

ကျွန်မတို့ မြန်မာဟင်းတွေကို နိုင်ငံခြားသားတော်တော်များများက Very Oily- ဆီသိပ်များတယ်ဆိုပြီး လက်တွန့်ကြပါတယ်။ မြန်မာဟင်း၊ ထမင်းစားချင်တဲ့ သူငယ်ချင်းတွေ ရန်ကုန်လာတဲ့အခါ ဆီပြန်ချက်ပြီး ပန်းကန်ထဲခပ်တဲ့အခါ အနှစ်နဲ့ အသားပဲ ထည့်ပေးရပါတယ်။

ဒီသူငယ်ချင်းတွေအဖွဲ့ပဲ ထိုင်းမှာ ထမင်းအတူသွားစားကြတော့ အုန်းနို့ဟင်းတွေကို မြိန်ရေရှက်ရေ စားနေတာတွေ့လို့ အံ့သြနေမိတာ ခုမှ သူတို့က ရှောက်ဘီလူးထည့်ချက် ထားမှန်းသိပြီး ဒီရှောက်ဘီလူးအာနိသင်ကို သိထားတာကြောင့်ကိုး။

အရင်အဖြေမသိခင်ကတော့ အိမ်မှာ အမေနဲ့ အဒေါ်ကို ဒီဟင်းတွေအကြောင်း ပြောတော့ ဟင်းချက်ဝါသနာပါတဲ့ မေမေက ''သမီးတို့ ဟင်းတွေကလဲ ကြောက်စရာ၊ လန့်စရာပါလား။ စားလိုက်တာနဲ့ ဗိုက်ထဲလဲရောက် သွေးနားထင်က ပေါက်ထွက်ပြီး ကိစ္စချောမယ့်ပုံပဲ'' တဲ့လေ။

ဟင်းချက်ကောင်းတဲ့ အဒေါ်ကတော့ ''ဒီဟင်းတွေမှာ ဖြေဆေ တစ်ခုခုတော့ သုံးထားပါလိမ့်မယ်'' လို့ ကောက်ချက်ချဖူးပါတယ်။

အဖြေမသိခင်ကတော့ ပဟေဠိပေါ့လေ။ အခုတော့ အဖြေသိတော့လဲ ရှင်းသွားပါပြီ။

ကမ္ဘာ့အဆိပ်ပြင်းဆုံးေ၇ဘဝဲ

ကမ္ဘာ့အဆိပ်အပြင်းဆုံး သက်ရှိထဲက အပြာပါးကွက်နှင့် ရေဘဝဲ


အပြာရေင် အကွင်းအကွင်းလေးတွေ ပါရှိတဲ့အတွက် သူ့ကို အင်္ဂလိပ်လို Blue-ringed octopus လို့ခေါ်ပါတယ်။

အိန္ဒိယ သမုဒ္ဒရာ၊ ပစိဖိတ် မုဒ္ဒရာ တို့မှာ ပိုအတွေ့များပါတယ်။ သန္တာကျောက်တန်းတွေကြားထဲမှာ နေထိုင်တတ်ပါတယ်။ ကမ္ဘာ့အဆိပ် အပြင်းဆုံး သတ္တဝါစာရင်းထဲမှာ သူလည်း ပါဝင်ပါတယ်။ သူ့အဆိပ်က အိမ်မှာသုံးတဲ့ ပိုးသတ်ဆေး ဆိုင်ယာနိုက် ထက် အဆ ၁သောင်း မက ပြင်းပါတယ်။ သူ့ကိုက်လို့ အဆိပ်မိသွားရင် ဖြေဆေးမရှိပါဘူး။ အပြာကွက် ရေဘဝဲ ကို မသိလို့ စားမိရင်လည်း သေဖို့ပဲ ရှိပါတယ်။

ဒီအတွက် ဖြေဆေးကို ယနေ့တိုင် ရှာဖွေနေဆဲ ဖြစ်ပါတယ်။ သန္တာကျောက် တန်း လေ့လာသူများအတွက် အထူးသတိထားရ တဲ့ ရေအောက် သတ္တဝါစာရင်းထဲမှာ ပါဝင်ပါတယ်။ ဘာလို့လဲဆို အရောင်က တစ်လက်လက် နဲ့ လှနေတတ်ပြီး အရွယ်ကလည်း ၆ လက်မထက် ပိုမကြီးပါဘူး။ သေး လည်းသေးဆိုတော့ မသိတဲ့ သူများက သွားထိမိကြ ပါတယ်။ ဒီတော့ ရလဒ်က အဆိပ်သင့်သေဖို့ပဲ ဖြစ်ပါတယ်။

