မလေးရှားနိုင်ငံ စီလန်ဂါက ရွာလေးတစ်ရွာမှာ ကျွန်တော်ကြီးပြင်းခဲ့ပါတယ်။
သစ်သားအိမ်တွေကို အရိပ်ရလောက်အောင် အုန်းပင်တွေက ၀န်းရံထားတဲ့ရွာလေးပါ။
ရွာမှာ ဖခင်တွေက မဟာပထ၀ီမြေကြီးကို ဦးညွတ်ရတဲ့ လယ်ယာစိုက်ပျိုးရေး လုပ်ကိုင်ကြပြီး မိခင်တွေကတော့
အိမ်မှာပဲ အိမ်မှုကိစ္စလုပ်ကြပါတယ်။ သူတို့ရဲ့ ကလေးငယ်တွေက ခြေတုံးလုံးနဲ့ တောင်ပြေးမြောက်ပြေး ပြေးလို့ပေါ့။
ကျွန်တော် (၁၀)နှစ်၊ ညီမလေး အေးယု (၇)နှစ်အရွယ်ရောက်တဲ့အခါ ကျွန်တော်တို့မိသားစုဟာ စားဝတ်နေရေး
ကျပ်တည်းလာပါတယ်။ ကိုကိုဝါးစိုက်ခင်းနဲ့ဆန်စက်ရုံကရတဲ့ အဖေရဲ့လုပ်အားခဟာ မိသားစုအတွက်
လုံလောက်တဲ့ဝင်ငွေ မဟုတ်တော့ပါဘူး။ နောက်ဆုံးတော့ အဖေဟာ တောထဲမှာ ကြိမ်ပင်တွေချိုးပြီး
ပရိဘောဂလုပ်တဲ့သူကို ရောင်းဖို့ကြံပါတော့တယ်။ အမေကတော့ အဖေ့ကို ကျားကိုက်မှာ တော်တော်စိုးရိမ်ပါတယ်။
ဘာမှမစားရဘဲ အိမ်မှာထိုင်နေရတာထက် ကျားအစားခံရတာက ပိုကောင်းလိမ့်မယ်လို့ အဖေကပြောပါတယ်။
ဒီလိုနဲ့ တစ်မနက်စောစောမှာ အဖေဟာ မော်တော်ဆိုင်ကယ်လေးစီးပြီး ကြိမ်ပင်အရှာထွက်ပါတော့တယ်။
ဒါကြောင့်ပဲ ကျွန်တော်တို့ မောင်နှမနှစ်ယောက် ကျောင်းသွားဖို့ အခက်ကြုံရပါတယ်။
ကျောင်းက အိမ်နဲ့တော်တော်ဝေးလို့ ဆိုင်ကယ်မရှိရင် သွားဖို့ခက်ပါတယ်။ ကျောင်းမသွားရလည်း အေးတာပဲ။
ညီမလေးနဲ့ ဆော့မယ်လို့ ကျွန်တော်တွေးလိုက်မိပါတယ်။ အိမ်ရှေ့တံခါးဝမှာရပ်ရင်း အဖေ့ကိုလက်ပြနှုတ်ဆက်ကြပါတယ်။
ပြီးတော့ ညီမလေးအေးယုကို ကျွန်တော် တိုးတိုးလေးကပ်ပြောလိုက်ပါတယ်။
"အိမ်နောက်ဖေးရေအိုင်ထဲက ဖားလောင်းတွေကို သွားဖမ်းကြမယ်။ ပြီးတော့ ဖန်ပုလင်းထဲ ထည့်မွေးကြမယ်"
ကျွန်တော်တို့နှစ်ယောက်စလုံး အတွေးကိုယ်စီနဲ့ ပျော်လို့ပေါ့။
ကျွန်တော်တို့အပျော်တွေ သိပ်မကြာလိုက်ပါဘူး။ အမေဟာ ခါးထောက်လို့၊ ကျွန်တော်တို့နောက်ကို ရောက်လာပါတယ်။
