စကားပြောတဲ့ဖားကလေး

စကားပြောတဲ့ ဖားကလေး

အသက် ၇၂ နှစ်အရွယ် အဖိုးအို တစ်ဦးဟာ သူရဲ့ လှေပေါ်မှာ ထိုင်ပြီး ငါးမျှားနေပါတယ်.. အဲဒီချိန်လေးမှာ အသံလေးတစ်သံကို သူက ကြားလိုက်ရတယ်.. “ကယ်ပါဦး ကယ်ပါဦး ” ဆိုတဲ့ အသံလေး သေးသေးလေး….

အဖိုးအိုဟာ သူ့ ဘေးပတ်ဝန်းကျင်ကို လိုက်ရှာပေမဲ့ ဘယ်သူတစ်ဦးတစ်ယောက်ကိုမှ မတွေ့တော့ အိပ်မက် မက်နေတယ်လို့တောင် သူက ထင်လိုက်ပါတယ်.. ဒါပေမဲ့ “ကယ်ပါဦး ” ဆိုတဲ့ အသံကိုဘဲ သူက ထပ်ထပ် ကြားလိုက်ရပြန်တယ်.. ဒါနဲ့ သေသေချာချာ လိုက်ရှာကြည့်တော့မှ ရေထဲက ကြာရွက် တစ်ရွက်ပေါ်မှာ ဖားကလေးတစ်ကောင်ကို တွေ့လိုက်ပါတယ်…

“မင်းက ငါ့ကို စကားပြောနေတာလား ” လို့ အဖိုးအိုက ဖားကလေးကို မေးလိုက်ပါတယ်..

“ဟုတ်ပါတယ်.. ရှင့်ကိုပြောနေတာပါ.. ကျွန်မကို ကယ်ပါ.. ဒီကြာရွက်ပေါ်ကနေ ဆယ်ယူပြီး ရှင်က ကျွန်မကို အနမ်းလေးတစ်ပွင့် ပေးလိုက်ပါ… ဒါဆိုရင် ကျွန်မဟာ ရှင်မြင်ဖူးသမျှ မိန်းမပျိုတွေထဲမှာမှ အလှဆုံး မိန်းခလေးအဖြစ် ပြောင်းလဲသွားပါလိမ့်မယ်.. ပြီးရင် ကျွန်မဟာ ရှင့်ရဲ့ သတို့သမီးလေး ဖြစ်လာမှာပါ…. ဒါဆိုရင် ရှင့်သူငယ်ချင်းတွေ မိတ်ဆွေတွေက ရှင့်ကို မနာလိုရလောက်အောင် ဖြစ်ကြပါလိမ့်မယ်..”

အဖိုးအိုဟာ ဖားကလေးရဲ့ စကားကို ကြားတာနဲ့ ချက်ခြင်းဘဲ ဖားကလေးကို ကောက်ပြီး သူရဲ့ အင်္ကျီ အိတ်ထောင်ထဲကို ထည့်လိုက်ပါတော့တယ်…

ဖားကလေးက “ ရှင်ရူးနေသလား.. ကျွန်မပြောတာကို ရှင်မကြားဘူးလား.. ကျွန်မကို နမ်းလိုက်ရင် ရှင့်ရဲ့ အလှပဆုံး သတို့သမီးလေး ဖြစ်လာမှာပါလို့ ပြောနေတယ်လေ……….”

အဖိုးကြီးက အိတ်ထောင်လေးကို အသာဟပြီး ဖားကလေးကို ငုံ့ကြည့်ကာပြောလိုက်ပါတယ်.

“ နေပါစေ… ငါ့အသက်အရွယ်က မိန်းမတစ်ယောက် ရှိတာထက် စကားပြောတတ်တဲ့ ဖားတစ်ကောင် ရှိတာက ပိုပြီးကောင်းလိမ့်မယ်တဲ့……………

မြန်မာ့အမျိုးသမီးသူရဲကောင်း

မြန်မာနိုင်ငံ၏ တစ်ဦးတည်းသော သူရဘွဲ့ရရှိသူ အမျိုးသမီး သူရဲကောင်း ထားဝယ်သူ သူရ မချစ်ပို

 

 

 

 

၁၉၅၀ပြည့်နှစ် လွတ်လပ်ရေးနေ့တွင် နိုင်ငံတော် အစိုးရမှ "သူရ"ဘွဲ့ ချီးမြှင့်ပေးအပ်ခဲ့သူ အမျိုးတစ်ဦး ရှိခဲ့ပါသည်။ မြန်မာ့
တပ်မတော်နှင့် မြန်မာနိုင်ငံတွင် တစ်ဦးတည်းသော အမျိုးသမီး "သူရ" ဘွဲ့ ပိုင်ရှင်ဖြစ်ပါသည်။ ၄င်းမှာ ထားဝယ်သူ
"သူရ မချစ်ပို" ဖြစ်ပါသည်။




မချစ်ပိုကို ၁၉၀၇ ခုနှစ်တွင် ထားဝယ်မြို့ တွင် မွေးဖွား၍ ထားဝယ်မြို့ တွင်ပင် ကြီးပြင်းခဲ့ပါသည်။ မချစ်ပိုသည်
အသက်(၂၀)အရွယ် ၁၉၄၇ ခုနှစ်တွင် BE တပ်ထဲဝင်သွားသော မောင်ဖြစ်သူအာ ရှာဖွေရန် ထားဝယ်မှ ပြင်ဦးလွင်သို့
တစ်ဦးတည်းထွက်ခွါ သွားခဲ့ပြီး ပြင်ဦးလွင်မြို့ရှိ ဦးကြွယ်၊ ဒေါ်ပုတို့၏ မွေးစားသမီးကဲ့သို့ ချစ်ခြင်းကို ရရှိကာ ၄င်းအိမ်တွင်
ဆက်လက် နေထိုင်ဖြစ်သွားလေသည်။ ထို့နောက် ဦကြွယ်ဒေါ်ပုတို့နှင့် ရင်းနှီးသူ BE တပ်မှ တပ်ကြပ် လှမောင်နှင့်
လူငယ်သဘာဝ ချစ်ကျွမ်းဝင်ကာ အိမ်ထောင် ကျသွားလေတော့သည်။




မချစ်ပို BE တပ်မှ စစ်သည်ဖြင့် အိမ်ထောင်ကျပြီးနောက် ၁၉၄၉ ခုနှစ် ဖေဖေါ်ဝါရီလ ၂၁ ရက်နေ့ တွင် KNDOတပ်ဖွဲ့များ
သည် မေမြို့ (ယခုပြင်ဦးလွင်မြို့) အား အလစ်အငိုက်စီးနင်းသိမ်းပိုက်လိုက်လေသည်။ ထိုအချိန်ကမေမြို့တွင် ဗိုလ်မှူး
ထင်ပေါ်နှင့် ဗိုလ်ကြီး ဘဖြူ ဦးစီးသော အမှတ် (၁) BEတပ်ခွဲနှင့် အမှတ်(၂)BE တပ်ခွဲတို့သည် ရရာလက်နက်ခဲယမ်းများ
သိမ်းဆည်းကာ လားရှိုးဘက်သို့ ဆုတ်ခွာသွားခဲ့ကြသည်။ ထိုသို့ ဆုတ်ခွာသွားသော တပ်များသည် လားရှိုးတွင်
ပြန်လည်စုဖွဲ့ကာ မေမြို့ သို့ ပြန်လည် ချီတက်ခဲ့ကြလေသည်။




မေမြို့ ရေချမ်းအိုးရွာဘက်တွင် တိမ်းရှောင်နေကြသော BE တပ်မှ အရာရှိစစ်သည်များနှင့် ကျန်တပ်ပေါင်းစုံမှ တပ်ဖွဲ့
ဝင်များလည်း BE တပ်တွင် လာရောက်ပူးပေါင်းခဲ့ကြလေသည်။ ထို့နောက်.... တပ်ပေါင်းစု အင်အားဖြင့် ဖေဖေါ်ဝါရီလ
၂၄ ရက်နေ့တွင် ပြန်လည်တိုက်ခိုက်ခဲ့ရာ BE တပ်ကုန်း ( ယခု မေမြို့ အင်ဂျင်နီယာတပ်) နေရာကို ပြန်လည် သိမ်းပိုက်
ရရှိခဲ့ပြီး လက်နက် ခဲယမ်းများကိုပါရရှိလိုက်လေသည်။ ထို့အပြင် မြို့ တွင်းတိုက်ပွဲအဖြစ် ဆက်လက် တိုက်ခိုက်သော
တပ်ဖွဲ့ဝင်များသည်လည်း မေမြို့ - လားရှိုး လမ်းတစ်လျှောက် မြို့ မ ရုပ်ရှင်ရုံ ထိသိမ်းပိုက်လိုက်နိုင်ခဲ့လေသည်။





အင်ဂျင်နီယာတပ်မှ ဦးဆောင်ကာ မေမြို့ကို ပြန်လည်တိုက်ခိုက်ခဲ့သော ဖေဖေါ်ဝါရီလ (၂၄) ရက်နေ့အား BE တပ်ဖွဲ့ခေါ်
အင်ဂျင်နီယာတပ်ဖွဲ့နေ့ အဖြစ် ဂုဏ်ပြုမှတ်တမ်းတင်ခဲ့လေသည်။ ထိုသို့... ဖေဖေါ်ဝါရီလ ၂၄ ရက်တွင် စခန်းများရရှိပြီး
ဖြစ်သော်လည်း မြို့တွင်းတိုက်ပွဲများ ဆက်လက်ဖြစ်ပွားနေဆဲဖြစ်ပြီး တစ်ဘက်နှင့်တစ်ဘက် ခြေကုတ်စခန်းများကို အား
ပြုကာ အဖွဲ့ငယ်များ စေလွှတ်၍ အပြန်အလှန် သတင်းထောက်လှမ်း တိုက်ခိုက်နေကြလေသည်။ မြို့ပေါ်တွင်လည်း
လေ့ကျင့်မှု မရှိသော အရပ်သားများသည်ပင် ရရာလက်နက်စွဲကိုင်ပြီး တပ်နှင့် ပူးပေါင်း` တိုက်ပွဲဝင်ခဲ့ကြသည်။





ဤအခြေအနေတွင် ခက်ခဲသော ကိစ္စရပ် တစ်ခုမှာ ရန်သူ့ သတင်းထောက်လှမ်းရေးရရှိရေးပင် ဖြစ်လေသည်။ ထိုစဉ်က
BEDT ကုန်းမှထွက်လိုက်သည်နှင့် ရန်သူသည် ယောက်ျားမှန်သမျှအားဖမ်းဆီးခြင်း သို့မဟုတ် ပစ်ခတ်ခြင်းများ ပြုလုပ်
လျှက်ရှိပြီး မိန်းမများမှာ ဈေးရောင်းခြင်း နွားကျောင်းခြင်းများဖြင့် ၀င်ထွက်လျှက်ရှိလေသည်။ BE တပ်ဦးစီးသော တပ်
ပေါင်းစုအတွက် အခက်အခဲဖြစ်ပေါ်လျှက်ရှိသော သတင်းထောက်လှမ်း ရရှိရေးအတွက် မိမိဆန္ဒအလျောက် တာဝန်ယူ
လိုက်သူမှာ ထားဝယ်သူလေး `` မချစ်ပို´´ ပင်ဖြစ်ပါသည်။





မချစ်ပိုသည် ထားဝယ်သူဖြစ်ခြင်းကြောင့် စကားပြောလျှင် အသံဝဲပြီး အသားမဖြူမညို၊ မျက်နှာလေးထောင့်စပ်စပ်၊ အရပ်
ငါးပေသုံးလက်မခန့်ရှိသည်။ စကားပြောလျှင် ခပ်ပြတ်ပြတ်ပြောတတ်သဖြင့် လုပ်စရာရှိလျှင် ပြတ်ပြတ်သားသားလုပ်မည့်
သဘောကိုဆောင်လေသည်။




မချစ်ပို၏ ယောက်ျားဖြစ်သူ တပ်ကြပ်လှမောင် အပါအ၀င် အင်ဂျင်နီယာတပ်ဖွဲ့များသည် လေ့ကျင့်ရေးတပ်ကုန်းတွင်
ရင်ဆိုင်ထားစဉ် တစ်ဘက်နှင့်တစ်ဘက် အဖွဲ့ငယ်များဖြင့် အပြန်အလှန် ပစ်ခတ်ကြရာမှ တပ်ကြပ် လှမောင်အား
သေနတ်မှန်ကာ ဒဏ်ရာရရှိခဲ့လေသည်။




မချစ်ပိုသည် ဓါးတို တစ်လက်နှင့် လက်ပစ်ဗုံးတို့ ယူဆောင်ပြီး ခမောက်ဆောင်းကာ၊ တုတ်တစ်ချောင်း၊ လွယ်အိတ်
တစ်လုံးတို့ဖြင့် နွားကျောင်းသမ ပုံသဏ္ဍာန်ဖြင့် DKDO တပ်များ တပ်စွဲထားသော မေမြို့ လေ့ကျင့်ရေး တပ်ကုန်း၊
ဆေးတပ်ကုန်းများဘက်သို့ နည်းမျိုးစုံဖြင့် ၀င်ရောက်ကာ... ရန်သူ၏ လက်နက်ကြီးများ ထားရှိရာနေရာ၊ ကွပ်ကဲရေးရုံး
တည်နေရာနှင့် အခြား ထောက်လှမ်းရေး လုပ်ငန်းများကို လုပ်ဆောင်ခဲ့လေသည်။ ရန်သူသည် နွားတစ်အုပ်နှင့် မချစ်ပို
အား နွားကျောင်းနေသည်ဟုသာ ထင်နေခဲ့လေသည်။




မချစ်ပိုသည် နွားကျောင်းရင်းဖြင့် ရန်သူလက်နက်ကြီး ပစ်ကူနေရာများ၊ စက်သေနတ်ကြီးများ ချထားသည့် နေရာများ
အား တပ်ဖွဲ့ထံသတင်းပြန်လည်ပို့ပေးနိုင်ခဲ့လေသည်။ တစ်ခါတစ်ရံ ရန်သူအဖွဲ့ငယ် သုံးလေးဦးခန့်ဖြင့် ဆုံတွေ့စဉ် အခွင့်
သာပါက လက်ပစ်ဗုံးဖြင့် တိုက်ခိုက်လာခဲ့ရာ ရန်သူတပ်ဖွဲ့များ အတော်ပင် အထိနာခဲ့လေသည်။




စစ်ဆင်ရေးတွင် ကျင်လည်လာသော မချစ်ပိုသည် လက်ရှိ လုပ်ဆောင်ချက်အား အားမလိုအားမရဖြစ်ကာ ထမီအစား
ဘောင်းဘီဝတ်လိုကြောင်း..... နေရာတိုင်း သုံးမရသော လက်ပစ်ဗုံးအစား သေနတ် တတ်ဆင်ပေးရန်နှင့် နေ့ခင်းဘက်
တွင် ထောက်လှမ်းရရှိခဲ့သော နေရာများအား ညဘက်တွင် တပ်ဖွဲ့နှင့် အတူ လိုက်ပါတိုက်ခိုက်လိုကြောင်း တင်ပြခဲ့လေ
သည်။ မချစ်ပို၏ တင်ပြချက်အား ဗိုလ်ကြီးဘဖြူမှ သဘောတူကာ ရိုင်ဖယ်ဖြင့်အဆင်မပြေနိုင်သဖြင့်မချစ်ပိုအားခြောက်
လုံးပြူးထုတ်ပေးလိုက်သည်။ မချစ်ပိုသည် နေ့ခင်းဘက်တွင် သတင်းထောက်လှမ်း၍ ညဘက်တွင်ညတိုက်ပွဲများ ဆက်
လက် ဆင်နွှဲကြလေသည်။