အဆိပ်မိပြီး မိနစ်ပိုင်းအတွင်း အသက်ရှုရပ်ပါတယ်။ နှလုံးခုံရပ်ပါတယ်။ ဦးနှောက်သို့ အောက်ဆီဂျင် မရောက်တော့ပဲ မိနစ်ပိုင်းအတွင်း ကို သေနိုင် ပါတယ်။ ဂျပန် တို့လို နိုင်ငံမှာဆိုရင် အပြာကွက် ရေဘဝဲ ကို ရှောင်ရှားဖို့ တားမြစ်ချက်များ ထုတ်ပြန် ထားရပါတယ်။

ဒါကြောင့် Blue-ringed octopus ကို ကမ္ဘာ့အဆိပ်အပြင်းဆုံး သက်ရှိ သတ္တဝါအဖြစ် မှတ်တမ်းတင်ထားကြောင်း သိရပါတယ်။
--
Ref: wiki

ကင်ဆာကို ကာကွယ်နိုင်ကြောင်း အတည်ပြုထားသည့် နည်းလမ်းများ

ကင်ဆာကို ကာကွယ်နိုင်ကြောင်း အတည်ပြုထားသည့် နည်းလမ်းများ

သိပ္ပံပညာရှင်တွေက ကင်ဆာအများစုကို ကာကွယ်နိုင်တဲ့ နည်းလမ်းတွေကို မကြာခင်ကမှ ကြေညာ လိုက်ပါတယ်။ ကိုယ်အလေးချိန်ကို ထိန်းသိမ်းတာ၊ လေ့ကျင့်ခန်း လုပ်တာနဲ့ ဆေးလိပ် မသောက်တာတွေဟာ 

 ကင်ဆာကို ကာကွယ်ဖို့ အဓိက သော့ချက်တွေဖြစ်ပြီး အောက်ပါတွေကို ပြုလုပ်တာကြောင့်လည်း ကင်ဆာဖြစ်နိုင်ခြေကို သိသိသာသာ လျှော့ချ နိုင်တယ်လို့ ကျွမ်းကျင်သူတွေက  အကြံပေးထားပါတယ်။

၁။ ရောင်ရမ်းမှုတွေ မရှိအောင် ရေသောက်ပါ

စိတ်ဖိစီးမှုတွေ တစ်ချိန်လုံး ဖြစ်နေတာကြောင့် ခန္ဓာကိုယ်မှ ကင်ဆာဖြစ်စေနိုင်တဲ့ ရောင်ရမ်းမှု ထုတ်လုပ်မှု ၅၅ ရာခိုင်နှုန်းထိ မြင့်တက်လာနိုင်ပါတယ်။ နေ့စဉ် ရေရှစ်ခွက်လောက် သောက်ပေးရင် ရောင်ရမ်းမှုကို ဖြေရှင်းနိုင်ပါတယ်။ ရေဟာ ရောင်ရမ်းမှုဖြစ်စေတဲ့ ဒြပ်ပေါင်းတွေကို (သူတို့က ခန္ဓာကိုယ်ရဲ့ဆဲလ်တွေကို ဖျက်ဆီးမှု မပြုလုပ်နိုင်ခင်မှာပဲ) ဖယ်ရှားပေးနိုင်ပါတယ်။ ဒါ့အပြင် ဟာချီဆင် ကင်ဆာသုတေသန ဌာနမှ လေ့လာမှုအရ ရေဓာတ်ပြည့်ဝနေတာကြောင့် အူမကြီးကင်ဆာ၊ သားမြတ်ကင်ဆာနဲ့ ဆီးအိမ်ကင်ဆာ ဖြစ်နိုင်ခြေကို ၄၅ ရာခိုင်နှုန်းနဲ့အထက် လျှော့ချနိုင်ပါတယ်လို့ သိရပါတယ်။
၂။ သားမြတ်ကို ကာကွယ်နိုင်အောင် နေခြည်နုနု ခံယူပါ

နေရောင်ခြည်နဲ့ နေ့စဉ် မိနစ် ၂၀ ခန့် ထိတွေ့တာကြောင့် သားမြတ်ကင်ဆာ ဖြစ်နိုင်ခြေ ၃၆ ရာခိုင်နှုန်းထိ လျှော့ချနိုင်တယ်လို့ နှစ်ပေါင်းများစွာ သုတေသန ပြုလုပ်အပြီးမှာ ဖော်ထုတ် လိုက်ပါတယ်။ နေရောင်ခြည် (UV Light) ဟာ ခန္ဓာကိုယ်မှ ကင်ဆာကို တိုက်ထုတ်နိုင်တဲ့ အာဟာရ ဗီတာမင်ဒီ ထုတ်လုပ်မှုကို မြင့်မားစေနိုင်ပါတယ်။ နံနက်ခင်းမှာ နေရောင်ခြည်ကို ခံယူရင် အရေပြားအနေနဲ့ ဆဲလ်ပျက်စီးမှုတွေကို ပြန်လည် ပြုပြင်နိုင်စွမ်း အမြင့်ဆုံး အချိန်ဖြစ်တာမို့ အရေပြားကင်ဆာ ဖြစ်နိုင်ခြေကိုလည်း ငါးဆအထိ လျှော့ချ နိုင်ပါတယ်။