"ဒီနှစ်ယောက် ဘာလုပ်နေကြတာတုန်း၊ နောက်ကျတော့မယ်။ အ၀တ်အစားမြန်မြန်လဲကြ။
" "အ၀တ်အစား ဘာလို့လဲရမှာလဲ" လို့ကျွန်တော်ကမေးလိုက်ပါတယ်။
"နင့်မင်္ဂလာဆောင်အတွက်တော့ မဟုတ်တာ သေချာတယ်၊ ငါ့နှယ်နော် ကျောင်းသွားဖို့ အ၀တ်လဲခိုင်းတာ"
"အဖေကဖြင့် ဆိုင်ကယ်ယူသွားပြီးသားတို့က ကျောင်းကို လမ်းလျှောက်သွားရမှာလား"
အမေက ခေါင်းရမ်းပြီး ပြန်ဖြေပါတယ်။
"မင်းတို့လမ်းမလျှောက်ရပါဘူး။ ဒီနေ့အမေကျောင်းလိုက်ပို့မယ်။ ဟိုမှာ မင်းတို့အဖေရဲ့ စက်ဘီးရှိတယ်လေ"
မာလကာပင်ကို မှီထားတဲ့ အိုမင်းဟောင်းနွမ်းလှသည့် စက်ဘီးလေးကို ကျွန်တော်တို့ ကြည့်လိုက်ကြပါတယ်။
လက်ကိုင်ဟာ ပုံပျက်ပန်းပျက်နဲ့ ကုတ်ကွေးလို့။ ညာဘက်ခြေနင်းခုံလည်း မရှိတော့ပါဘူး။ သံချောင်းချည်းပါ။
မသုံးဘဲ ပစ်ထားတာ အတော်ကြာပြီမို့၊ စီးလို့မှရပါဦးမလားလို့ သံသယဖြစ်မိပါသေးတယ်။
စက်ဘီးက နှေးလွန်းလို့ ကျွန်တော်တို့ ကျောင်းရောက်တဲ့အခါ အသက်တွေကြီးကုန်တော့မှာပဲလို့ ကျွန်တော်က
အမေ့ကို ပြောလိုက်ပါတယ်။ အမေက ကျွန်တော်ကို ဂဂျီဂဂျောင်မလုပ်ဖို့ ပြောပါတယ်။
ဒါနဲ့ အေးယုကို ကျွန်တော်လှမ်းကြည့်လိုက်ပါတယ်။ အဲဒီစက်ဘီးနဲ့ကျောင်းသွားရရင်၊ သူတော့ရှက်လို့သေလိမ့်မယ်လို့
အေးယုကပြောပါတယ်။ ၀န်ကြီးချုပ်သမီးကို မွေးစားထားတာ သူမေ့သွားတယ်လို့ အမေက ပြန်ပြောပါတယ်။
"ကဲ ... အဲဒီစက်ဘီးနဲ့မင်းတို့ ဒီနေ့ ကျောင်းသွားရမယ်။ ဒါဘဲ" အငြင်းအခုံတွေ အဆုံးသတ်သွားပါတယ်။
မကျေမနပ်နဲ့ ကျွန်တော်တို့ ကျောင်းဝတ်စုံလဲကြပါတယ်။ အေးယုကတော့ ခြေထောက်ဆောင့်ပြီး စိတ်ဆိုးပြပါတယ်။
အမေက သူ့ကို ဘာမှတော့ မပြောပါဘူး။ ကျွန်တော့်ကိုဘဲ တိုးတိုးလေးပြောပါတယ်။
"သူ ခြေထောက်ဆောင့်တာ မရပ်ရင်၊ အမေတို့အိမ်တော့ ပြိုတော့မှာပဲ။ အမေတို့လည်း ငှက်ပျောပင်အောက် နေရမယ့်ပုံပဲ"
တကယ်တော့ ကျွန်တော့်ကိုရယ်အောင်အမေပြောတာပါ။ ကျွန်တော်ကတော့ မကျေနပ်တဲ့ပုံပေါက်အောင်