မချစ်ပိုပါဝင်သော တပ်ဖွဲ့၏ တိုက်ခိုက်မှုများကြောင့် KNDO အဖွဲ့များမှာ များစွာ အထိနာခဲ့လေသည်။  ထို့နောက်
ထောက်ပံ့ရေးကုန်းသို့ ၀င်စီးသော ညတွင်ကား မချစ်ပိုကိုထိမှန်လေတော့သည်။ နေ့ခင်းဘက်က မချစ်ပို ၀င်ရောက်
ထောက်လှမ်းရရှိခဲ့သည့် လက်နက်ကြီးနေရာအား တပ်ဖွဲ့မှ နောက်ပိုင်းမှ မော်တာဖြင့် ဦးနှိမ် ပစ်ခတ်ထားပြီး.... မချစ်ပို
ပါဝင်သော အဖွဲ့ကရန်သူ၏ ခံစစ်စည်းထဲသို့ အတင်းထိုးဖောက် ၀င်ရောက်သွားကြလေသည်။ ရန်သူများခေါင်းမထောင်
နိုင်အောင်ဖြစ်နေချိန်တွင် စစ်သည်များက လှံစွပ်ဖြင့်တက်ထိုးရန် ပြင်ဆင်ကြလေရာ... မချစ်ပိုကလက်မခံပဲ.. လက်ပစ်
ဗုံးဖြင့် ပစ်မည်ဟု ဆိုကာ.. လှိမ့်၍ချဉ်းကပ်သွားလေသည်။ မချစ်ပိုအပစ်မခံရစေရန် စစ်သည်များက ကာပစ်ပစ်ပေးရင်း
ယောင်ပြလှုပ်ရှားမှုများပြုလုပ် ပေးကြလေသည်။





ရန်သူ့ သေနတ်သံများ ရပ်စဲသွားခဲ့ပြန်လေသည်။ မချစ်ပိုကား ထပ်မံ..... လက်စွမ်းပြခဲ့ပြန်လေသည်။ ချဉ်းကပ်မျဉ်းမှ
ပြန်အထွက်တွင် မချစ်ပိုကို လှိမ့်မှောက်ပြီး ဆုတ်ခဲ့ရန် ပြောသော်လည်း ရန်သူအား အထင်သေးမိကာ မတ်တတ် ပြန်
လာခဲ့ခြင်းကြောင့် ရန်သူ့ သေနတ်သံ တစ်ချက်ထွက်ပေါ်လာပြီး မချစ်ပို ဗိုက်ကိုလက်နှင့်ဖိကာ လဲကျသွားခဲ့ရလေသည်




မချစ်ပိုကား သတ္တိကောင်းလှပေသည်။ ဒဏ်ရာရသည့်တိုင် ညည်းညူခြင်းမရှိ၊ ဗိုက်ကို အ၀တ်ဖြင့်ပတ်ပြီး ဖိထားလေ
သည်။ ရဲဘော်များ မချစ်ပိုကိုပွေ့ကာ မြို့ထဲဘက်သို့ ခေါ်ဆောင်သွားကြသည်။ ထို့နောက်.... မေမြို့ နယူးဆေးတိုက်မှ
ဆရာဝန် ဒေါက်တာဘရှင် ရောက်ရှိလာပြီး မချစ်ပိုအား ကားဖြင့်တင်ကာ ဆေးတိုက်တွင် ညတွင်းချင်း ခွဲစိတ်ကုသပေး
လေသည်။ ထိုသို့ ခွဲစိတ်ကုသပြီးသော အချိန်တွင်KNDO အဖွဲ့များကမသင်္ကာသဖြင့်ဆေးတိုက်သို့လာရောက်စစ်ဆေးကြ
ကြောင်းဒေါက်တာဘရှင်က မင်သေသေဖြင့် ဟောက်လွှတ်သောကြောင့် ပြန်သွားကြကြောင်း သိရှိရလေသည်။




ထိုအချိန်က ခေတ်အခြေအနေအရ လျှပ်စစ်မီးနှင့် အောက်လင်းမီး မရှိခြင်းကြောင့်မချစ်ပို၏ ဒဏ်ရာကိုဖယောင်းတိုင်
မီးဖြင့်ပင် ခွဲစိတ်ကုသပေးခဲ့ကြောင်း ဒဏ်ရာအား ၁၅ ချက်ခန့် ချုပ်ခဲ့ရကြောင်း၊ မချစ်ပိုသည် ထိုဆေးတိုက်မှာပင်
တစ်ပတ်ခန့်ပုန်းအောင်းကာ ဆေးကုသခံနေခဲ့ရကြောင်း အနာမကျက် သေးမီ မချစ်ပိုက ပြန်ချင်လှပြီဆိုကာ မွေးစား
ဖခင် ဦးကြွယ်၏ နေအိမ်သို့ ပြန်ခဲ့လေသည်။





KNDO အဖွဲ့မှ ဗိုလ်အဆင့်ရှိသော စောဘစံ ဆိုသူမှာ.... ထုံးဘိုရပ်ထဲမှ မချစ်ပု ဆိုသူ အမျိုးသမီးနှင့် ပတ်သက်လျှက်
ရှိကြောင်း။ မချစ်ပုနှင့် စောဘစံ၏ ယုတ်မာမှုများကြောင့် အရပ်ထဲမှ တခြားမိန်းကလေးများမှာလည်း ဖျက်ဆီးခံခဲ့ရ
သည်များလည်း ရှိခဲ့ကြောင်း..... ။





စောဘစံ၏ အမျှောင်မယား မချစ်ပု ၏ လက်ထောက်ချမှုကြောင့်...... စောဘစံအဖွဲ့သည် မချစ်ပိုအား သိရှိသွားလေ
တော့သည်။ မချစ်ပို၏ လှုပ်ရှားမှုများအား စောင့်ကြည့်ကာ ဆေးတိုက်မှဆင်းပြီး ဦးကြွယ်၏ အိမ်တွင် ပုန်းခိုနေထိုင်
နေသောမချစ်ပိုအားစောဘစံ ခေါင်းဆောင်ပြီး လက်နက်ကိုင် လေးငါးဦးခန့်ဖြင့် မချစ်ပိုအား လာရောက်ဖမ်းဆီး ခေါ်
ဆောင်ကြလေတော့သည်။




မချစ်ပိုသည် ထွက်ပြေးရန် မကြိုးစား၊ ဓားတိုတစ်ချောင်းကိုဝှက်ယူကာ လိုက်ပါသွားလေသည်။ ထိုရက်များတွင်မေမြို့ရှိ
BE တပ်များမှာ မန္တလေးသို့ ဆင့်ခေါ်ခြင်းခံရသဖြင့် ပြန်လည်ဆုတ်ခွာသွားကြလေရာ တပ်ဖွဲ့ဝင်များ၏ ဇနီးနှင့် သားသမီး
များကို ကြည့်ရှုစောင့်ရှောက်ထားနိုင်ခြင်း မရှိတော့သဖြင့် မိသားစုဝင်များမှာ ဟိုသည် ပုန်းအောင်း၍ နေခဲ့ကြရရှာသည်။
မချစ်ပိုမှာလည်း ဒဏ်ရာ မပျောက်ကင်းသေးသဖြင့် ကျန်ရစ်ခဲ့ရာမှ အဖမ်းခံလိုက်ရခြင်းဖြစ်လေသည်။ KNDO အဖွဲ့များ
သည် သာမန် စစ်သည် မိသားစုဝင်များကိုစိတ်မ၀င်စားခြင်း မရှိဘဲ ၄င်းတို့အား နည်းအမျိုးမျိုးဖြင့် တိုက်ခိုက်ကာ ဒုက္ခပေး
ခဲ့သော မချစ်ပိုကိုသာ သဲကြီးမဲကြီးလိုက်ရှာနေခဲ့ကြခြင်းဖြစ်လေသည်။ မချစ်ပိုကို စောဘစံကသူ၏အမြှောင်မယား
မချစ်ပု၏ အိမ်သို့ ဖမ်းဆီးခေါ်ဆောင်သွားလေသည်။





ထိုအချိန်က မချစ်ပိုတွင် အံပွါးရှိခြင်းကြောင့် ဓား၊ သေနတ်ပြီးကာ သူမကိုယ်တိုင်သာမက နောက်က လိုက်ပါကြသူများ
သည်လည်း ကျည်ဆန်ထိမှန်ခြင်း မရှိဟု ယုံကြည်နေကြသည်။ စောဘစံ၏မယား မချစ်ပု၏ အိမ်သို့ ရောက်သည်နှင့်
မချစ်ပို ကို ဖမ်းချုပ်ကာသူမ၏ အံသွားများကို ဓားဖြင့်ကလန့်ထုတ်ကြလေသည်။ မချစ်ပိုသည် အံသွားအပို (အံပွား) ပါ
သူတစ်ဦးဖြစ်သည်။ မချစ်ပိုသည် ၀ှက်ယူလာသော ဓါးတိုဖြင့် သွားနှုတ်နေသူအား ထိုးလေရာ နှစ်ဦးထံ ဓါးထိုးခံရကာ
သေဆုံးလေတော့သည်.....။




မချစ်ပို၏ လုပ်ဆောင်ချက်ကြောင့် စောဘစံသည် မခံရပ်နိုင်ဖြစ်ကား သေနတ်ဆွဲ၍ မချစ်ပိုအား တရစပ် ပစ်ခတ်လေရာ
မချစ်ပိုမှာ လဲကျသွားလေတော့သည်။ မချစ်ပိုသည် ဒဏ်ရာပြင်းထန်စွာရနေသော်လည်းအတန်ကြာသည်အထိ သေဆုံး
ခြင်း မရှိသဖြင့်အသက်ပြင်းသည်ဟုပြောစမှတ်ပြုကြလေသည်။ ထို့နောက် စောဘစံသည် မချစ်ပို၏အလောင်းအား
ရေတွင်းထဲသို့ ပစ်ချလိုက်လေသည်။ အပေါ်မှ အုတ်ခဲကျိုးများ၊ ပန်းအိုးကွဲများ ပစ်ချထားလိုက်လေသည်။




ဤသို့ဖြင့် အမျိုးသမီး သူရဲကောင်း မချစ်ပိုသည် ( ၈-၄-၄၉ ) ရက်နေ့၊ အသက် (၄၂) နှစ် အရွယ်တွင် ကျဆုံးသွားခဲ့ရရှာ
လေသည်။ မချစ်ပို ကျဆုံးသောနေ့ရက်တွင် မြောက်ပိုင်းတိုင်းစစ်ဌာနချုပ် လက်အောက်ခံတပ်များက မန္တလေးမြို့အား
ပြန်လည်သိမ်းပိုက်သောနေ့ဖြစ်လေသည်။ ထို့နောက် မချစ်ပိုသေဆုံးပြီး (၃)ရက်ခန့်အကြာတွင် တပ်များ ပြန်လည်
ရောက်ရှိလာပြီး မချစ်ပို၏ အလောင်းအားပြန်လည်ဆယ်ယူကြလေသည်။




(၁၆-၄-၄၉) ရက်နေ့တွင် မြောက်ပိုင်းတိုင်း စစ်ဌာနချုပ်မှ မန္တလေး - မေမြို့ ကားလမ်းအား စစ်ဆေးရန်ရာက်ရှိလာသော
ဗိုလ်မှူးကြင်နှင့်စစ်သည်များသည် မချစ်ပို၏ အလောင်းကို စစ်အခမ်းအနားဖြင့် ကောင်းမွန်စွာ သင်္ဂြိုလ်ခဲ့ကြသည်။
မချစ်ပိုအတွက်အမိန့် စာအား ဦးထွန်းအုံက ဖတ်ကြားကြောင်းသိရှိရလေသည်။




နိုင်ငံတော်အတွက်...... အသက်ကို ပဓာန မထားပဲ......သူရသတ္တိ ပြောင်မြောက်စွာဖြင့် နောက်ဆုံးအချိန်အထိ ရဲ့ဝံ့
စွန့်စားစွာ တိုက်ပွဲဝင်ခဲ့သော ``မချစ်ပို´´အား ၁၉၅၀ပြည့်နှစ်၊ လွတ်လပ်ရေးနေ့တွင် နိုင်ငံတော် အစိုးရမှ
`` သူရ ´´ဘွဲ့တံဆိပ်အား ချီးမြှင့်ပေးအပ်ခဲ့လေသည်။




မေမြို့ ရှိ မချစ်ပို၏ အုတ်ဂူလေးကို အစဉ်အဆက် ထိန်းသိမ်းစောင့်ရှောက်ခဲ့ကြလေသည်..... ၁၉၆၀ ပြည့်နှစ်တွင်
မေမြို့ အင်ဂျင်နီယာတပ်၌ ဗိုလ်မှူးတင်မောင် (သိပ္ပံ မှူးတင်) တပ်မှူး ဖြစ်သောအခါ အုတ်ဂူလေးကို ပြန်လည် မွမ်းမံခဲ့
ကြောင်း သိရှိရလေသည်။




အမိမြေကိုချစ်သောအာဇာနည် အမျိုးသမီး “သူရမချစ်ပို” ၏ အုတ်ဂူဖြူဖြူလေးသည် ပြင်ဦးလွင်မြို့ ထုံးဘိုရပ်တွင်
ယနေ့တိုင် တည်ရှိနေဆဲဖြစ်ပါသည်။ မသိနားမလည်ကြသူ အချို့က အုတ်ဂူသင်္ချိုင်း မှာ မြို့ထဲရောက်နေသဖြင့် ရွှေ့
ပစ်သင့်သည်ဟု ထင်မြင်ယူဆနေကြပါသည်။





`` သူရ မချစ်ပို ´´ ၏ အုတ်ဂူသည် သင်းင်္ချိုင်း မဟုတ်ပါ။ မေမြို့ (ပြင်ဦးလွင်) ကို ချစ်သော၊ မေမြို့ တိုက်ပွဲတွင် မြန်မာ
အမျိုးသမီးများ၏ စိတ်ဓါတ်ကို ပြဆိုနေသော.... ဂုဏ်ရောင်ကို ထွန်းလင်းစေသော စံအိမ်လေးတစ်ခုသာ ဖြစ်ပါသည်။
သူရ မချစ်ပိုသည် ရုပ်ခန္ဓာ သေဆုံးသွားသော်လည်း စွမ်းရည်သတ္တိမသေဆုံးသေးသော. ထာဝရရှင်သန် နေမည့် မြန်မာ
အမျိုးသမီးတစ်ဦးသည် အုတ်ဂူစံအိမ်လေးထဲတွင် အိပ်ပျော်နေခြင်းသာဖြစ်သညိဟု မှတ်ယူနားလည်မိပါသည်။





အမိမြေကိုချစ်သော သားကောင်း သမီးကောင်းများအကြောင်း ပြောဆိုရာတွင် မချစ်ပိုက မြန်မာ အမျိုးသမီးများ၏
အကြောင်းကို အသံမဲ့ ၀င်ရောက် ပြောဆိုနေဦးမည်.... ထာဝရပြောပြနေဦးမည်သာ ဖြစ်ပါကြောင်း ဂုဏ်ပြုရင်း.........