Tip!
သွေးတွင်း သကြားဓာတ်ကို ထိန်းသိမ်းပြီး ကင်ဆာဖြစ်နိုင်ခြေကို လျှော့ချပါ

သွေးထဲမှာ သကြားဓာတ်တွေ မြင့်တက်နေတာဟာ ကင်ဆာကြီးထွားမှု အတွက် လောင်စာ ဖြစ်စေနိုင်ပါတယ်။ ဒါကြောင့် သွေးတွင်း သကြားဓာတ်ကို တည်ငြိမ်အောင် ထားရှိတာဟာ အကျိတ်ကြီးထွားမှုကို ရပ်တန့်စေနိုင်တဲ့အပြင် ခုခံအားစနစ်ကိုလည်း ကင်ဆာဆဲလ်တွေကို ဖျက်ဆီး နိုင်ချိန်ပေးဖို့ အဓိက သော့ချက်ပါလို့ ဆိုပါတယ်။ သွေးတွင်း သကြားဓာတ် တည်ငြိမ်မှုရှိအောင် -

၁။ နံနက်တိုင်း အမျှင်ဓာတ်မှီဝဲပြီး ခန္ဓာကိုယ်မှ သကြားစုပ်ယူမှုကို ပိတ်ပင်ပါ။

၂။ သကြားဓာတ် (ကာဗိုဟိုက်ဒရိတ်) စုပ်ယူမှု နှေးကွေးအောင် အစာစားတိုင်း ပရိုတင်း (အသား၊ ဥ၊ နို့၊ တိုဟူး) ပါဝင်အောင် စားပေးပါ။

နေရောင်ခြည်နဲ့ ထိတွေ့မှုမရှိတဲ့ နေရာရောက်နေရင် နေ့စဉ် ဗီတာမင်ဒီ ၂၀၀၀ IU မှီဝဲနိုင်ပါတယ်လို့ သုတေသီတွေက ဆိုပါတယ်။

၃။ ကျန်းမာနေအောင် ဟင်းခတ် အမွှေးအကြိုင် အသုံးပြုပါ

ဇီရာစေ့အခြောက် လက်ဖက်ရည်ဇွန်း တစ်ဝက်စာ ဒါမှမဟုတ် ဇီရာ စားပွဲဇွန်း တစ်ဇွန်းစာကို နေ့စဉ် အသုံးပြုတာကြောင့် ကင်ဆာကို တွန်းလှန်နိုင်တဲ့ ခုခံဆဲလ်တွေ ထုတ်လုပ်နိုင်အောင် လှုံ့ဆော်မှုပေးပြီး ကင်ဆာဆဲလ် ကြီးထွားမှုကို ပိတ်ပင်နိုင်ပါတယ်။ 

 

ဒါ့အပြင် နေ့စဉ် ကြက်သွန်ဖြူတစ်ဥ စားသုံးတာကြောင့် အစာခြေစနစ်အတွင်း ကင်ဆာရောဂါ ဖြစ်နိုင်ခြေ ၃၀ ရာခိုင်နှုန်းထိ လျှော့ချနိုင်ပါတယ်။ ကြက်သွန်ဖြူမှာ ပါဝင်တဲ့ ဆာလဖာကွန်ပေါင်းတွေက သင်ရဲ့ ခုခံအားစနစ်မှ မသင်္ကာစရာ ဆဲလ်တွေကို ဖျက်ဆီးနိုင်စွမ်းရည် မြှင့်တင်ပေးနိုင်လို့ပါလို့ ကယ်လီဖိုးနီးယားမှ သုတေသီတွေက ပြောပါတယ်။

Tip! အာလူးကြော်ကို ရှောင်ပါ

အာလူးလိုမျိုး ကစီများတဲ့ အစာကို အပူချိန်မြင့်မားစွာနဲ့ ကြော်လှော်ခဲ့ရင် ကင်ဆာဖြစ်စေနိုင်တဲ့ ဒြပ်ပေါင်းတွေ ထွက်လာတာမို့ အာလူးကြော်လိုမျိုး အစာတွေကို ရှောင်ရမယ်လို့ WHO က သတိပေးထားပါတယ်။

၎။ ပျက်ပြယ်အောင် စတော်ဘယ်ရီသီး စားပါ

စတော်ဘယ်ရီသီးမှာ များစွာပါဝင်တဲ့ အပင်ဒြပ်ပေါင်း Ellagic Acid တွေဟာ အစာအိမ်နဲ့ အူလမ်းကြောင်း စနစ်ရဲ့ အမြှေးပါးအတွင်း ပျော်ဝင်နိုင်တာကြောင့် ကင်ဆာဖြစ်စေနိုင်တဲ့ ပစ္စည်းနဲ့ အဆိပ် အတောက်တွေကြောင့် ပျက်စီးနိုင်ခြေကို ၇၅ ရာခိုင်နှုန်းထိ ကာကွယ် နိုင်တယ်လို့ ကန်တက်ကီ တက္ကသိုလ်မှ သုတေသီတွေက ဆိုပါတယ်။

၅။ လေထုသန့်စင်အောင် သန့်ရှင်းရေးသုံး ပစ္စည်းတွေကို သတိထားသုံးပါ

အနံ့အသက်ပါတဲ့ အဝတ်လျှော် ဆပ်ပြာမှုန့်တွေမှာ ကင်ဆာဖြစ်စေနိုင်တဲ့ ဒြပ်ပေါင်း နှစ်မျိုး ပါဝင်တယ်လို့ ဝါရှင်တန် တက္ကသိုလ်မှ လေ့လာမှုအရ သိရပါတယ်။ အနံ့အသက် မပါဝင်တဲ့ သန့်ရှင်းရေးသုံး ပစ္စည်းတွေကို ပြောင်းသုံးတာကြောင့် ကင်ဆာဖြစ်နိုင်ခြေဟာလည်း အလိုအလျောက် ကျဆင်း သွားနိုင်တယ်လို့ သုတေသီတွေက ဆိုပါတယ်။

၆။ ခုခံအားစနစ် မြင့်တက်အောင် မိတ်ဆွေ အပေါင်းအသင်းထားပါ

သင်ရဲ့မိတ်ဆွေရင်းတွေနဲ့ အချိန်ယူပြီး တွေ့ဆုံတာကြောင့် ကင်ဆာဖြစ်နိုင်ခြေ ငါးဆထိ လျှော့ချ နိုင်တယ်လို့ သြစတြေးလျမှ သုတေသီတွေက ဆိုပါတယ်။ မိတ်ဆွေ ဒါမှမဟုတ် မိသားစုတွေနဲ့ ရင်းရင်းနှီးနှီး နေတတ်သူတွေဟာ စိတ်ဖိစီးမှုတွေ ကျဆင်းတာကြောင့် ခုခံအားစနစ် သန်မာပြီး ကျန်းမာရေးလည်း ပိုကောင်းမွန်တယ်လို့ သုတေသီတွေက ဆိုပါတယ်။