( အပြုံးပန်းဈေးခင်း အား ပြန်လည်မှီငြမ်းပါသည်...။)

မေးလ်မှကူးယူဖော်ပြသည်...။

ရှားဇောင်းလပတ် ၏ အစွမ်း

ဒီနေ့မြန်မာ့အသံမှာလာတဲ့ယဉ်တကိုယ်မယ် လေးပြောသွားသလိုပဲ ရှားစောင်းလက်ပတ်လေးအကြောင်းကို

 

သူပြောတာထက် အသုံးဝင်ကြောင်းလေးကိုသူငယ်ချင်းတို့ကိုပြောပြပေးချင်ပါတယ်။

လူတိုင်းအလှအပကိုမြတ်နိုးကြမယ်လို့ထင်ပါတယ်။

ရှားစောင်းလက်ပတ် ရဲ့ ဂျယ်လီလိုဖြစ်နေတဲ့

အသားတုန်တုန်ကလေးတွေကို မျက်နှာမှာအသာလိမ်းပေးမယ် ဆိုရင်

မျက်နှာပေါ်မှာ ဖြစ်တတ်တဲ့ အမဲကွက်တွေ နေလောင်တာတွေကိုကာကွယ်ပေးပါတယ်။

အသားအရေ ခြောက်တာလည်းမဖြစ်တော့ဘူးပေ့ါ။

မိန်းကလေးတွေအများစုဟာ မိတ်ကပ်ကိုလိမ်းတတ်ကြပါတယ်

မနက်ပိုင်းလိမ်းပြီးလို့ မိတ်ကပ်ကြောင့်အသားအရေးမပျက်စီးရအောင် ညနေအိမ်ပြန်ရောက်တဲ့အခါ

(သို့) ညအိပ်ယာဝင်ခါနီး မျက်နှာသစ်ပြီးတဲ့အခါ ရှားစောင်းလက်ပတ်ဂျယ်လီလေးကို

မျက်နှာအနှံ့လိမ်းပေးပြီး မိနစ်(၂၀)လောက်မှာ ရေအေးနဲ့ မျက်နှာပြန်သစ်ပေးမယ် ဆိုရင်

မျက်နှာပေါ်မှာ ဖြစ်တတ်တဲ့ ၀က်ခြံဖုပေါက်တာ၊ နေကြောင့်အသားအရေလောင်တာ ခြောက်တာတို့ကို

မဖြစ်အောင်ကာကွယ်ပေးပါတယ်။

နောက်ပြီး ရေနွေးပူလောင်တာ၊မီးပူလောင်တာတို့ဖြစ်တဲ့အခါမှာလည်း

ဖြစ်ဖြစ်ချင်းရှားစောင်းလက်ပတ်ကိုရေနဲ့သန့်သန့်ဆေး၊ နှစ်ခြမ်းခွဲပြီး

အပူလောင်တဲ့ဒါဏ်ရာပေါ်ကို ကပ်ပေးပြီးမကြာခဏ ရှားစောင်းလက်ပတ်လဲလှယ်ပေးမယ်ဆိုရင်

 ဒါဏ်ရာဟာအပူဖူ(အရည်ကြည်ဖု) ဖြစ်မလာတော့ပဲ ခဏအတွင်းသက်သာမှာ

ဖြစ်သလိုနဂိုအသားအရေအတိုင်း ပြန်ရမှာဖြစ်ပါတယ်။

 ရှားစောင်းလက်ပတ် ယိုလို့ပြောရမလား ချက်ဆေးလို့ပြောရမလား လုပ်ပြီး

စားလို့လည်းရပါသေးတယ်။ အဲဒါကတော့ ရှားစောင်းလက်ပတ်ရယ်၊ ထန်းလျက်အမဲရယ်၊

မန်ကျည်းသီးမှည့်ရယ်ရောကြိုရတာပါ။ တချို့ကတော့ စမုံမျိုး(၅)ပါးထည့်ကြပါတယ်။

ကျွန်မကတော့ အလွယ်ပဲ ကြိုစားဖြစ်တာပါ စမုံမျိုး(၅)ပါး မထည့်ဖြစ်ပါဘူး။

ရှားစောင်းလက်ပတ်ကတစ်ဆ၊ မန်ကျည်းသီးတစ်ဆကို ထန်းလျက်က နှစ်ဆထည့်ရမှာပါ။

အရင်ဆုံးအပင်ကခူးလာတဲ့ ရှားစောင်း လက်ပတ်ကို ရေအေးနဲ့သန့်နေအောင်ဆေးရပါမယ်

ပြီးတော့ ကျိတ်စက်ကလေးနဲ့တစ်ချောင်းချင်း ကျိတ်ပေးရပါတယ်။

ဒါမှမဟုတ်ရင်လည်းဓါးနဲ့ ပါးပါးလေးလှီးပေးရင်လည်း ရပါတယ်။

ကျိတ်စက် ဆိုတော့မြန်တာပေ့ါနော။

ထန်းလျက်ကိုလည်း ရေနည်းနည်းနဲ့ကြိုထားရပါမယ်။

မန်ကျည်းသီးကိုတော့ ရေအေးနည်းနည်းနဲ့ စိမ်ပြီးပွနေအောင်ထားရပါမယ်။

ပြီးမှ မျည်ကျည်းသီးကို အနှစ်တွေပဲရအောင် ဇကာကလေးနဲ့တိုက်ချပေးရပါတယ်။

ပွနေတဲ့မန်ကျည်းသီးကို ဒီအတိုင်းထည့်လည်းရပါတယ်။

ကျွန်မကတော့ အနှစ်ကလေးတွေပဲရအောင်ဇကာလေးနဲ့ တိုက်ချတာပါ။

ကြိုထားတဲ့ ထန်းလျက်ကို အအေးခံပြီး ရေစစ်နဲ့စစ်ပေးရပါမယ်။

ဘာကြောင့်လဲဆိုတော့ ထန်းလျက်မှာအမှိုက်ကလေးတွေ သဲလေးတွေပါနေတတ်တာကြောင့်ပါ။

ပြီးရင်အဲဒီ(၃)မျိုးကို ဒန်အိုးသန့်သန့်ထဲပေါင်းထည့်ပြီး ကြိုလို့ရပါပြီ။

ကြိုနေရင်းနည်းနည်းပြစ်လာပြီဆိုရင်တော့ ဆက်တိုက်မွှေပေးရပါမယ်။

ထန်းလျက်ပါတာကြောင့် မီးတူးတတ်တယ်လေ။

ရေတွေခန်းသွားခါနီးမှာ တော့ ဆားသင့်တော်ယုံ လောက်ထည့်ပြီးမွှေပေးရပါတယ်။

 ရေလည်းမကျန်၊ တအားစေးကပ်သွားတာလဲ မဟုတ်ပဲ သင့်တော်တဲ့

အနေအထားထိထားပြီး အအေးခံထားလိုက်ပါ။

 ပြီးရင် ပုလင်း(သို့)ဗူးထဲထည့်ပြီး ညနေစာနဲ့ ဝေးတဲ့ ညအိပ်ခါနီးအချိန်မှာ

အဲဒီရှားစောင်းလက်ပတ်ယိုကို စားပေးမယ်ဆိုရင် ဆီး၊၀မ်း၊လေ မှန်ပြီး အသားအရေစိုပြေမှာဖြစ်ပါတယ်။

 နောက်ပြီး ဆံပင်ကျွတ်ခြင်း ၊ဗေါက်ထခြင်းကိုတော့ မိမိခေါင်းလျော်တဲ့အခါမှာ

မိမိအသုံးပြုတဲ့ရှန်ပူ နဲ့အတူရောလျော်ရင် ဗေါက်ထတာဆံပင်ကျွတ်တာကနေကင်းဝေးပြီး

ပျော့ပျောင်းလှပတဲ့ဆံပင်ကလေးကို ရရှိမှာဖြစ်ပါတယ်။

 အဲဒါကတော့ မိမိခေါင်းလျော်ရည်ထည့်မည့် ဖလား ဒါမှမဟုတ် ဇလုံကလေးပေ့ါ

အဲဒီအထဲကို ရှားစောင်းလက်ပတ်ရဲ့ဂျယ်လီကလေးတွေပဲရအောင် အပေါ်ယံက အစိမ်းဖတ်ကလေးကို

ဓါးနဲ့ အသာခွာယူပြီး ဂျယ်လီလိုအသားကလေးတွေကို မိမိအသုံးပြုတဲ့ ဘီးကလေးနဲ့ သာသာကလေး ခြစ်ယူပါ။

ပြီးရင်မိမိအသုံးပြုမယ့် ခေါင်းလျော်ရည်ထည့်ထားပြီး မိနစ်၃၀ခန့်ထားပေးပါ။

ခေါင်းလျော်တဲ့အခါ ရောမွှေလိုက်ပါ

လျော်တဲ့အခါမှာ ဦးရေကိုလက်နဲ့ဖွဖွသာကုတ်ပါ။

ခဏပေါင်းထား သလိုဖြစ်အောင် ဖွဖွကုတ်ပေးပါ။

၅မိနစ် ၁၀ မိနစ်လောက် ထားပြီး ရေနဲ့လျော်ပေးမယ်ဆိုရင် သင့်ဆံပင်ဟာ နူးညံ့ပြီး ဗေါက်ကင်းတဲ့သူဖြစ်မှာပါ။

ဆံပင်သားဟာလည်း နှစ်ခွမဖြစ်တော့ပါဘူး။

နောက်ထပ်အသုံးဝင်တာရှိပါသေးတယ် ။

အဲဒါကတော့ ရှားစောင်းလက်ပတ်သတ္တုရည်ကိုသောက်သုံး ခြင်းပါပဲ အဲဒါကတော့

ကိုယ်အတွင်းကကလီစာတွေအတွက် သိပ်ကောင်းတဲ့ဆေးရည်ပါတဲ့။

အဲဒါကိုဂျပန်နိုင်ငံကထုတ်လုပ်နေပြီလို့သိရပေမယ့်

ဆေးရည်ကြိုနည်းကိုအတိအကျမသိသေးတဲ့အတွက်

နောက်မှဆက်လက်ဖော်ပြပေးပါ့မယ်လို့ ..........နော်။

အထက်ကဖော်ပြပေးခဲ့တာတွေကတော့ ကျွန်မလက်တွေ့ မို့ပါ။

ကျွန်မ သင်တန်းတခုတက်ရတုန်းက ကျွန်မဆံပင်က တင်ပါးဖုံးခါနီးအထိရှည်ပါတယ်။

သင်တန်းမှာက ဆံထုံး မထုံးမနေရဆိုတော့ ဆံပင်ကို ခေါက်ရပါတယ်။

သူများလို တစ်ပတ်လျှိုလည်းမထုံးတတ်ပါဘူး ။

အဲဒါကြောင့် ပိုက်အုတ်နဲ့ပဲ မရမက ခေါက်ထုံးရတာဆိုတော့ 

ခေါက်ထားတဲ့အရာကနေဆံပင်တွေကျိုးကုန်ပါတယ်

တော်တော်လည်းပျက်စီးကုန်ပါတယ်။

 ရေမကောင်းတာလဲ ပါတာပေါ့နော်။ အဲဒါကြောင့်ဆံပင်ကိုကျော်လည်အထိ ညှပ်လိုက်ရပါတယ် ။

အဲဒီနောက်မှာမှ ရှားစောင်းလက်ပတ်နဲ့လျော်ရတယ်ဆိုတာကိုသိပြီးလျော်ဖြစ်တာပါ။

ရှားစောင်းလက်ပပ်သတ္တုရည်ပြုလုပ်နည်းနှင့်အခြားနည်းများ

ရှားစောင်းလက်ပပ်အရွက်ကို အရင်းကနေ ဓါးထက်ထက်နဲ့ဖြတ်ပါ။

တစ်ယောက်စာအတွက်ပဲဆိုရင်တော့ လေးရွက်၊ငါးရွက်လောက်အနည်းဆုံး ဖြတ်ယူပါ။

အရွက်ငယ်လေးတွေကိုမဖြတ်ပဲအပင်မှာပဲချန်ထားခဲ့ပါ။

ရေစင်စင်ဆေးပြီးဆူးတွေနဲ့ထိပ်ဖျားကို ဖြတ်ပစ်လိုက်ပါ။

ဓါးနဲ့ပါးပါးလှီးပြီး သစ်သီးဖျော်ရည်စက်နဲ့မွှေပါ။

ပိတ်စပါးသန့်သန့်နဲ့ အရည်ညှစ်ပါ။ ရှားစောင်းလက်ပပ်ရည်ကို အိုးသန့်သန့်တစ်လုံးနဲ့ ခံယူပါ။

ရှားစောင်းလက်ပပ်ရည်ကို မီးဖိုပေါ်တင်ပြီး မိနစ်၃၀ ခန့်ကြာအောင်ကျိုပါ။

ဆူလာတဲ့အခါမှာ အမြှုပ်တွေတက်လာပါလိမ့်မယ်။ တက်လာတဲ့ အမြှုပ်တွေကိုခပ်ထုတ်ပစ်ပါ။

အမြှုပ်တွေဟာ ဖန်တဲ့အရည်တွေပဲဖြစ်ပါတယ်။

အဲဒါကြောင့် အမြှုပ်တွေကိုကုန်အောင်ခပ်ထုတ်ရတာပါ။

ပျားရည်(သို့မဟုတ်) သကြားသန့်သန့်သင့်ရုံလောက်ကို ကြိုက်နှစ်သက်တဲ့

အရသာဖြစ်အောင်ထည့်ပြီး သမအောင်မွှေပေးပါ။

အအေးခံထားပြီး ရေခဲသေတ္တာထဲထည့်သိမ်းထားနိုင်လျှင် ပိုကောင်း ပါတယ်။

သွေးချို၊ဆီးချို ရှိသူများ အတွက်ကတော့ အချိုမထည့်သင့်ပါဘူး။

သဘာဝအတိုင်းသောက်တာပိုကောင်းပါတယ်။

ရှားစောင်လက်ပပ်သတ္တုရည်ကို နေ့စဉ် ကြွေဇွန်းကြီး ၁ဇွန်းနှုန်းဖြင့် သုံးကြိမ်သောက်သင့်ပါတယ်။

ရှားစောင်းလက်ပပ်ရည်ကို ဒီအတိုင်းပဲထားမယ်ဆိုရင် သူ့ထဲမှာပါဝင်တဲ့

အောက်ဇားလစ်အက်ဆစ် Oxalic Acid တွေက ဓါတ်ပြောင်းသွားတတ်ပါတယ်။

ဒါကြောင့်ရေခဲသေတ္တာမရှိသူများ နှစ်ရက်စာလောက်သာကျိုချက်သောက်လျှင်ကောင်းပါတယ်။

 နှစ်ရက်ထက်ပိုမထားသင့်ပါဘူး။

ရှားစောင်းလက်ပပ်အမှုန့်ပြုလုပ်နည်း

ရှားစောင်းလက်ပပ်အရွက်ကို သန့်စင်အောင်ဆေးပြီး ဆူးတွေနဲ့ထိပ်ချွန်တွေကိုဖယ်ပြီး

ပါးနိုင်သလောက်ပါးအောင်လှီးပါ။ ပါးလေကောင်းလေဖြစ်ပါတယ်။

လှီးထားတဲ့ ရှားစောင်းလက်ပပ်အဖတ်လေးတွေကို ၀ါးနဲ့လုပ်ထားတဲ့ ဆန်ကောထဲမှာဖြန့်လှန်းပါ။

တစ်ရက်နဲ့မခြောက်ရင် နှစ်ရက်၊ သုံးရက်စသည်ဖြင့်လုံးဝ ခြောက်သွားအောင်လှန်းပါ။

နှစ်ရက်၊သုံးရက်ကြာတဲ့အခါရှားစောင်းလက်ပပ်တွေလုံးဝ ခြောက်သွားပြီဆိုရင်

ဆုံထဲမှာထည့်ပြီး ထောင်းပါ။ မှုန့်မှုန့်ညက်ညက် လိုချင်တယ်ဆိုရင်တော့ဆန်ကာချပေးရုံပါပဲ။

ရှားစောင်းလက်ပတ်အခြောက်မှုန့် သောက်နည်းကတော့ လက်ဖက်ရည်ဇွန်းတစ်ဇွန်းကို

ရေနွေးတစ်ခန်ခွက်နဲ့ရောပြီး တစ်နေ့နှစ်ကြိမ်၊သုံးကြိမ်သောက်ပါ။

ရှားစောင်းလက်ပပ်အမှုန့်ပြုလုပ်ဖို့အချိန်မရသူတွေအတွက် ရှားစောင်းလက်ပပ်အခြောက်ဖတ် အတိုင်း

 

ရေနွေးဆူဆူထဲခတ်ပြီးရေနွေးကြမ်းသောက်သလိုသောက်သုံးနိုင်ပါတယ်။

 

သောက်ရတာခက်တယ်ထင်ရင်တော့ပျားရည် လေးနည်းနည်း ထည့်သောက်ပါ။

 

သွေးချို၊ဆီးချိုရှိ သူများအတွက်ကတော့ပျားရည်မထည့်သင့်ပါဘူး။

 

ပျောက်ကင်းကာကွယ်နိုင်တဲ့ရောဂါများကတော့ အစာအိမ်ပြည်တည်နာနဲ့ အစာအိမ်နဲ့ပတ်သက်တဲ့ရောဂါ၊

 

ဆီးချို၊သွေးချို၊ အသည်း၊သွေးတိုးရောဂါ အစရှိသည်တို့ကိုကာကွယ်ပျောက်ကင်းနိုင်ပါတယ်။

မှတ်ချက် ၊ ဆရာမောင်မောင်လှိုင်ဘာသာပြန်ဆိုရေးသားတဲ့ အံ့ဖွယ် အစွမ်းထက်တဲ့

 

ရှားစောင်းလက်ပပ်သတ္တုရည်စာအုပ်မှ စုစည်းတင်ပြခြင်းဖြစ်ပါတယ်။

သူငယ်ချင်းတွေကိုလည်း သိစေချင်တဲ့အတွက် ရေးတတ်သလို

 

ရေးထားတာကြောင့် စာလုံးအမှားပါရင်ခွင့်လွှတ်ပါနော်။

( ခေါင်းလျော်ရည်နဲ့ ရှားစောင်းလက်ပတ်ရောသုံးနည်းကိုပြောပြပေးခဲ့တဲ့တောင်ကြီးက

 

ညီမငယ် နီလာကိုလည်းအထူးကျေးဇူးတင်ပါတယ်။

 

အခုလက်တွေ့လည်း လျော်ပြီး ဆံပင်တွေပြန်ရှည်နေပါပြီလို့ .........