ဒေါက်တာခင်မိုးမိုး

By Good Health

ကြက်ဟင်းခါးသီး

ခါးသက်သက် အရသာရှိတဲ့ ကြက်ဟင်းခါးသီးဟာ အပူပိုင်း စိုစွတ်တဲ့ ရာသီမှာ ပေါက်လေ့ရှိပြီး အဓိကအားဖြင့် အာရှတိုင်းပြည်တွေနဲ့ တောင်အမေရိကတွေမှာ တွေ့ရပါတယ်။ အရသာက ခါးသက်တယ် ဆိုပေမယ့် ကြက်ဟင်းခါးသီးမှာ ကျန်းမာရေး အကျိုးကျေးဇူးများစွာ ရှိပါတယ်။
အာဟာရတန်ဖိုး
ကြက်ဟင်းခါးသီးမှာ ကယ်လိုရီ ပါဝင်မှု အလွန် လျော့နည်းပါတယ်။ ဒါပေမဲ့ တန်ဖိုးရှိတဲ့ အာဟာရ ဓာတ်တွေ အများအပြား ပါဝင်ပါတယ်။ ဗီတာမင် B1 ၊ B2 နဲ့ B3၊ ဗီတာမင်စီ၊ မဂ္ဂနီဆီယမ်၊ ဖောလစ်အက်စစ်၊ ဇင့်(သွပ်)၊ ဖော့စ်ဖရပ်စ်၊ မဂ္ဂနိစ်နဲ့ အမျှင်ဓာတ်တို့ ကောင်းစွာ ပါဝင် နေပါတယ်။ သံဓာတ် ပါဝင်မှု များပြီး ဘီတာ ကယ်ရိုတင်း ပါဝင်မှုဟာ ပန်းဂေါ်ဖီစိမ်းထက် နှစ်ဆ၊ ကယ်လ်စီယမ် ပါဝင်မှုက ဟင်းနုနယ်ရွက်ထက် နှစ်ဆနဲ့ ပို တက်စီယမ်ပါဝင်မှုက ငှက်ပျောသီးထက် နှစ်ဆ အသီးသီး ပါဝင်နေပါတယ်။ ကြက် ဟင်းခါးသီးမှာ သွေးတွင်း သကြားဓာတ်ကို ကျစေတဲ့ အာနိသင်ရှိသလို Polypeptide P လို့ခေါ်တဲ့ အင်ဆူလင်လို ဒြပ်ပေါင်း တစ်မျိုး လည်း ပါဝင်တာကြောင့် ဆီးချိုရောဂါရှိသူတချို့အတွက် ကောင်းကျိုး ရှိကြောင်း လေ့လာသူတွေက ဆိုပါတယ်။
ကျန်းမာရေး အကျိုးကျေးဇူးများ
(၁) သွေးပြဿနာများ
ကြက်ဟင်းခါးသီးအရည်ဟာ သွေး ဆိပ်သင့်တာကြောင့်ဖြစ်တဲ့ အနာနဲ့ ယား ယံမှုတွေကို ကုသရာမှာ အလွန်အကျိုး ကျေးဇူးများပါတယ်။ လတ်ဆတ်တဲ့ ကြက် ဟင်းခါးသီးအရည်ကို သံပရာရည်နဲ့ ရောကာ အစာမရှိချိန် ဖြည်းဖြည်းချင်း ငုံပြီး နေ့စဉ်သောက်ပေးရင် ၄-၆လ အ ကြာမှာ သိသာတဲ့ တိုးတက်မှုကို တွေ့ရပါ တယ်။
(၂) ကာလဝမ်းးရောဂါ
ကာလဝမ်းရောဂါ အစောပိုင်းအ ဆင့်မှာ ကြိတ်ခြေထားတဲ့ ကြက်ဟင်းခါး ရွက် လက်ဖက်စားဇွန်း နှစ်ဇွန်းနဲ့ ကြက် သွန်နီအရည် လက်ဖက်စားဇွန်း နှစ်ဇွန်း၊ သံပရာရည် လက်ဖက်စားဇွန်း တစ်ဇွန်း တို့ကို ဆတူရောပြီး နေ့စဉ် သောက်ပေး ပါ။
(၃) အမျိုးအစား (၂) ဆီးးချိုရောဂါ
ကြက်ဟင်းခါးသီးမှာ ပါတဲ့ အပင် ထွက်အင်ဆူလင်ဟာ ဆီးနဲ့ သွေးထဲက သကြားဓာတ်ကို လျော့ကျစေတဲ့ အကျိုးကျေးဇူး ရှိပါတယ်။ ကြက်ဟင်းခါးသီးဟာ သွေးတွင်း အင်ဆူလင်အဆင့်ကို တိုးစေ တာမျိုး မရှိဘဲ ဂလူးကို့စ် ခံနိုင်ရည်ရှိမှုကို သိသိသာသာ ကောင်းမွန်စေတာ ဖြစ်ပါ တယ်။
(၄) စွမ်းအင်
ကြက်ဟင်းခါးသီး အရည်ကို ပုံမှန် သောက်ပေးတာကြောင့် စွမ်းအင်နဲ့ သက်လုံကို ကောင်းမွန်စေပါတယ်။ နှစ်နှစ် ခြိုက်ခြိုက် အိပ်မောကျစေပါတယ်။
(၅) မျက်စိပြဿနာများ
ကြက်ဟင်းခါးသီးမှာ ဘီတာကယ်ရို တင်းနဲ့ တခြားအာနိသင်တွေ ပါဝင်မှု မြင့် မားတာကြောင့် မျက်စိ ပြဿနာ တွေကို ကင်းဝေးစေပြီး အမြင်အာရုံကို တိုးတက် ကောင်းမွန်စေပါတယ်။
(၆) အရက်နာကျခြင်း
ကြက်ဟင်းခါးသီး အရည်ဟာ အရက်နာကျတဲ့ ဝေဒနာကို ကုသရာမှာ ကောင်းကျိုး ရှိပါတယ်။ အရက်သောက် တာကြောင့်ဖြစ်တဲ့ အသည်းဝေဒနာ တွေကို ပြုပြင်ပေးပြီး အသည်းကို သန့် စင်စေပါတယ်။
(၇) ကိုယ်ခံစွမ်းအား ကောင်းမွန်ခြင်း
ကြက်ဟင်းခါးသီး အရည်ဟာ ကိုယ်ခံစွမ်းအား စနစ်ကို ကောင်းမွန်အောင် တည်ဆောက်ပေးပြီး ခန္ဓာကိုယ်ရဲ့ ရောဂါ တွန်းလှန်နိုင်စွမ်းကို ကောင်းမွန်စေပါတယ်။
(၈) လိပ်ခေါင်း
ကြက်ဟင်းခါးရွက်ကရတဲ့ အရည် လက်ဖက်စားဇွန်း သုံးဇွန်းကို ထောပတ်၊ နို့ တစ်ဖန်ခွက်နဲ့ ရောကာ နံနက်တိုင်း အစာမရှိချိန်မှာ သောက်ပေးရင် တစ်လအကြာမှာ သက်သာ သွားပါလိမ့်မယ်။ လိပ်ခေါင်းက နာကျင် နေရင် ကြက်ဟင်းခါးပင်ရဲ့ အမြစ်ကို စေးပျစ်အောင် ကြိတ်ပြီး လိပ်ခေါင်းပေါ်မှာ အုပ်ပေးပါ။
(၉) ဆိုးရီးယေးစစ်အရေပြားအနာ
ကြက်ဟင်းခါးရွက် အရည်ကို ပုံမှန် သောက်ပေးရင် ဆိုးရီးယေးစစ်နဲ့ တခြား ဖန်းဂပ်စ်မှိုစွဲတဲ့ အရေပြား အနာတွေကို သက်သာစေပါတယ်။
(၁၀) အသက်ရှူလမ်းကြောင်း ပြဿနာများ
လတ်ဆတ်တဲ့ ကြက်ဟင်းခါးသီး အရည် နှစ်အောင်စနဲ့ ရေရောထားတဲ့ ပျားရည်တစ်ခွက်ကို ရောသောက် ပေးရင် ပန်းနာရင်ကျပ်၊ လေပြွန်ရောင်တာ စတဲ့ အသက်ရှူလမ်းကြောင်း ဝေဒနာတွေကို သက်သာစေပါတယ်။ သတိပြုရန် ဆီးချိုကုသဆေးသောက်နေတဲ့ ဆီးချိုရောဂါရှိသူတွေအနေနဲ့ ကြက်ဟင်းခါးအရည် မသောက်ခင် ဆရာဝန်နဲ့ တိုင်ပင်ပါ။ ကိုယ်ဝန်ဆောင်တွေအနေနဲ့ ကြက်ဟင်းခါးသီးကို အလွန်အမင်း စားသောက်တာမျိုး ရှောင်သင့်ပါတယ်။Myawady Health