 

ကမ္ဘာသစ်မှ ကူးယူတင်ပြသည်။

ကိုယ်ဝန်ဆောင် မိခင်များကိုမပြောသင့်သည့်စကားများ

အမျိုးသမီး တစ်ဦးဟာ ကိုယ်ဝန် ဆောင်နေ ရချိန်မှာ သာမန် အချိန်မှာထက် အများကြီး ပင်ပန်း နေတတ် ပါတယ်။
မွေးလာမယ့် ရင်သွေးလေး အတွက် ရင်ခုန် စိတ်လှုပ်ရှား နေရပေမယ့် တစ်ခါတစ်ရံ စိတ်သွားတိုင်း ကိုယ် မပါတာ
ကြောင့် စိတ်ဓာတ် ကျတာမျိုးလည်း ဖြစ်ရတတ် ပါတယ်။ ဒါကြောင့် ကိုယ်ဝန်ဆောင် မိခင်တစ်ဦး နဲ့ တွေ့ချိန်မှာ သူ့ စိတ်
ကို ပိုမို မသက်မသာ ဖြစ်ရစေမယ့် စကားမျိုး မပြောမိ စေဖို့ ရှောင်သင့်တဲ့ စကားတွေကို ရေးသား လိုက်ရပါတယ်။


(၁) နင့်ကို ကြည့်ရတာ ပေါက်ကွဲ တော့မယ့် အတိုင်းပဲ။
အဓိပ္ပာယ် – နင့် ပုံစံက ပင်လယ် ကမ်းခြေက ဝေလငါး နဲ့ တူလိုက်တာ။ ကိုယ်ဝန် ဆောင်ချိန်မှာ ဟော်မုန်းတွေက မြင့်
တက် လာတာကြောင့် ဗိုက်ဖုံး အင်္ကျီတွေနဲ့ မတော်တော့ တာမျိုး ဖြစ်နေတတ် ပါတယ်။ ဒါပေမဲ့ ဒီလို မပြောသင့် ပါဘူး။
ကိုယ်ဝန်ဆောင် မိခင် အနေ နဲ့ အဆမတန် ၀ဖြိုးနေတယ် လို့ ထင်ပြီး စိတ်ညစ် ရစေတဲ့ စကားပါ။



(၂) အမြွှာ မွေးမှာလား၊ နင်တော့ အလုပ်တွေ ရှုပ်ပြီး ဒုက္ခ များတော့ မှာပဲ။
အဓိပ္ပာယ် – နင့် ကလေးတွေက ငိုတော့မယ်၊ နို့ဆာလို့ ဂျီကျတော့မယ်၊ ဒီတော့ ကလေး နှစ်ယောက် နဲ့ နင် ခြေပစ်
လက်ပစ် ပင်ပန်း တော့မယ်။ လူတွေက အမြွှာ ကိုယ်ဝန်ဆောင် ရပြီ ဆိုရင် အဆိုး မြင်တဲ့ ရှုထောင့်ကပဲ ကြည့်ပြီး ပြော
တတ် ကြပါတယ်။ ပင်ပန်း တော့မှာ၊ အိပ်ပျက် တော့မှာ၊ လက်မလည်အောင် အလုပ်ရှုပ် ရတော့မှာ စသဖြင့်ပေါ့။
တကယ်တော့ အမြွှာလေး မွေးလာရင် တစ်ကြိမ် နဲ့ ကလေး နှစ်ယောက် ရလာလို့ အဖော်ရတာ၊ မွေးဖွားစရိတ်
သက်သာတာ၊ အပြုံးနှစ်ခု တစ်ပြိုင်တည်း ရတာ စတဲ့ ကောင်းကျိုး တွေကိုလည်း ရရှိ စေနိုင် ပါတယ်။



(၃) အခု အိပ်ရေး ၀၀ အိပ်ထားဦးပေါ့။
အဓိပ္ပာယ် – နောင်ဆိုရင် အိပ်ရဖို့ ကောင်းကောင်း လမ်းမမြင်ဘူး။ မိခင် ဖြစ်တော့မယ့် သူတွေ အနေနဲ့ ကလေး မွေးပြီး
တာ နဲ့ အိပ်ရေးပျက်မယ့် အရေး တွေးပြီး လန့်စရာ စကားပါ။ ဒီလို စကားမျိုးက ကိုယ်ဝန်ဆောင် မိခင်တွေကို စိတ်
ပင်ပန်းစေမယ့် စကားဖြစ်လို့ ရှောင်သင့် ပါတယ်။



(၄) တတ်နိုင်သမျှ ပျော်ပျော်ရွှင်ရွှင် လှုပ်ရှားထား။
အဓိပ္ပာယ် – ကလေး မွေးလာတာ နဲ့ ဘာမှ လုပ်နိုင်တော့မှာ မဟုတ်ဘူး။ ကလေး မွေးပြီး ပေမယ့် ရုပ်ရှင် သွားကြည့်နိုင်၊
အေးအေးလူလူ စာဖတ်နိုင်၊ စားသောက်ဆိုင်ကြီးတွေမှာ ညစာ ထွက်စားနိုင်တဲ့ မိဘတွေကို အများကြီး တွေ့ဖူးပါတယ်။
အလုပ်မှာလည်း အောင်မြင်ပြီး ပျော်ရွှင် ကျန်းမာတဲ့ ကလေးငယ်တွေလည်း ရှိတဲ့ မိခင်တွေလည်း အများကြီး ပါပဲ။
ဒါကြောင့် ကိုယ်ဝန်ဆောင် မိခင်ကို ဒီလို စကားမျိုး ပြောပြီး စိတ်ဓာတ် ကျအောင် မလုပ်သင့်ပါဘူး။



(၅) နင့် ပုံစံနဲ့ မိခင်နို့ချို ကိုပဲ တိုက်ဦးမယ်ပေါ့ ဟုတ်လား။
အဓိပ္ပာယ် – နင်ရဲ့ အားအင် မရှိတဲ့ပုံ နဲ့ ကလေးကို မိခင်နို့ချိုပဲ တိုက်ရင်တော့ ကလေးက အာဟာရ ကောင်းကောင်း
ရမှာ မဟုတ်ဘူး။ ကလေးတွေကို မွေးပြီး ခြောက်လ အထိ မိခင်နို့ချို တစ်မျိုးတည်း တိုက်ကျွေးတာက အကောင်းဆုံး
လို့ ပညာရှင်တွေက ဆိုထား တာပါ။ မိခင်က ကိုယ်ခန္ဓာ အရွယ်အစား ဘယ်လောက် သေးသေး၊ သူ့ရင်သွေးကို ပြည့်ဝ
တဲ့ အာဟာရ ရတဲ့ အထိ နို့ချို တိုက်ကျွေး နိုင်ပါတယ်။ အစားအသောက် ကိုတော့ အစုံ စားပေး ပါ။



(၆) နင့် ကြည့်ရတာ စိတ် မသက်မသာ ဖြစ်စရာ ကောင်းလိုက်တာ။
အဓိပ္ပာယ် – ကိုယ်ဝန် ဆောင်ရတဲ့ ဒုက္ခတွေလေ။ ဒါကြောင့် အလှပျက်ရပြီ။ ကိုယ်ဝန် ဆောင်ချိန်မှာ ခြေထောက်တွေ
ရောင်တာ၊ မျက်နှာ နွမ်းနယ်တာ စတဲ့ ဝေဒနာတွေကို တစ်ခါတစ်ရံ ဖြစ်ပေါ်တတ် ပါတယ်။ အဲဒီ အချိန်မှာ သူရဲ့
ဝေဒနာတွေကို ထောက်ပြပြီး မပြောသင့်ပါဘူး။ ကိုယ်ဝန်ဆောင်ထား ပေမယ့် လှနေဆဲ ပါပဲ လို့ ပြောပေးသင့်ပါတယ်။



(၇) နင် ဗိုက်ဆာ ပြန်ပြီလား။
အဓိပ္ပာယ် – အခု လေးတင် နင် အများကြီး စားပြီပြီလေ။ ကိုယ်ဝန်ဆောင် မိခင်တချို့က အမြဲလိုလို ဗိုက်ဆာ နေတတ်
တယ် ဆိုတာကို စိတ်ထဲမှာ ထားပေးပါ။ ဒါကြောင့် သူတို့ ဗိုက်ဆာလို့ တစ်ခုခု စားချင်တယ် ဆိုရင် ဘာမှ
မပြောသင့်ပါဘူး။



http://moviemyanmar.info/?p=26633ကူးယူဖော်ပြသည်..။

အကယ်၍ သင်ဟာ

• အကယ်၍ သင်ဟာ သာမန်မိသားစုက ကြီးပင်းလာခဲ့ရင်
• 
  
• အကယ်၍ သင်ဟာ မိဘတွေ သက်ရှိထင်ရှားရှိနေသေးရင်
• 
  
• အကယ်၍ သင်ဟာ မိဘတွေနဲ့..အတူနေသည်ဖြစ်စေမနေသည်ဖြစ်စေ
• 
  
• အကယ်၍ တစ်နေ့မှာ အိမ်ရျိ မီးဖိုချောင်ဟာ အရင်လို မသပ်ရပ်တော့ဘူးလို့ သင်သတိထားမိခဲ့ရင်
• 
  
• အကယ်၍ တစ်နေ့မှာ ပန်းကန် ခွက်ယောက်တွေဟာ အရင်လို မသန့် ရှင်းတော့ဘူးလို့သင်သတိထားမိခ့ရင်
• 
  
• အကယ်၍ တစ်နေ့မှာ ထမင်းအိုးတွေ မည်းညစ်နေတယ်လို့ သင်သတိထားမိခဲ့ရင်..
• 
  
• အကယ်၍ တစ်နေ့မှာ အမေ့ချက်တဲ့ ဟင်းတွေ ငန်ပြီး အရင်ကနဲ့ မတူတော့ဘူးလို့ သင်သတိထားမိခဲ့ရင်
• 
  
• အကယ်၍ တစ်နေ့မှာ အမေ့ရဲ့ မှတ်ဥာဏ်တွေ လျော့နည်းလာတယ်လို့သင်သတိထားမိခဲ့ရင်
• 
  
• အကယ်၍ တစ်နေ့မှာ အမေအမြဲလုပ်ကျင့်ရှိတဲ့အရာတွေမလုပ်တော့ဘူးလို့..သင်သတိထားမိခ့ရင်
• 
  
• အကယ်၍ တစ်နေ့မှာ ကြွတ်ဆပ်တဲ့ အရာတွေကို အမေမစားတော့ဘူးလို့ သင်သတိထားမိခဲ့ရင်
• 
  
• အကယ်၍ တစ်နေ့မှာ ပျော့တဲ့ ထမင်းဟင်းတွေကိုသာ အမေဝါးနိုင်တယ်လို့သင်သတိထားမိခဲ့ရင်
• 
  
• အကယ်၍ တစ်နေ့မှာ လမ်းဖြတ်ကူးတဲ့အမေ အရင်လို မသွက်တော့ဘူးလို့ သင်သတိထားမိခဲ့ရင်
• 
  
• အကယ်၍ တစ်နေ့မှာ ထမင်းစားချိန်မှာ အမေမပြတ်ချောင်းဆိုနေတယ်လို့သင်သတိထားမိခဲ့ရင်
•  (နှာစီး၊ ချောင်းဆိုး၊ အအေးမိတယ်လို့ မထင်လိုက်ပါနဲ့...ဝါးမျိုနိုင်တဲ့အာရုံကျော တစ်ဖြေးဖြေးခွှတ်ယွင်း
• လာခြင်းပါ)
• 
  
• အကယ်၍ တစ်နေ့မှာ........................သင်သတိထားမိခဲ့ရင် သူတို့ဟာ အသက်ကြီးရင့်ပြီး
• 
  
• အိုစာလာပီဖစ်ကြောင်းပြုစုစောင့်ရှောက်ဖို့လိုအပ်နေပြီဖြစ်သည်...။

ငါ့ကိုဘယ်အချိန်ထိချစ်မှာလဲ

ကောင်လေးခါးကို ပွေ့ဖက်ထားတဲ့ ကောင်မလေးက ကောင်လေးကျောကို မှီပြီး
ခပ်တိုးတိုးလေး မေးတယ်။ ကောင်လေးရဲ့အဖြေက ကောင်မလေး စိတ်ကျေနပ်လောက်တဲ့
အမှတ်ပြည့်အဖြေ မဟုတ်မှန်း ကောင်မလေးသိနေခဲ့တယ်။

"ချစ်စရာ စကားလေးတွေနဲ့ ဖြေဖို့ အခွင့်အရေးပေးမယ်" ကောင်မလေးက
ချွဲနွဲ့ပြီးပြောတော့ ကောင်လေးက စိတ်ပါလက်ပါ စဉ်းစားလိုက်တယ်။

မီးနီနေတုန်း ကောင်လေးက ကောင်မလေးကို လက်"တစ်"ချောင်းထောင်ပြပြီး
အဖြေပေးလိုက်တယ်။ ကောင်မလေးက ဝမ်းသာအားရ "တစ်သက်လုံး! " လို့ ပြောတယ်။


ကောင်လေးရီလိုက်တယ်။ ကောင်မလေးရဲ့ အပြောမှန်သွားလို့ မဟုတ်ပါဘူး။
ကောင်မလေးဆီက အပျော်တွေ ကူးစက်သွားလို့ဖြစ်တယ်။ မီးစိမ်းတော့ ကောင်လေးက
စက်ဘီးကိုဆက်နင်းပြီး ကောင်မလေးကို တိုးတိုးလေး ပြောတယ်။

"နင့်ကိုငါ ဒီလိုအဖြေမျိုးပေးမှာ မဟုတ်ဘူး။ ဒီလိုအဖြေမျိုးက
လူတိုင်းဖြေတတ်တဲ့အတွက် မစစ်မှန်သလိုပဲ... ပြန်စဉ်းစားကြည့်ပါအုန်း"

ကောင်လေးစကားကို ကောင်မလေးက ခေါင်းညိတ်ထောက်ခံရင်း "ဒီလိုဆိုရင် တစ်ရက်လား?"