ပုံပြင်လေးတစ်ပုဒ်

"နှစ်တွေဟောင်းလို့

နှစ်သစ်ကူးကာ

ပျော်ရွှင်တာတွေ့မြင်ရပြန်ပြီ

ဒါပေမဲ့လည်း

လကလေးခမျာ ငိုရရှာ---"


ဟိုး----လွန်ခဲ့တဲ့ နှစ်ပေါင်းတစ်ထောင်လောက်ကပေါ့-- နတ်ပုံပြင်လေး တစ်ပုဒ်ရှိခဲ့တယ်။

အဲဒီပုံပြင်လေးမှာ ကောင်လေးနဲ့ကောင်မလေး နှစ်ယောက်ရှိတယ် တဲ့။

သူတို့နှစ်ယောက်က တစ်ယောက်နဲ့တစ်ယောက် သိပ်ချစ်ကြတယ် တဲ့။

တစ်နေ့ကျတော့ ကောင်လေးဟာ အတောင်လေးမှာ ဒဏ်ရာရပြီးလဲနေတဲ့

ငှက်ကလေးတစ်ကောင်ကို တွေ့ပြီး ကယ်တင်ပေးလိုက်တယ်၊

ငှက်ကလေးကို သစ်မြစ်၊သစ်ဥတွေ သွေးလိမ်းပြီး ဒဏ်ရာကို ကုပေးတယ်။

နောက်---- ဒဏ်ရာသက်သာလာတော့ ငှက်ကလေးကို သင်သွားလိုရာ လွတ်လွတ်လပ်လပ်

ပျံသန်းပေတော့ လို့ပြောပြီး လွှတ်ပေးလိုက်တယ် တဲ့လေ။

အဲဒီတော့မှ ငှက်ကလေးက ကောင်လေးကို လူလိုပြောသတဲ့။

"အသင်လူ----- ကျွန်တော့်ကို ကယ်တင်ပေးတဲ့ဲ့အတွက် ကျေးဇူးအများကြီးတင်ပါတယ်---

အသင့်ရဲ့ ကျေးဇူးဆပ်ချင်ပါတယ်။

ကျွန်တော်က နတ်မင်းကြီးမွေးထားတဲ့ ငှက်ကလေးဖြစ်ပါတယ်။

သင်လိုအပ်တဲ့အခါ လိုရာဆုတစ်ခုကို တောင်းဆိုပါ။

သင်တောင်းဆိုတဲ့ တောင်းဆိုချက်ဟာ ချက်ချင်းပြည့်စုံလိမ့်မယ်" လို့ ပြောပြီး-- ပျံသန်းသွားတော့တယ်။

အဲဒီအကြောင်းကို ကောင်မလေးက မသိဘူးတဲ့။

ညလေးတစ်ညမှာတော့ ကောင်လေးနဲ့ကောင်မလေး ချိန်းတွေ့တဲ့အခါ

ကောင်မလေးက မျက်နှာမကောင်းဘူး ဖြစ်နေတယ်တဲ့လေ။

ကောင်လေးက "ဘာဖြစ်လို့မျက်နှာမကောင်း ဖြစ်နေရတာလဲ။ သူ့ကိုပြောပြပါ။

သူဘာလုပ်ပေးရမလဲ" လို့အတင်းမရမက မေးတယ်။

ကောင်မလေးက "မဖြစ်နိုင်ပါဘူး၊ သူဖြစ်ချင်တာကို လုပ်ပေးနိုင်မှာမဟုတ်ပါဘူး" ဆိုပြီးပြောမပြဘူး တဲ့။

ကောင်လေးက အတင်းပဲလိုက်မေးတယ်။ "သူ့ကိုချစ်၇င် ပြောပြပါ။

သူလုပ်ပေးနိုင်အောင် ကြိုးစားပါ့မယ်" လို့ ထပ်ခါထပ်ခါပြောတော့မှ ကောင်မလေးကပြောပြတယ်။

သူဒီကိုလာတဲ့လမ်းက ရေကန်ကြီးတစ်ကန်မှာ နတ်သမီးလေးတွေ ဆော့ကစားနေတာကိုတွေ့ခဲ့ရတယ်-

တအားပျော်ဖို့ ကောင်းတာပဲ၊ သူလည်းနတ်သမီးလေးလို ၀တ်ပြီး ဆော့ချင်လိုက်တာတဲ့ ---

တစ်ရက်လောက် ဆော့ကစားလိုက်ရင် သူကျေနပ်ပါပြီဆိုပြီး ပြောသတဲ့လေ----

ကောင်လေးက သူ့ချစ်သူပြောတော့ စိတ်မကောင်း ဖြစ်သွားတာပေါ့။

သူ့ချစ်သူ ဖြစ်ချင်တာတွေကို သူကလုပ်ပေးချင်ပေမယ့် ဘယ်လိုလုပ်ပြီး နတ်သမီးဖြစ်အောင်

လုပ်ပေးနိုင်မလဲဆိုတာ တွေးရင်း စိတ်မကောင်းဖြစ်ပြီး မှိုင်နေတာပေါ့ကွယ်။

နောက်တော့မှ ငှက်ကလေးပြောသွားခဲ့တာကို သတိရသွားပြီး--- သူ့ချစ်သူကောင်မလေးကို

ဝမ်းသာအားရ ပြောပြတယ်။

"ချစ်--ဘာမှစိတ်မကောင်း မဖြစ်နဲ့၊ နတ်သမီးဖြစ်အောင် သူလုပ်ပေးနိုင်ပါတယ်" လို့ပြောပြီး

သူ ဆုတောင်းလိုက်တယ်၊

"နတ်မင်းကြီး---- ကျွန်တော့်ချစ်သူလေးကို နတ်သမီးဖြစ်အောင်လုပ်ပြီး

နတ်သမီးလေးတွေလို ကစားခွင့်ရအောင် လုပ်ပေးပါလို့" ဆုတောင်းလိုက်လေ သတဲ့။

"ပြည့်စေ" ဆိုတဲ့ အသံထွက်လာပြီး ချက်ချင်းပဲ ကောင်မလေးဟာ

နတ်သမီးလေး ဖြစ်သွားတော့တယ်၊

နတ်သမီးလေးဖြစ်သွားတော့ ကောင်မလေးက အရမ်းပျော်ရွှင်နေတာပေါ့။

သူတစ်ရက်ပဲ ကစားပါ့မယ်လို့ သူ့ချစ်သူကောင်လေးကို ကတိပေးပြီး ရေကန်ကြီးဆီကိုထွက်သွားတာပေါ့။။

ကောင်လေးက တစ်ယောက်တည်း ကျန်ရစ်ခဲ့ရှာတယ်။

သူ့ကောင်မလေး ဆော့နေတဲ့ ရေကန်ကြီးကိုချောင်းကြည့်လိုက်တော့ တအားကိုလှပြီး

ပျော်မြူးစွာ ဆော့ကစားနေတာကို တွေ့ရတော့ သူအရမ်းကို ကျေနပ်နေတာပေါ့။

သူပြန်လာပြီး--- ညနေစောင်းတဲ့အထိ စောင့်နေတာပေါ့ ။။။။။


ပြန်လာနိုးနိုးနဲ့ စောင့်နေလိုက်တာ--- တစ်ရက်၊ တစ်လ၊ တစ်နှစ်၊ သုံးနှစ်၊ ဆယ်နှစ်၊ နှစ်တွေ အများကြီး