"ဟား..ဟား ငါတို့ချစ်တာတောင် နှစ်လကျော်နေပြီ။ တစ်ရက်၊ တစ်ပတ်၊
တစ်လဆိုတဲ့ အဖြေမျိုးက မဖြစ်နိုင်ဘူးလေ"

ကောင်လေးအပြောမှာ ကောင်မလေးရောယောင် ရီရင်း " တခဏတော့ မဟုတ်ရပါဘူးနော်"
လို့ အသံကျယ်ကြီးနဲ့ မေးတယ်။

ကောင်မလေးအပြောကြောင့် စက်ဘီးလဲမတတ် ကောင်လေးအော်ရီမိတယ်။ ကောင်မလေးရဲ့
ဒီလို ရွတ်နောက်နောက်အပြောနဲ့ ကြည်လင်တဲ့ ရယ်သံတွေကို ကောင်လေး
အရမ်းချစ်ခဲ့တယ်။ ကောင်မလေးရဲ့လက်ကို ကောင်လေးတင်းတင်းလေး
ဆုတ်ကိုင်ထားလိုက်တယ်။

"ဒီလိုဆိုရင် တစ်နှစ်လား?" ကောင်လေး ခေါင်းခါပြလိုက်တယ်။

"ဒီလိုဆိုရင် နှစ်တစ်ရာကွာ... ငါ့ကို နှစ်တစ်ရာချစ်ရင် ရပြီ" ကောင်မလေးက
စိတ်မရှည်ဘဲ ပြောနေပေမယ့် မျက်နှာပေါ်မှာ အပျော်ရိပ်တွေ သမ်းနေခဲ့တယ်။

"နှစ်တစ်ရာ! မတိုလွန်းဘူးလားကွာ.. နှစ်တစ်ရာနဲ့ ငါနင့်ကို ချစ်လို့
မဝနိုင်ဘူး" ကောင်လေးရဲ့ စကားလက်နက်က ကောင်မလေးရဲ့နှလုံးသားထဲ
စူးစူးနစ်နစ် ထိုးစိုက်သွားတယ်။ ကောင်မလေးရဲ့ တိုးညှင်းညှင်းရီသံက
ကောင်လေးကို မီးနီဖြတ်မောင်းရဲတဲ့ အင်အားတွေ ပေးခဲ့တယ်။

"အဖြေကို သိချင်ပြီလား?" ကောင်လေး ဖြေချင်နေပြီ။

"ငါ့ကို ဘယ်အချိန်ထိ ချစ်မှာလဲ?" ကောင်မလေးလည်း အဖြေကို ကြားချင်နေပြီ။

ကောင်လေးက လက်တစ်ချောင်းထောင်ပြရင်း "နင်ငါ့ကို မချစ်တော့တဲ့ တစ်နေ့အထိ
ငါချစ်နေမယ်"

ကောင်လေးစကားကြောင့် ကောင်မလေး ငေးငိုင်သွားခဲ့ရတယ်။

နင်ငါ့ကို မချစ်တော့တဲ့ တစ်နေ့အထိ ငါချစ်နေမယ်!

အဲဒီတစ်နေ့က ဘယ်လောက်ကြာနိုင်မလဲ? တိုနိုင်သလို ၊ ရှည်နိုင်တယ်။ ထာဝရ၊
တခဏလဲ ဖြစ်နိုင်ပေမယ့် တိကျတဲ့ အဖြေဖြစ်ခဲ့ပါတယ်။

ဦးဏှောက် ဖွံ့ဖြိုးချင်လား

ဥာဏ် ကောင်းကို ကောင်းစေရမယ်လို့ မဟုတ်ပါဘူး။

သေချာတာကတော့ ဦးနှောက်ကို ဖွံ့ ဖြိုးတိုးတက်စေမယ့် နည်းလမ်းများဖြစ်တဲ့အတွက်

ဘာသာပြန်မျှဝေပေးလိုက်ပါတယ်။

1. Go for a walk with a friend
လုပ်ငန်းခွင်ရယ်လို့ မဟုတ်ပါဘူး။သင်တန်း၊ကျောင်း တက်သူများအနေနဲ့ လည်း ရုံးတက်၊ကျောင်းတက်ချိန် ပြီးတဲ့
အချိန်မှာ မိတ်ဆွေ သူငယ်ချင်းနဲ့  သွားရပါမယ်။ အဲဒီလို သွားခြင်းက လူမှုဆက်ဆံရေး၊ရုပ်ပိုင်းဆိုင်ရာ လေ့ကျင့်ခန်း၊
စိတ်ပိုင်းဆိုင်ရာ တက်ကြွရေးတို့ မှာ တိုးတက်စေပြီး ဦးနှောက်ကို သန်မာစေပါတယ်။




2. Solve puzzels,Play Games
ဥာဏ်စမ်းဂိမ်းများ ပဟေဌိဂိမ်းများ ဆော့ကစားပေးရပါမယ်။ ဖြေရှင်းရခက်သော ဆူဒိုခု၊စာလုံးစီ တို့ ကို ဆော့ကစား ပေး
ခြင်း၊အလွယ်တကူ ဆော့ရသော ဖုန်းထဲမှ ဂိမ်း၊ ကွန်ပျုတာ ဂိမ်း၊ကစားကွင်း ဂိမ်း စသည်တို့ ကို မိနစ်ပိုင်းလောက် ဆော့
ကစားပေးခြင်းတို့ ကို ပြုလုပ်ပေးရပါမယ်။ ယင်းကဲ့သို့ ဆော့ကစားပေးခြင်းက ဦးနှောက်ဆဲလ်တွေကို တက်ကြွစေပြီး
တစ်စုံတစ်ခုပေါ် အာရုံစူးစိုက်နိုင်မှုအားကို ကောင်းစေပါတယ်။




3. Meditate
တရားထိုင်ခြင်းက လွယ်ကူတဲ့ အလုပ်ဖြစ်ပါတယ်။အချို့ က ခက်ခဲသော အလုပ်လို့ ယူဆကြပါတယ်။ မထိုင်နိုင်လည်း
ထိုင်နိုင်သလောက် မိနစ်ပိုင်း တရားထိုင်ပေးခြင်းလည်း ပြုလုပ်နိုင်ပါတယ်။တရားထိုင်တဲ့ အလေ့အကျင့်ကို နေ့ စဉ်
မဟုတ် တောင် ၂ ရက် တစ်ခါလောက်ပြုလုပ်ပေးခြင်းဖြင့် မှတ်ဥာဏ်ကောင်းစေပါတယ်။




4. Eat Healthy
မိမိစားသမျှ အစားအသောက်အားလုံးမှ အာဟာရ နှင့် အောက်စီဂျင်များရဲ့ ၂၀ ရာခိုင်နှုန်းကို ဦးနှောက်က အသုံးပြုပါ
တယ်။ ဒါကြောင့် မိမိစားသောက်တဲ့ အစားအသောက်များဟာ ဦးနှောက်အတွက် အရေးပါတယ်ဆိုတာ သိထားရမှာ
ဖြစ်ပါတယ်။ဒါကြောင့် ကျန်းမာရေးနဲ့ ညီညွတ်တဲ့ အစားအစာများ စားသောက်ပေးခြင်းဖြင့် ဦးနှောက်ကို ကျန်းမာ
ဖွံ့ ဖြိုးစေမှာ ဖြစ်ပါတယ်။




5. Think Positive
အရာအားလုံးကို အကောင်းမြင်ပေးဖို့  လိုအပ်ပါတယ်။စိတ်ဖိအား နဲ့ စိုးရိမ်ကြောင့်ကြမှုများက ဦးနှောက်ထဲက
Neuron ဆဲလ်တွေကို  သေဆုံးစေပါတယ်။ ဒါကြောင့် ဘယ်လောက်ပဲ အခက်အခဲ၊ပြဿနာများ နဲ့  ကြုံ့ ကြုံ့ 
အကောင်းဘက်က မြင်ပေးတဲ့ စိတ်ထားနိုင်အောင် ကြိုးစားရပါမယ်။ ယင်းကဲ့သို့  အကောင်းဘက်ကမြင်ပေး၊စာနာ
ပေးတတ်ခြင်းက ဦးနှောက်က ဆဲလ်အသစ်တွေကို ပိုမိုတိုးတက်စေပြီး စိတ်ဖိအားနဲ့  စိုးရိမ်ကြောင့်ကြမှုများကို
ဖယ်ရှားပေးပါတယ်။




6. Laugh It Up
ရယ်မောတတ်တဲ့ အကျင့်ရှိဖို့ လည်း လိုအပ်ပါတယ်။ရယ်သောသူသည် အသက်ရှည်၏ ဆိုတဲ့အတိုင်း ရယ်မောခြင်း
က ရုပ်ပိုင်း၊ စိတ်ပိုင်း နာကျင်မှုများကို ဖြေလျှော့ပေးပါတယ်။ပျော်ပျော်ရွှင်ရွှင်နေတတ်သူ၊ရယ်မောလွယ်တတ်သူများ
ဟာ သဘာဝအလျှောက် စိတ်ဖိအား နည်းသူများ ဖြစ်ပါတယ်။ဒါကြောင့် ဟာသရုပ်ရှင်များ ကြည့်ခြင်း၊နောက်ပြောင်
ပြောဆိုခြင်းတို့ က ဦးနှောက်ထဲက endrophin-level  ကိုမြင့်တက်စေပါတယ်။




7. Listen to Music
သီချင်းနားထောင်ခြင်းကလည်း စိတ်ပိုင်းဆိုင်ရာ ဥာဏ်ရည်ဥာဏ်သွေးကို မြင့်တက်စေပါတယ်။အတွေးအခေါ်သစ်
တွေရနိုင်ပြီး ထူးခြားတဲ့ စိတ်ကူးဆန်းတွေ ဖြစ်ပေါ်စေပါတယ်။ဒါကြောင့် သီချင်းနားထောင်ခြင်းက ဦးနှောက်ရဲ့ ညာ
ဘက်အခြမ်းကို သန်မာစေတယ်လို့  ဆိုပါတယ်။




8 .Do Self-hypnosis
့Hypnosis ဆိုတာ စိတ်ညှိ့ ခြင်းကို ဆိုလိုပါတယ်။သို့ သော် မိမိကိုယ်ကို စိတ်ညှိ့ ခြင်း၊ အိပ်မွေ့ချခြင်း ထူးထူးထွေထွေ
မဟုတ်ပါ။ ဥပမာ- လကုန်ရက် တစ်ရက်ရက်မှာ လုပ်စရာ တစ်ခုရှိသည် ဆိုပါစို့ ။ယင်းနေ့ ကို အမှတ်ရနေပြီး တကယ်ပဲ
ယင်းနေ့ မှာ မမေ့မလျော့ လုပ်ဆောင်နိုင်တာမျိုး ၊မနက်အိပ်ယာ ၆ နာရီထဖို့  စီစဉ်ထားရင် တကယ်ပဲ ၆ နာရီတိတိမှာ
နှိုးစက်မပါပဲ ကိုယ်တိုင်ထနိုင်အောင် ကြိုးစားတာမျိုးကို ဆိုလိုပါတယ်။မမေ့မလျောပဲ အိပ်စက်နိုင်ခြင်းမျိုးကို ဆိုလိုပါ
တယ်။ အနာဂတ်မှာ ပြုလုပ်ရန် စီစဉ်ထားတဲ့ လုပ်ငန်းများကို တကယ်ပဲ မပျက်မကွက်အောင် ပြုလုပ်နိုင်ပြီး အခြား
သာမန် လုပ်ငန်းများအပေါ်လည်း ဆိုးကျိုးမသက်ရောက်စေတာမျိုး ဖြစ်ပါတယ်။ဦးနှောက်ကို ဒီလို မှတ်သားစေခိုင်း
နိုင်မှုက စိတ်ဖိအားလျှော့ချနိုင်ပြီး အတွေးအခေါ်များကို ရှင်းလင်းပြတ်သားစေနိုင်ပါတယ်။




9. Set Goals
ရည်မှန်းချက်ထားရပါမယ်။ခြောက်လအတွင်း ဖြစ်လာရမယ့် ရည်မှန်းချက်၊ တစ်နှစ်အတွင်း ဖြစ်လာရမယ့် ရည်မှန်း
ချက် အစရှိသဖြင့်  ပန်းတိုင်တစ်ခုခု ထားပြီး ကြိုးစားလုပ်ကိုင်တတ်ရပါမယ်။ ဘ၀ရည်ရွယ်ချက်မဲ့ လုပ်ကိုင်နေခြင်းက
ဦးနှောက်ရဲ့ တွေးခေါ်စဉ်းစားနိုင်မှုစွမ်းအားကို လျှော့ကျစေပါတယ်။ ရည်မှန်းချက် ပန်းတိုင်ထားတတ်သူများက
ဦးနှောက်ဥာဏ်ရည်အမြဲဖွံ့ ဖြိုးနေပြီး ဘ၀မှာ အောင်မြင်မှုကို အတိုင်းအတာ တစ်ခုအတွင်း ရတတ်ပါတယ်။




10. Follow a Sleep and Wake up Routine
စောစောအိပ်၊စောစောထ ဆိုတာထက် အချိန်မှန် အိပ် ၊ အချိန်မှန် ထ လို့ ပြောရင် ပိုမှန်ပါတယ်။ညဘက် သန်းခေါင်
ကျော်အောင် မအိပ်ပဲ နေပြီး မနက်အိပ်ယာထ နောက်ကျသူများဟာ ဦးနှောက်လေးလံထိုင်းမှိုင်းပါတယ်။ ဒီနေရာမှာ
အိပ်ဆေးအသုံးပြုပါက အိပ်ရေးဝပေမယ့် မှတ်ဥာဏ်ချို့ ယွင်းမှုကို ဖြစ်ပေါ်စေပါတယ်။ စောစောအိပ်ပေမယ့် နောက်ကျ
မှ ထတာမျိုးကလည်း ဦးနှောက်ရဲ့ လုပ်ဆောင်မှုကို နှေးကွေးစေပါတယ်။ဒီတော့ အချိန်မှန် အိပ် ၊ အချိန်မှန် ထ ခြင်းက
အိပ်ရေးဝစေပြီး စိတ်ရော ကိုယ်ရော ကျန်းမာစေပါတယ်။ဦးနှောက်ကို လန်းဆန်းစေပါတယ်။

အထက်ပါ အချက်များအတိုင်း လိုက်နာကျင့်သုံးသွားရင် ဥာဏ်ကောင်းမလာရင်တောင်

လူမှုပတ်ဝန်းကျင်မှာ အမြဲ စမတ်ကျနေတဲ့  လူတစ်ယောက် ဖြစ်စေပါတယ်။

သာမန်နေတတ်သူများနဲ့ စာရင် အထက်ပါ ၁၀ ချက်အတိုင်း လုပ်ဆောင်သွားသူများက

ဥာဏ်ရည်ဖွံ့ ဖြိုးမှု မြန်ဆန်ပြီး ဘ၀အခက်အခဲ များကြား အောင်မြင်မှုရရှိရန်

အခွင့်အလမ်းပိုများကြောင်း သုတေသန ၀က်ဘ်ဆိုဒ်တစ်ခုမှာ ဖော်ပြထားပါတယ်။

http://techspacejournal.blogspot.com/2012/09/blog-post_620.html

Facebook တွင် လုံခြုံစိတ်ချစွာရှိနေဖို့အတွက် အကြံပြုချက် - (၇) ချက်

Facebook တွင်လုံခြုံစိတ်ချ အစစ်အမှန် မဟုတ်သော ကမ္ဘာသည် အန္တရာယ်တစ်ခုပင် ဖြစ်နိုင်သည်။
ဖေ့ဘုတ်ခ်တွင် သင်သည် ဘေးအန္တရယ်မှ ကင်းဝေးရန် အောက်ပါအချက် ၇ ချက်ကို အသေအချာ ဖတ်ရှုပါ။




၁။ အများနှင့် သက်ဆိုင်ခြင်းမှ သင့်ကိုယ်သင် ပုန်းကွယ်ပါ။ ဒါကတော့ ရှေ့သို့ ဖြောင့်တန်းနေတယ်လို့ သင် တွေး
ထင်နေလိမ့်ပါမယ်။ ပြီးတော့လူအများဟာ ထင်မြင်ချက်အောက်နေ သူတို့တွေ ပုန်းကွယ်နှင့်ပြီးဖြစ်သည်။ သို့သော်
သင်ဟာ ၎င်း categories အများအပြားတွင် ဆက်တင်ကို မသုံးဘူးဆိုရင် တခြားလူတွေက သင့်ရဲ့ အချက်အလက်
တွေကို မြင်တွေ့နေရမှာ ဖြစ်ပါတယ်။ ဒါကတော့ ဖေ့ဘုတ်လ်အကောင့်အတွက် အလွန်အရေးကြီးတဲ့ အပိုင်းဖြစ်ပါတယ်
သင်ကိုယ်သင်ကာကွယ်ရန် click Account > Privacy settings > Profile information ဆီသွားပါ။
Categories ၁၂ ခုလုံးအတွက် သင့်ရဲ့ သီးသန့်တည်ရှိမှုကို ချိန်ကိုက်ပါ။
အဲဒီနောက်မှာ Privacy > Contact information ကို ပြန်သွားပါ။
သင့် privacy ဆက်တင်မှာရှိတဲ့ categories ၉ ခုလုံးကို ပြင်ဆင်ပါ။





၂။ သင်ကို ရှာဖွေရေးအင်ဂျင်တွင် ရှာဖွေခွင့်မပြုပါနှင့်။ တစိမ်းတရံလူများရဲ့ သင့် စာမျက်နှာကို ဆက်သွယ်လာမှုကို
တားဆီးရန် Account > Privacy settings > Search သို့သွားပါ။ ဖေ့ဘုတ်ဘ် ရှာဖွေရေး ရလဒ်အတွက်
‘Only friends’  ဆိုတဲ့ ကို ရွေးချယ်ပါ။





၃။ သင်ရဲ့ အချက်အလက်အပြည့်အစုံတွေကို တခြားကုမ္ပဏီများဆီ မလွှဲပြောင်းဖို့ ဖေ့ဘုတ်ခ်ကို ခွင့်မပြုပါနဲ့။
သင်က သူတို့ကို ခွင့်ပြုလိုက်မယ်ဆိုရင် ဖေ့ဘုတ်ခ်သည် ကုမ္ပဏီတွေဆီ သင့်ရဲ့ ကောက်ကြောင်းပုံတွေကို ကြေငြာ
အကြောင်းအရာတွေနဲ့ သုတေသနလုပ်ငန်းတွေအတွက် ဆက်သွယ်လာမှာ ဖြစ်ပါတယ်။ သူတို့က သူတို့ရဲ့ ကြေငြာ
တွေမှာ သင့်အချက်အလက်တွေကို သုံးစွဲသွားနိုင်တယ်။ ဒါတွေကို ရပ်တန့်အောင် လုပ်ဆောင်ဖို့အတွက် Account >
Privacy > Settings > Applications and websites ကို ကလစ်ပါ။ နောက်တဖန် ‘Instact Personalisation Pilot
Program ’ ကို သွားပြီး ‘Edit setting’ ကို ကလစ်ပါ။ ဖန်သားပြင်ရဲ့ အောက်ဆုံးမှာ ပုံးလေဟာ အမှန်ခြစ်ထားတာမှာ
ရှိတဲ့အတွက် အသေအချာ ပြုလုပ်ပါ။ ဘယ်ကြေငြာမှာမှ သင့် အချက်အလက်တွေ မပေါ်အောင် အသေအချာလုပ်
ဆောင် ရမှာက Account > Account Settings > Facebook Adaverts ဆီသွားပါ။ ‘no one’ on ‘Allow ads on
platform pages to show my information to’ နှင့် ‘Show my social actions in Facebook ads to’ တခုကို
ရွေး ချယ်ပါ။





၎။ တခြားသောသူမှ သင် အကောင့်ကို သုံးမသုံး အသေအချာလုပ်ပါ။ အရင်ပတ်က ဖေ့ဘုတ်ခ်မှာ မကြာသေးခင်က
ထွက်ပေါ်လာတဲ့ အကြောင်းအရာအသစ်ဖြစ်ပါတယ်။ အဲဒီ feature အသစ်က သင်အကောင့်ကို ဆက်သွယ်ဖို့ ကြည့်ရှု
စစ်ဆေးမယ့် devices များကို ခွင့်ပြုခြင်း ဖြစ်ပါတယ်။ Account > Account settings > Account security သို့ သွား
ပါ။ ‘Would you like to receive notifications for logins from new devices’ ကို ကလစ်ပေးပြီး နောက်မှာ
အောက်မှာ ရှိတဲ့ ‘Yes’ ကို ကလစ်ပါ။ အကောင့်ကို ပိတ်ပြီး ပြန်ဖွင့်ပါ။ သင်သုံးနေတဲ့ device နာမည်ကို သင်ကို မေး
နေပါလိမ့်မယ်။ အဲဒီ့နောက်မှာ ၎င်းက သင့်အီးမေးလ်ဆီ ပို့ပါလိမ့်မယ်။ အခုချိန်မှာတော့ သင်မသုံးတဲ့ device မှ သင့်
အကောင့်ကို တခြားတယောက်က ၀င်ရောက်မယ်ဆိုရင် အီးမေးလ်က ပြောပြတာကို သင်သည် လက်ခံ ရရှိပါလိမ့်မယ်
ထိုပုံစံမျိုး ဖြစ်ပေါ်လာမယ်ဆိုရင် သင်အနေနဲ့ ချက်ချင်း လျှို့ဝှက်နံပါတ်ကို ပြောင်းလဲပေးပြီး ဖေ့ဘုတ်ခ်ရဲ့
Help Centre ကို အကြောင်းအကြားပါ။




၅။ သင့် ပရိုဖိုင်ထဲတွင် မွေးနေ့ရက်ကို အပြည့်မဖော်ပြပါနဲ့။ ဒီအကြောင်းအရာကတော့ မည်သူမည်ဝါဖြစ်တယ်ဆိုတဲ့
အကြောင်းအရာတွေကို ခိုးယူသူတွေအတွက် ပစ်မှတ်ကောင်းတခု ဖြစ်ပါတယ်။ ၎င်းတို့ဟာ သင့်ရဲ့ ပိုမိုပြည့်စုံတဲ့
သတင်းအပြည့်အစုံတွေစုဆောင်းပြီး ဖြစ်နိုင်ချေရှိတဲ့ သင့် ဘဏ် သို့မဟုတ် credit ကဒ် အကောင့်တွေကို ဆက်သွယ်
ရယူပြီး အသုံးပြုနိုင်ပါတယ်။ သင်အနေနဲ့ မွေးရက်သက္ကရာဇ် အပြည့်အစုံထည့်သွားပြီးခဲ့လျှင် ပရိုဖိုင် စာမျက်နှာဆီ
သွားပြီး ‘info’ tab ကို ကလစ်ပါ။ “Edit information” လုပ်ပါ။ အခြေခံ အကြောင်အရာအချက်လက်အောက်မှာ မွေး
သက္ကရာဇ်တွင် လ သို့မဟုတ် ရက် ကိုသာဖော်ပြပါ။ အပြည့်အစုံ မဖော်ပြပါနဲ့။





၆။ သင်သူငယ်ချင်များမှ သင့်ကိုယ်သင် ကာကွယ်ပါ။ သင့် ဖေ့ဘုတ်ခ် သူငယ်ချင်းများသည် applications များကို
အသုံပြုလာသောအခါ သူတို့သည် third parties မျာနှင့် သင့် အချက်လက်များကို မတော်တဆ အသုံးပြုလာနိုင်တယ်
ကာကွယ်ရန်အတွက် Account > Privacy Settings > Applications and websites > What your friends can
share about you သို့သွားပါ။ ပုံးပုံစံအားလုံးထဲက အမှတ်ခြစ်ထားတာတွေကို ပြန်ဖြုတ်ပြီး save ပြန်လုပ်ပါ။





၇။ သင်ရဲ့ ပင်မစာမျက်နှာမှာ ကြေငြာ မထားပါနဲ့။ ဖေ့ဘုတ်ခ်ပေါ်တွင် သင်ပို့စ်လုပ်သည့်အခါတိုင်း လိပ်စာ အပြည့်
အစုံ မသုံးမိရန် အသေအချာလုပ်ပါ။




ငြိမ်းချမ်း (ဧဒင်ဥယျာဉ်)

ပြုံးပျော်မယ်....

“ ပူမနေစမ်းပါနဲ့ ”

ယောက်ျား... ။ မိန်းမရေ....အိမ်သာကျင်းတူးရင် စစ်လက်ကျန်လက်ပစ်ဗုံး သုံးလုံးတွေ့လို့ယောက်ျား

သက်ဆိုင်ရာကိုသွားအပ်လိုက်ဦးမယ်...။

မိန်းမ... ။ သေချာကိုင်သွားဦးနော် ယောက်ျား တစ်လုံးတလေ ထပေါက်လို့ ဒုက္ခများနေဦးမယ်... ။
ယောက်ျား... ။ ပူမနေစမ်းပါနဲ့ မိန်းမရာ တစ်လုံးတလေထပေါက်တော့လည်း နှစ်လုံးပဲတွေ့တယ် ပြောလိုက်မှာပေါ့ ... ။






“ ခွေးမစစ်လို့ ”

ပျားရည်ရောင်းသူနှင့် မကြာသေးခင်လေးမှ ပျားရည်ဝယ်သွားသူတို့ စကားအချေအတင်ပြောဆိုလျှက်ရှိသည်.....

ဝယ်သူ... ။ “ ခင်ဗျားရောင်းတဲ့ပျားရည် စစ် မစစ်က ဘယ်လိုသိနိုင်မလဲ... ။”
ရောင်းသူ... ။ “ ဒါလား လွယ်ပါတယ်ဗျာ ခင်ဗျားဝယ်သွားတဲ့ပျားရည်ကို ခွေးရှေ့မှာချကြည့်လိုက် ပျားရည်

စစ်ရင်ခွေးကမလျှက်ဘူး....။”

ဝယ်သူ... ။ “ ဒါဆိုရင်တော့ တယ်မဟန်တဲ့ပျားရည်ပါလား ကျုပ်ခွေးရှေ့မှာ ချကြည့်ပြီးပြီ ကောင်းကောင်း

ကြီးလျှက်နေတယ်ဗျ ... ။”

ရောင်းသူ... ။ “ မဖြစ်နိုင်တာဗျာ ကျုပ်ပျားရည်မစစ်တာတော့မဖြစ်နိုင်ဘူး ဖြစ်ချင်းဖြစ် ခင်ဗျားခွေးက ခွေး

မစစ်တာဘဲ ဖြစ်ရမယ်... ။”

“ ပိုင်လိုက်တဲ့အကြံ ”

အလွန်ကပ်စေးနဲသော ဒေါ်လှက ခင်ပွန်းသည် ဦးမြကို ရွှေကိုင်းမျက်မှန်တစ်လက် ဆင်ပေးသဖြင့် ရပ်ကွက်

အတွင်းရှိ လူငယ်တချို့ အံ့သြစူးစမ်းကြသည်....

လူငယ်... ။ “ ဦးလေးမြ မျက်မှန်က ကောင်းလှချည်လား အန်တီလှ ဒီလောက်ကပ်စေးနှဲတာ

ဘယ်လိုများ စည်းရုံးလိုက်တာတုန်းဗျ ... ။”

ဦးမြ... ။ “ ဒါက မခတ်ပါဘူးကွာ...။ ”
လူငယ်... ။ “ သက်ကြီးစကား သက်ငယ်ကြားပါရစေဦးဗျ... ။ ”
ဦးမြ... ။ “ ဒီလိုပါကွာ အိမ်လာလည်တဲ့ သူ့ သူငယ်ချင်းသမီးလေးကို ငါက “ ဟဲ့... မယ်လှ ငါ့အတွက်

ထမင်းခူး ” ဆိုပြီး ပခုံးပုတ်ပြောလိုက်တာ ဟော... ချက်ချင်းမျက်မှန်လုပ်ပေးပါလေရော... ။”

“ ကင်မရာမဝယ်နိုင်သေးလို့ ”

သား... ။ “ ဖေဖေ ဟိုလူကြီးက ကမ်းစပ်မှာထိုင်ပြီး ဘာဖြစ်လို့ ရှုမျှော်ခင်းပုံတွေ ဆွဲနေတာလဲဟင်... ။”
ဖေဖေ... ။ “ ကင်မရာ မဝယ်နိုင်သေးလို့ နေမှာပေါ့ သားရယ်... ။ ”





“ ထောက်ခံစာ ”

ဂျွန်သည် သင်္ချာအလွန်ညံ့သော ကျောင်းသားတစ်ဦးဖြစ်သည် ဆရာက သင်္ချာစွမ်းရည်တိုးတက်လာစေရန်

ဂျွန်ကိုပုစ္ဆာများဖိ၍ တွက်စေသည် ဂျွန်ကလေးကလည်း ပုစ္ဆာတွက်တိုင်း မှားမြဲမှားနေရာ...

ဆရာ... ။ “ ဟေ့ ဂျွန်ရေ... မင်းသင်္ချာတွက်တိုင်း မှားနေတယ်ကွာ ငါကမင်း အမှားတွေများ သင်နေလို့လားကွာ... ။ ”
ဂျွန်... ။ “ မဟုတ်ပါဘူးဆရာ ... ။ ”
ဆရာ... ။ “ ဒါဆိုရင် ဆရာဖြစ်ဖြစ် မင်းဖြစ်ဖြစ် တစ်ယောက်ယောက်တော့ ရူးနေလို့ဖြစ်မှာပါပဲကွာ... ။ ”

နောက်တစ်နေ့ရောက်သော် ဂျွန်သည် တက်ကြွသောဟန်ဖြင့် ဆရာထံ စာရွက်တစ်ရွက်ယူလာလေသည်....

ဆရာ... ။ “ ဟေ... ဂျွန် ဒါက ဘာစာရွက်ကြီးတုန်းဟ... ။”
ဂျွန်... ။ “ ကျွန်တော်မရူးကြောင်း ထောက်ခံစာပါဆရာ...။”
ဆရာ... ။ “ ဟေ....................။”





“ ပြန်လဲခိုင်းလို့ ”
**************
တစ်ခါက ရွာသူကြီးတစ်ဦးသည် ရွာအတွင်းရှိ အိမ်ထောင်သည် ယောက်ျားများကို မိန်းမ မကြောက်သူနှင့် မိန်းမ
ကြောက်သူ ခွဲခြားစိစစ်ရာ မိန်းမ မကြောက်သူ အရည်အချင်းနှင့်ကိုက်ညီသူဆို၍ မောင်စံတင် တစ်ယောက်သာ
ဆံကာတင်ကျန်ရစ်လေသည် ။ သူကြီးလဲနှစ်ထောင်းအားရရှိလှသဖြင့် မောင်စံတင်အား ဆုအဖြစ် မြင်းညိုကြီးတစ်ကောင်
ချီးမြှင့်လိုက်လေသည် ။ အတန်ငယ်ကြာသော် မောင်စံတင် တစ်ရောက်ကုပ်ကုပ်ကုပ်ကုပ်နှင့်မြင်းညိုကြီးဆွဲ
ပြန်ရောက်လာ၍ ဘာအကြောင်းလဲဟု သူကြီးကမေးရာ မောင်စံတင်က....
“ သူကြီး.... ကျွန်တော်မိန်းမက အုန်းခွံရောင်မြင်းနဲ့  ပြန်လဲခိုင်းလိုက်လို့ပါ ခင်ဗျာ့ ....”