ကြာသွားပေမယ့် ကောင်မလေးက ပြန်မလာခဲ့ဘူး တဲ့။

ကောင်လေးက ကောင်မလေးကို စောင့်နေရင်း ရင်ကွဲနာကျပြီး သေဆုံးသွားခဲ့တယ်၊

ကောင်လေးက သေသွားပြီးတော့ ဥသြငှက်ကလေး တစ်ကောင်ဖြစ်သွားတယ် တဲ့ကွယ်။

ဥသြငှက်ကလေးကလည်း "ဥသြ--ဥသြ"---လို့ အော်ပြီးကောင်မလေးကို လိုက်ရှာရှင်း

မျှော်နေရင်းနဲ့ သေဆုံးသွားခဲ့ပြန်တယ်၊

ဥသြငှက်ကလေး သေသွားတော့ -- ကောင်းကင်က လလေးရဲ့ ဘေးနားမှာ ကြယ်ပွင့်လေးဖြစ်သွားတယ်။

အဲဒီကြယ်ပွင့်လေးကတော့ နှစ်ဟောင်းပြောင်းလို့ နှစ်သစ်ကူးတဲ့ ည---လလေး ဘေးမှာရှိနေတတ်တဲ့

တစ်ပွင့်တည်းသော ကြယ်ပွင့်လေးပေါ့ကွယ်----

လလေးက သူတစ်ယောက်တည်း တိုးတိုးလေးပြောပြီး ငိုနေရှာတယ်တဲ့။

ကောင်လေးရော---ကောင်မလေးရော နတ်ပြည်တစ်ရက်ဟာ လူ့ပြည်မှာနှစ်ပေါင်းတစ်ရာရှိတယ် ဆိုတာ

သူတို့မသိရှာဘူးဆိုပြီး စိတ်မကောင်းလွန်းလို့ ငိုနေရှာတာတဲ့ကွယ်။

ဒါကြောင့် --- နှစ်သစ်ကူးရောက်တိုင်း -- ညတိုင်းညတိုင်းမှာ ကောင်းကင်ကို မော့ကြည့်လိုက်ရင် --

လကလေးငိုနေတဲ့ ပုံစံ လကွေးကွေးလေးနဲ့ တစ်ပွင့်တည်းသော ကြယ်လေးကို

တွေ့ရတတ် တယ်တဲ့။

အဲဒီအချိန်--- လူ့ပြည်မှာတော့ ကြယ်မီးပုံးလေးတွေ၊ ကြယ်မီးသီးလေးတွေ ထွန်းပြီး

ဒီနှစ်ကုန်လို့ ရှေ့နှစ်ကူးမှာ ကြယ်ကလေး သူ့ချစ်သူလေးနဲ့ ပေါင်းရပါစေ။

ပြန်ဆုံကြပါစေလို့ ဆုတောင်းကြတာပေါ့။

နှစ်တွေကြာညောင်းလို့ ကာလဒေသတွေ ပြောင်းလာတော့မှ လူတွေက

"Happy New Year" ဆိုပြီး ၀ိုင်းဆုတောင်းကြတာပေါ့။

လကလေးကတော့ လူတွေပျော်ရွှင်စွာနဲ့ ဆုတောင်းပေးတာကို ကြည့်ပြီး

တစ်ယောက်ထဲ ငိုကြွေးနေရတယ်လေ။

ဒါကြောင့် ----လကလေးဟာ ငိုနေတဲ့ပုံစံ လကွေးကွေး လေး ဖြစ်နေတာပေါ့။

New Year ညတိုင်းမှာ ကောင်းကင်ကို ကြည့်လိုက်ပါ။

ခပ်ကွေးကွေးနဲ့ လကလေးနဲ့ နံဘေးမှာ တစ်ပွင့်တည်းသော

ကြယ်ကလေးကို တွေ့ကြရမှာပါ။

မေးလ်မှတစ်ဆင့်ကူးယူဖော်ပြသည်။

စိတ်ကို ထိန်းချုပ်နည်းများ

စိတ်ကို ထိန်းချုပ်နည်းများ

၁ - အရသာခံစားမှုဖြင့် (ဥပမာ - သဘာဝအလှ ၊ ဂီတတို့ ဖြစ်)
စိတ်၏လိုအင်ဆန္ဒများကို ခေတ္တခဏ ထိန်းချုပ်နိုင်သည်။

၂ - ကိုယ်ကျင့်တရားဖြင့် စိတ်၏လိုအင်ဆန္ဒများကို ခေတ္တခဏ ထိန်းချုပ်ထားနိုင်သည်။

၃ - ဘာသာတရားဖြင့် စိတ်၏လိုအင်ဆန္ဒများကို ခေတ္တခဏ ထိန်းချုပ်ထားနိုင်သည်။

၎ - လောကကြီးအကြောင်း အမှန်တိုင်း ပိုင်းခြားသိမြင်ခြင်းဖြင့် စိတ်၏လိုအင်ဆန္ဒများကို အပြီးတိုင်ထိန်းချုပ်ထားနိုင်သည်။

ဂျာမန်ဒဿနိကဗေဒ ပညာရှင် ရှိုပင်ဟောင်းဝါ