“ ညဘက်လွှတ်မှာပေါ့ကွ ”
********************
အမေရိကန်တစ်ယောက်နှင့် အိုင်းရစ်တစ်ရောက်တို့ အကြွားသန်လျှက်ရှိသည် .....
အမေရိကန်... ။ “ တိုလူမျိုးက ပိုစွမ်းတယ်ကွ လကမ္ဘာကိုတောင် လူလွှတ်ပြီးပြီ...။ ”
အိုင်းရစ်... ။ “ အောင်မယ် လကမ္ဘာကို လူလွှတ်တာက ဘာဟုတ်သေးလို့လဲကွာ တိုလူမျိုးက
နေမင်းကြီးပေါ်တောင် လူလွှတ်တော့မှာကွ...။”
အမေရိကန်... ။“ ဟေ့ဟေ့... မဖြစ်နိုင်တာတော့မပြောနဲ့ကွ မင်းတို့လွှတ်လိုက်တဲ့ကောင် နေမင်းကြီး
ဆီမရောက်ခင် အရည်ပျော်သွားမှာပေါ့ ...။”
အိုင်းရစ်... ။ “ အောင်မယ် ဘာလို့မဖြစ်နိုင်ရမှာလဲ သူ့ကို ညဘက်လွှတ်လိုက်မှာပေါ့ကွ...။”





“ ဘာလို့တက်လာသေးလဲ ”

သာအဖနှစ်ဦး မြို့အစွန်က တောင်ထွတ်လေးပေါ်တက်လာကြသည် နှစ်ဦးသား မောမောပန်းပန်းနှင့် ချွေးသံရွှဲရွှဲဖြစ်

နေသည် ။ တောင်ထိပ်သို့ရောက်သောအခါ ဖခင်ဖြစ်သူက တောင်အောက်မြို့လေးဆီ ညွှန်ပြလျှက်...

“ သားရေ...ကြည့်စမ်းကွာ တောင်အောက်ကို ဘယ်လောက်လှတဲ့ ရှုခင်းလဲလို့ ”

ဒီတွင်သားဖြစ်သူကပြန်ပြောလိုက်သည်မှာ...

“ ဖေဖေရယ်.... တောက်အောက်မှာ ဒီလောက်လှနေရင်လည်း ဘာလို့တောင်ပေါ်တက်သေးလဲဗျာ

ဟူးးးးးးးးး မောကမောနဲ့ ”

“ မျက်မှန်ကျန်ခဲ့လို့ ”

“ ခင်ဗျားကြည့်ရတာ မုဆိုးသက် တော်တော်ရင့်နေပြီထင်တယ်... ။ ”

မုဆိုးကြီးနဲ့အတူပါလာသောလေ့လာသူ မြို့သားက ပြောလိုက်သည်..

“ ဘာလို့လဲဗျ...။”

“ ဒီနေ့တစ်နေ့လုံး ခြင်္သေ့တွေ ကျားတွေချည်းပဲ လိုက်ပစ်နေတယ်လေဗျာ...။”

“ သြော်.......ဒါလား ထွက်လာတုန်းကတော့ စာကလေး ငှက်ကလေးဖမ်းမလို့ပါပဲ တောထဲလဲဝင်ရော

မျက်မှန်သစ်ကိုင်းနဲ့ငြိကျန်ခဲ့လို့ ဗျို့....။”

“ ပီသရှင်းလင်းအောင်ရေး ”

ကျောင်းသားလေးတစ်ဦးသည် ၄င်း၏ အိမ်စာလေ့ကျင့်ခန်း စာအုပ်ကို ကိုင်လျှက် ဆရာမအနီးသို့
မဝံ့မရဲတိုးကပ်သွားသည်....။
ကျောင်းသား...။ “ ဆ....ဆရာမ သားစာစီစာကုံးအောက်က မှတ်ချက်က ဆရာမဘာရေး ထားတာလဲဟင်...။”
ဆရာမ... ။ “ သြော်.... လက်ရေးကို ပီသရှင်းလင်းအောင်ရေးပါလို့ ဆရာမ ရေးထားတာလေ...။”
................တိန်...................

သင့်ရဲ့ အိပ်ချိန်ထက် (၁) နာရီပိုအိပ်ကြည့်ပါ

ကျွမ်းကျင်သူတွေကတော့ ဘဝ မှာအချိန်တစ်နာရီ ပိုအိပ်ရုံဖြင့် ပြောင်း လဲနိုင်တာတွေဟာ အများကြီးပါလို့ ဖြေခဲ့ပါတယ်။
အချိန်တစ်နာရီပို၍ အိပ်စက်ရုံဖြင့် သင့်ရဲ့ကျန်းမာရေး၊ကိုယ်အလေးချိန်၊အိမ်ထောင်ရေးသာယာမှုတို့အပေါ် သက်ရောက်
မှုရှိပါတယ်။ တကယ်လို့သင့်ရဲ့အချိန်ဟာ (၇)နာရီနဲ့ (၈)နာရီအောက်ရောက်နေ ရင်တော့အောက်မှာ ကွန်ပျူတာစောစော
ပိတ်ပြီး စောစောအိပ်သင့်တဲ့အ ကြောင်းပြချက် (၉)မျိုးကိုဖော်ပြလိုက် ပါတယ်။




(၁) လုံလောက်စွာ အိပ်စက်ခြင်းက ကျန်းမာရေးကို ပိုကောင်းစေတယ်။
လုံလောက်စွာမအိပ်သူတွေမှာ သွေးတိုး၊ ဆီးချို၊ ကိုယ်အလေးချိန်တိုး ခြင်း နှလုံးရောဂါစတဲ့ ဆိုးဝါးတဲ့ရောဂါတွေ
ပိုဖြစ်လေ့ရှိတယ်လို့ ဆိုပါ တယ်။ လေ့လာမှုတစ်ခုအရ နေ့ဆိုင်း အလုပ်ဆင်းသူ ကျန်းကျန်းမာမာ အလုပ်သမား
လူငယ် (၁ဝ)ဦးကို ည တိုင်းဆင်းခိုင်းပြီးရက်အနည်းငယ်ကြာ သောအခါ ထိုသူတို့၏သွေးတွင်း သကြားဓာတ်မှာ
ဆီးချိုဖြစ်ခါနီး လူ တစ်ယောက်ရဲ့သကြားဓာတ်နီးပါးမြင့် တက်နေကြောင်းတွေ့ရပါတယ်။





(၂) လုံလောက်စွာအိပ်စက်ခြင်းက အိပ်ထောင်ရေး သုခ ပိုရနိုင်
National Sleep Founda tion မှ ပြောပြချက်အရ လူအားလုံးရဲ့ ၂၆%ဟာအိပ်ရေးမဝဘဲ ပင်ပန်းနွမ်းနယ်နေမှုကြောင့်
အိမ်ထောင်ရေး သုခလုံလောက်စွာမရကြောင်း တွေ့ရတယ်။ အိပ်ချိန်လုံလောက်စွာ မရသောသူများတွင် testosterone
ဟုခေါ်သည့် လိင်နှင့်ပတ်သက်သော hormone ကျလာကြောင်းလည်း သိရပါတယ်။





(၃) အိပ်စက်ခြင်းဖြင့် နာကျင်မှုဝေ ဒနာများကို သက်သာစေနိုင်
တကယ်လို့များ သင့်မှာ လတ် တလောဒါမှမဟုတ် ယခင်ရရှိခဲ့သော ဒဏ်ရာတစ်ခုခုကြောင့် နာကျင်မှု ဝေဒနာခံစား
နေရတယ်ဆိုရင် အိပ် ပျော်အောင်သာအိပ်လိုက်ပါ။ အိပ်စက်ခြင်းဖြင့် နာကျင်မှုဝေဒနာ ခံစားရမှုလျော့နည်းလာကြောင်း
ကို လေ့လာမှုတွင်အများကြီး လုပ်ပြီး သက်သေပြခဲ့ပါတယ်။ ဒါပေမယ့် ကံမကောင်းစွာဘဲ နာကျင်နေခြင်းက အိပ်စက်
ခြင်းကို အနှောင့်အယှက်ပေး ပါတယ်။





(၄) လုံလောက်စွာအိပ်စက်ခြင်းက မတော်တဆထိခိုက်ဒဏ်ရာရမှုကိုလည်း လျော့ကျစေနိုင်
US Institute of Medicine မှ လေ့လာမှုတစ်ခုအရတွင် ယာဉ်တိုက်မှု(၅)မှုဖြစ်တိုင်း (၁)မှုမှာ အိပ်ရေးမဝသည့်အတွက်
ကြောင့် ဖြစ်ရသည်ဟုသိရပါတယ်။





(၅) အိပ်ရေးဝလျှင် တက်တက်ကြွကြွ ရှိစေပါတယ်။
အိပ်ရေးဝဝအိပ်တဲ့နေ့တိုင်း စိတ် ချမ်းသာဖွယ်ရာ တက်တက်ြွကြွက ရှိလိမ့်မယ်လို့တော့ အာမခံနိုင်ပေမယ့် အိပ်ရေး
မဝလျှင်တော့ စိတ်တိုလွယ်၊ ဒေါသထွက်လွယ်တယ်ဆိုတာ သတိ ထားမိမှာပါ။ သင့်ရဲ့ သူဌေးကို စိတ်မ ထိန်းနိုင်ဘဲ
နင်ပဲငဆပြန်ပြောမိတာ မျိုးတွေ၊ စိတ်ကိုထိန်းချုပ်ရခက်ခဲတာ မျိုးတွေဟာ အိပ်ရေးမဝတဲ့နေ့တွေမှာ ပိုဖြစ်တတ်ပါတယ်။





(၆) အိပ်ရေးဝဝအိပ်ခြင်းက ကိုယ်အလေးချိန်ထိန်းနိုင်
အိပ်ရေးဝဝအိပ်လျှင် ကိုယ်အ လေးချိန် ထိန်းနိုင်ပါတယ်။ အပြန်အ လှန်အားဖြင့်ကောင်းကောင်းမအိပ်တဲ့ သူတွေမှာ
ကိုယ်အလေးချိန်ပိုတိုးတတ် ပါတယ်။ ဘာကြောင့်လဲ။
(က) သင်ပင်ပန်းတဲ့နေ့တွေမှာ ပင်ပန်း တာကိုပြေပျောက်စေရန် အရသာရှိတဲ့ အစားအစာတွေကို ပိုစားဖြစ်ပါတယ်။
(ခ) Leptin ဆိုတဲ့ hormone က ကျွန်တော်တို့ရဲ့ အစာစားချင်စိတ်ကို တင်းတိမ်စေရန် ဆောင်ရွက်ပေးပါတယ်။
တကယ်လို့အိပ်ရေးဝဝမအိပ် ထားတဲ့ သူတွေမှာတော့ Leptin ပမာဏကျသွားပါတယ်။ ဒါကြောင့် အိပ်ရေးမဝပင်ပန်း
နေတဲ့လူတွေဟာ တင်းတိမ်တယ်မရှိဘဲအဆက်မပြတ် အဆီများတဲ့အစာတွေ၊ကယ်လိုရီများတဲ့ အစာတွေ
စားလေ့ရှိပါတယ်။





(၇) အတွေးအခေါ်များကို ပိုကြည်လင်စေ
အိပ်ရေးပျက်ခြင်းက သင့်ရဲ့ အတွေးအခေါ်၊သင်ယူနိုင်စွမ်း၊ဆုံးဖြတ်ချက်ရမှုတို့အပေါ်မှာ သက်ရောက်မှုရှိပါတယ်။





(၈) မှတ်ဉာဏ်ပိုကောင်းစေနိုင်
သင်ခဏခဏမေ့တတ်နေပြီး လား၊ အဲဒါဆိုရင်တော့ ကိုယ့်ရဲ့အိပ် ရေးပျက်ခံတတ်တဲ့ အကျင့်ကို အရင် ဆုံးအပြစ်
တင်လိုက်ပါ။ လေ့လာမှု တစ်ခုအရအိပ်ပျော်နေစဉ်မှာကျွန်တော် တို့ဦးနှောက်ကနေ့ခင်းကဖြစ်ပျက်ခဲ့တဲ့ အဖြစ်အပျက်
တွေကို စနစ်တကျသို လှောင်ပေးပါတယ်၊၊အိပ်ရေးပျက်သူတွေ မှာတော့ဦးနှောက်ကကောင်းကောင်းသို လှောင်ချိန်
မရှိတဲ့အတွက် မှတ်Óဏ် ကိုကျစေနိုင်ပါတယ်။





(၉) ခုခံအား စနစ်ကိုအားပေးပါတယ်။
လေ့လာမှုအသေးစားတစ်ခု တွင် လူ(၁၅ဝ)ဦးအား နှစ်ပတ်ကြာ သူတို့ရဲ့ အိပ်စက်မှုကိုစောင့်ကြည့်ပြီး ထိုသူများအား
အအေးမိခြင်းဖြစ်စေ သည့် Cold Virus နှင့် ထိတွေ့စေ သည့်အခါ တစ်ညလျှင် ည၇နာရီသာ အိပ်သောသူများသည်
၈နာရီအိပ် သောသူများထက် အအေးမိခြင်း ဖြစ်နိုင်ချေသုံးဆခန့်ပိုများကြောင်း တွေ့ရပါတယ်။ ဒီလေ့လာမှုက သေး
ငယ်တဲ့အပြင် တရားဝင်ထုတ်လွှင့်ဖို့ ဆိုရင်တော့ လေ့လာမှုတွေအများကြီး လုပ်ဖို့လိုပါသေးတယ်။

ရေ၏အကျိုး

မနက်အိပ်ရာ နိုးထပြီးချိန်တွင် ချက်ချင်း ရေသောက်ခြင်းသည် ဂျပန်နိုင်ငံရှိ ပြည်သူများစွာအတွက် နေ့စဉ် ပြုမူ လုပ်
ဆောင်နေတဲ့ အရေးပါသော ကျန်းမာရေး လုပ်ဆောင်မှုလေး ဖြစ်တယ်လို့ သိရပါတယ်။ ထို့အပြင် သိပ္ပံပညာရှင်များ
သုတေသနပြုချက်အရ ၎င်းဟာ အလွန်အရေးပါပြီး ကောင်းကျိုးများစွာ ဖြစ်စေတယ် ဆိုတာကိုလည်း တွေ့ရှိခဲ့ပါတယ်။
နံနက်ခင်း ရေသောက် ပေးခြင်းအားဖြင့် သင့်ရဲ့ တစ်ညတာ ပင်ပန်းတစ်ကြီး လှုပ်ရှား ခဲ့ရတဲ့ အစာအိမ်အတွက် များစွာ
အကျိုးရှိစေမှာ ဖြစ်ပါတယ်။ ဒါ့အပြင် တစ်နေ့တာအတွက် အဆင်မပြေမှုများ၊ စိတ်သောကများ အတွက်ပါ ရေရဲ့ အစွမ်း
ကြောင့် လန်းဆန်း သွားစေနိုင်ပါတယ်။




ဒါကို ဂျပန်ဆေးပညာရှင် တွေက ၉၆ ပါး ရောဂါနှင့် များစွာသော အောက် ဖော်ပြပါ ရောဂါများအတွက် အလွန်ပင်
အစွမ်းထက်တဲ့ နည်းလမ်း တစ်ခု ဖြစ်ကြောင်း တွေ့ရှိခဲ့တာပါ။




ခေါင်းကိုက်ခြင်း၊ ခန္ဓာကိုယ် ပင်ပန်းနွမ်းနယ်ခြင်း၊ အဆစ်မြစ်ရောင်ရောဂါ ဖြစ်ခြင်း၊ နှလုံးတုန်ခြင်း၊ ဝက်ရူးပြန်ရောဂါ
ဖြစ်ခြင်း၊ အသဲ အဆီဖုံးခြင်း၊ လည်ချောင်းနာ ဖြစ်ခြင်း၊ ပန်းနာရင်ကျပ် ဖြစ်ခြင်း၊ တီဘီ၊ ဦးနှောက် အမြှေးရောင်ရောဂါ၊
ကျောက်ကပ်ရောဂါ၊ ဝမ်းလျှောဝမ်းပျက်ခြင်း၊ လိပ်ခေါင်းရောဂါ၊ ဝမ်းချုပ်ခြင်း၊ မျက်စိနာခြင်း၊ ကင်ဆာနှင့် ရောဂါ များ
စွာအတွက် ရေကို နည်းလမ်းတကျ နံနက်တိုင်း သောက်သုံးခြင်းအားဖြင့် ရောဂါများစွာကို ကြိုတင်ကာကွယ်ပြီး
ဖြစ်မှာပါ။




လုပ်ဆောင်ရမယ့် နည်းလမ်းကတော့ -
၁။ မနက်အိပ်ရာထပြီး သွားမတိုက်ခင် ၁၆၀ မီလီမီတာရှိ ဖန်ခွက်ဖြင့် ရေ ၄ ခွက် သောက်ပါ။
၂။ ထို့နောက် သွားတိုက်၊ မျက်နှာသစ်ပြီးပါက ၄၅ မိနစ်အတွင်း မည်သည့်အရာမှ စားခြင်း၊ သောက်ခြင်း မပြုပါနှင့်။
၄၅ မိနစ်ပြည့်ပြီးမှ ပုံမှန်အတိုင်း စားသုံးပါ။
၃။ နံနက်စာစားပြီး ၁၅ မိနစ်အတွင်း၊ နေ့လည်စာနှင့် ညစာစားပြီး ၂ နာရီအတွင်း အခြားအရာများ စားသောက်ခြင်း
ရှောင်ပါ။
၎။ ညစာစားပြီး ၁ နာရီခွဲ အတွင်း ဒါမှမဟုတ် ၂ နာရီအတွင်း အိပ်စက်ခြင်း မပြုပါနှင့်။



အထက်ပါ လုပ်ဆောင်မှုတွေကို သင့်ရဲ့တစ်နေ့တာအတွက် ပုံမှန် လုပ်ဆောင် သွားပါက ဖျားနာခြင်း ကင်းဝေးပြီး
ကျန်းမာတဲ့ ဘဝကို ပိုင်ဆိုင်နိုင်မှာ ဖြစ်ပါ တယ်။

သန်းကြွယ်သူဌေး

အဖိုးအိုတစ်ယောက် မြစ်ကမ်းနဘေးမှာ အညောင်းပြေလမ်းလျှောက်နေတဲ့ တစ်နေ့မှာပေါ့။ အဖိုးအိုဟာ လမ်းမှာလူငယ်
တစ်ယောက် နဲ့ သွားဆုံမိတယ်။ လူငယ်က သက်ပြင်းတွေချ ညည်းတွားလို့။ မျက်နှာပြင် တစ်ခုလုံးလည်း ရွာတော့မယ့်
မိုးလို အုံ့မှိုင်းလို့။



အဖိုးအိုကမေးလိုက်တယ်။ “ကလေး.. မင်းဘာဖြစ်နေတာလည်းကွ..ဟေ။ မျက်နှာကြီးက သုန်မှုန်လို့ပါလား” လို့
အဖိုးအိုက လူငယ်ကို ဂရုတစိုက်နဲ့ မေးလိုက်တယ်။ လူငယ်က အဖိုးအိုကို ကြည့်ပြီး သက်ပြင်းချကာ ပြောလိုက်တယ်။




“ကျွန်တော်က မွဲလိုက်တာမှ ဖွတ်ကဘိုးအေ ခေါ်ရလောက်အောင်ကို မွဲတယ်ဗျာ။ နေစရာ အိမ်လည်းမရှိ။ သားမယား
ဆိုတာကတော့ ဝေလာဝေး။ အလုပ်ကလည်း မရှိတော့ ၀င်ငွေမရှိ၊ ငတ်တလှည့် ပြတ်တလှည့်နဲ့။ ရေသောက် ဗိုက်
မှောက် အိပ်ရတဲ့ နေ့တွေ မရေတွက်နိုင်ပါဘူးဗျာ။ အဖိုးရယ် ဒီလို လူတစ်ယောက်ရဲ့ မျက်နှာမှာ အပြုံးအရယ်ဆိုတာ
ရှိနိုင်ပါ့ဦးမလားဗျာ” ..လို့ စိတ်ပျက်တဲ့ လေသံနဲ့ ပြောလိုက်တယ်။



ဒီတော့ အဖိုးအိုက ပြုံးရယ်ပြီး..



“မင်းက.. တကယ့် ငတုံး အရူးဘဲကွ..ဟေ။ တကယ်ဆိုရင် မင်းဒီလိုမျိုး မညည်းညူ နေသင့်ဘူး။ ဘာလို့လည်း ဆိုတော့
မင်းဟာ အခုအချိန်ထိကို သန်းကြွယ် သူဌေးတစ်ယောက် ဖြစ်နေသေးလို့ဘဲကွ”



လူငယ်လည်း အဖိုးအို စကားကြောင့် တအံ့တသြ ဖြစ်မိပြီး
“ဘာလို့လည်းအဖိုးရ။ အဖိုးစကားကို ကျွန်တော် နားမလည်နိုင်ဘူး” လို့ မေးလိုက်တယ်။



“အေးလေကွာ။ မင်းဟာ အခုအချိန်အထိ သန်းကြွယ် သူဌေးတစ်ယောက် ဖြစ်နေသေးတယ်..မင်းမသိဘူးလား” လို့
အဖိုးအိုက ပဟေဌိ ဆန်ဆန် ထပ်ပြီး ပြန်ပြောတယ်။



ဒီတော့ လူငယ်က “သန်းကြွယ် သူဌေး ဟုတ်လားအဖိုး..?
ကျွန်တော့်လို ကောင် ငမွဲကို အဖိုးက လှောင်နေတာလားဗျာ” လို့ ဝမ်းနည်းလေသံနဲ့ ပြောပြီး လှည့်ထွက်သွားမယ်
လုပ်တော့ အဖိုးက ..



“မင်းကို ငါဘယ်လှောင်ရက်ပါ့မလည်းကွယ်။ ကဲ မင်းကို မေးခွန်း လေးငါးခြောက်ခွန်းလောက် မေးပါရစေ။
ဖြေကြည့်စမ်းပါဦး” အဖိုးအိုက ဒီလိုလည်းပြောလိုက်ရော လူငယ်လည်း စိတ်ဝင်စားလာတာပေါ့။



“ဘယ်လို မေးခွန်းများလည်းခင်ဗျာ။ မေးပါ။ ကျွန်တော် အမှန်အတိုင်း ဖြေဆိုပါ့မယ်”


အဖိုးက သူ့မေးခွန်းကို စတင်လိုက်တယ်။


“မင်းရဲ့ ပျိုရွယ်မှုကို ငါ ငွေနှစ်သိန်း ပေးပြီးဝယ်မယ်။ မင်းငါ့ထက် ပိုအိုသွားမှာပေါ့ကွာ။ မင်းရောင်းဖို့ သဘောတူမလား”


လူငယ်က ခေါင်းခါပြီး “သဘောမတူဘူး” လို့ ပြောလိုက်တယ်။



“ငါ နောက်ထပ် ငွေနှစ်သိန်း တိုးပြီးတော့ပေးမယ်။
မင်းရဲ့ ကျန်းမာသန်စွမ်းမှုတွေကို ငါ့ကို ရောင်းစမ်းကွာ။ မင်း သဘောတူမလား” ။



“ဘယ်နည်းနဲ့မှ သဘောမတူနိုင်ဘူးအဖိုး” လို့ဆိုပြီး လူငယ်က ခါးခါးသီးသီး ငြင်းလိုက်တယ်။



“ဒါဆို နောက်ထပ် နှစ်သိန်းတိုးပေးမယ်ကွာ။ မင်းရဲ့ ချစ်ခင်ဖွယ်ရာ မျက်နှာလေးကို ငါဝယ်ယူမယ်။ မင်းကတော့ငါ့လို
အရည်တွန့် မျက်နှာနဲ့ အကြည့်ရတော့ ဆိုးသွားမှာပေါ့ ။ သဘောတူလိုက်စမ်းပါကွာ” လို့ပြောတော့ လူငယ်က
“လုံးဝမဖြစ်နိုင်ဘူး၊ ကျွန်တော် လုံးဝ သဘော မတူနိုင်ဘူး အဖိုး” လို့ ပြောလိုက်တယ်။





“အင်း.. နောက်ထပ်နှစ်သိန်း တိုးပေးမယ်။ မင်းခေါင်းထဲက လတ်ဆတ်တဲ့ မှတ်ဥာဏ်တွေ ငါဝယ်ယူမယ်။
ဘယ့်နှယ့်လဲ” လို့ပြောတော့ လူငယ်လည်း တော်တော် ဒေါကန်သွားပြီး “အဲ့ဒါ ငတုံးတွေကမှ ရောင်းမှာဗျ” လို့
ပြောပြီး လှည့်ထွက် သွားမလို့လည်း လုပ်ရော အဖိုးအိုက…





“ခဏလေး နေပါဦးကွယ်။ နောက်ဆုံး မေးခွန်းလေးတော့ ဖြေသွားလိုက်ပါဦး။ မင်းကို နောက်ထပ် နှစ်သိန်း ထပ်တိုး
ပေးမယ်။ မင်း လူတွေကို သတ်ပေးရမယ်။ အိမ်တွေကို မီးတင်ရှို့ပေးရမယ်။ မင်းရဲ့ စိတ်ကောင်း နှလုံးကောင်းကို
ဝယ်ယူတဲ့ သဘောပေါ့။ ဘယ်နှယ့်လဲ.. မင်းသဘောတူလား” လို့ပြောပြန်တယ်။




ဒီတော့ လူငယ်က “ဘုရား… ဘုရား.. ဒီလို အကုသိုလ် အလုပ်မျိုးကို မာရ်နတ် ပဲ လုပ်မှာဗျ” လို့ ဒေါသတကြီး ပြန်
ပြောလိုက်တယ်။ ဒီတော့မှ အဖိုးအိုက ပြုံးပြီး ရှင်းပြလေတယ်။



“အေးကွယ်.. ကောင်းပါပြီ။ စောစောက မင်းကို အဖိုး ဆယ်သိန်းဈေးပေးပြီး ဝယ်ပေမယ့် မင်းကိုယ်ထဲက ဘယ်အရာမှ
မရခဲ့ဘူးနော်။ မင်း စဉ်းစားကြည့်စမ်း။ မင်းဟာ တစ်သန်းကြွယ်ဝတဲ့ သူဌေးမဟုတ်ဘူးလား..???
“အဲ့ဒါမှ မဟုတ်ရင်ဘာလည်းကွဲ့။ ပြောစမ်းပါဦး”




အဖိုးအို စကားကြားပြီးချိန်မှာတော့ လူငယ်ဟာ ချက်ချင်းဘဲ အသိဥာဏ်ထဲ လင်းကနဲ ဖြစ်သွားတော့တယ်။
သွန်သင် ဆုံးမ လမ်းပြပေး တဲ့ အဖိုးအို ကို ကျေးဇူးတင်စကားပြောပြီး ချက်ချင်း နေရာမှာဘဲ ထိုင်ကန်တော့ကာ
နှုတ်ဆက်ထွက်ခွာ သွားတော့တယ်။




အဲ့ဒီ အချိန်ကစပြီး လူငယ်ဟာ ဘယ်တော့မှ သက်ပြင်းချ ညည်းတွားခြင်း မရှိတော့ဘဲ ပြုံးပြုံးရယ်ရယ်နဲ့
ဘဝ တိုးတက်ဖို့အတွက် လမ်းကြောင်းအသစ်တွေ ရှာဖွေနေတဲ့သူ ဖြစ်လာတော့တယ်။



တကယ်တော့ လူ့ဘဝရဲ့ တန်ဖိုးအစစ်အမှန်ဟာ ဥစ္စာဓနတွေမဟုတ်ပါဘူး။ နုပျိုကျန်းမာတဲ့အရွယ်မှာ စိတ်ပျက်
အားငယ် နေစရာမလိုဘဲ အားမာန်အပြည့်နဲ့ ကြိုးစားဖို့ပဲ လိုပါတယ်။ အောင်မြင်မှု ရဖို့ဆိုတာ ကြိုးစားမှုက ၆၀%
ပံ့ပိုးမှု က ၂၀% ကံတရားက ၂ဝ% လောက်နဲ့ဘဲ ကျွန်တော်က အချိုးချချင်ပါတယ်။ ပံ့ပိုးမှု ၂ဝ% မရနိုင်ရင် ကြိုးစား
မှု့ကို ၈၀ % လောက်ရှိအောင် ဖြည့်ယူရပါမယ်။ ပံ့ပိုးမှုရော ၊ ကံတရားရောမရခဲ့ရင်ရော ဘာလို့ ကျွန်တော်တို့ ၁ဝဝ%
ကြိုးစားအားထုတ်လို့ မရနိုင်ရမှာလဲ...? ကျွန်တော်တို့ မှာ ခြေလက် အင်္ဂါင်္တွေ အစုံအလင်ရှိတယ်။ ကျန်းမာသန်စွမ်းတဲ့
ကိုယ်ခန္ဓာပိုင်ဆိုင်ထားကြတယ်။ ထိုက်သင့်တဲ့ ဥာဏ်ပညာတွေလည်း ရှိနေတယ်။ လုပ်ချင်ကိုင်ချင်စိတ်တွေလည်း ရှိ
နေတယ်။ ကိုယ့်ကိုယ်ကို ယုံကြည်မှု အပြည့်ရှိရင် အလုပ်တစ်ခုဟာ မလုပ်ခင်က ကို တစ်ဝက် ပြီးမြောက်နေသလိုပဲ
ကျွန်တော်ခံစားရပါတယ်။



ဒါဆို ကျွန်တော်တို့ရဲ့ အိပ်မက်တွေကို ဘာလို့အကောင်အထည် မဖော်နိုင်ရမှာလည်းနော်။ စိတ်ပျက် အားငယ်စရာ
မလိုဘဲ ဘဝကို ရဲရဲဝံ့ဝံ့ ရင်ဆိုင်နိုင်ကြရမှာပေါ့။ ကြိုးစားမှု၊ အားထုတ်မှုကိုတော့ ဘယ်တော့မှ အရှိန်မရပ်သင့်ဘူးလို့
ထင်ပါတယ်။ တကယ်တော့ ငွေကြေးတန်ဖိုးနဲ့ ဝယ်ယူလို့ မရနိုင်တဲ့ ကျန်းမာရေး၊ နုပျိုမှု နဲ့ ဥာဏ်ပညာတွေသာ ဘဝ
အတွက် အမှန်တကယ်လိုအပ်တဲ့ တန်ဖိုးအစစ် အမှန်တွေဘဲ မဟုတ်ပါလား ခင်ဗျာ . . . ။

ဖေ့ဘွတ်မှကူးယူဖော်ပြသည်..။