မျက်နှာကိုဆူပုပ်ထားပါတယ်။ ဒါပေမယ့် မရပါဘူး။
ကျွန်တော်တို့ ခြေနင်းတွေ စီးပြီးတဲ့အချိန်မှာတော့ အမေက အိမ်ပေါက်ဝမှာ စက်ဘီးအိုလေးနဲ့ စောင့်နေပါတယ်။
"ကဲ တက်ကြ။ ကိုယ့်ဘာသာကိုယ်ပဲ သက်သောင့် သက်သာဖြစ်အောင် ထိုင်ကြ" လို့ ရွှင်ရွှင်မြူးမြူးပြောပါတယ်။
ကျွန်တော်တို့ဟာ နောက်ထိုင်ခုံပေါ်ကို တက်လိုက်ကြပါတယ်။
ကျွန်တော်တို့နှစ်ယောက်အတွက် ထိုင်ခုံဟာသေးလွန်းလှပါတယ်။
ကျွန်တော်တို့ ထွက်ခဲ့ကြပါပြီ။ စက်ဘီးအိုလေးဟာ တကျွီကျွီနဲ့မြည်လို့ပေါ့။
ကျွန်တော်တို့ဘေးက ဖြတ်သွားတဲ့လူတိုင်းဟာ လှည့်ကြည့်ကြပါတယ်။
တကျွီကျွီအသံ ဘယ်ကမြည်သလဲဆိုတာ သိအောင်လို့ပေါ့။
အေးယုနဲ့ကျွန်တော်ကတော့ ရှက်လွန်းလို့မျက်နှာကို လက်နဲ့အုပ်ထားကြပါတယ်။
စက်ဘီးအိုလေးဟာ လေလည်းနည်းနေတဲ့အတွက် လမ်းပေါ်ကချိုင့်ခွက်တွေထဲကျတိုင်း တဒုတ်ဒုတ်နဲ့ ဆောင့်ပါသေးတယ်။
ကျွန်တော်တို့တော့ စက်ဘီးဆောင့်လို့ဝမ်းချုပ်ပြီး သေကုန်တော့မယ်လို့ ကျွန်တော်ကအမေ့ကို ပြောပါတယ်။
အေးယုကလည်း "သမီးတို့ရဲ့ အစာအိမ်ကို ဖျက်ဆီးလို့ အမေ့ကို ထောင်ချနိုင်တယ်" လို့ပြောပါတယ်။
အမေကတော့ တခစ်ခစ်ရယ်မောရင်း အရင်က ဒီလိုအကြောင်းမျိုး တစ်ခါမှမကြားခဲ့ဖူးဘူးလို့ ဆိုပါတယ်။
ဒါ့အပြင် ၀မ်းချုပ်တာလည်း အခြားရောဂါတွေထက်စာရင် မဆိုးလှပါဘူးလို့ ပြောပါတယ်။
(၂၅) မိနစ်ကြာတဲ့အခါမှာတော့ ကျွန်တော်တို့ကျောင်းပေါက်ဝကို ရောက်ခဲ့ကြပါပြီ။ အောင့်နေတဲ့ကျောနဲ့
နာနေတဲ့ဖင်တွေကို ပွတ်သပ်ရင်း ကျွန်တော်တို့လည်း စက်ဘီးပေါ်ကနေ ခုန်ဆင်းလိုက်ကြပါတယ်။
"ဒီတစ်ကြိမ်ဟာ ကျွန်တော်တို့ ဒီစက်ဘီးအိုနဲ့ ကျောင်းလာတာနောက်ဆုံးပဲ။ နောက်ဆိုရင်ကျောင်းကို
ခြေလျင်ဘဲ သွားမယ်"လို့ ကျွန်တော်တို့ဟာ အမေ့ကို ပြောလိုက်ကြပါတယ်။
အမေဟာ ကျွန်တော်တို့ရဲ့ ကျောကိုပွတ်သပ်ရင်း၊ "အမေ စိတ်မကောင်းပါဘူးကွယ်၊ ဒါပေမယ့် အမေ့ရဲ့ သားနဲ့ သမီးကို
ကျောင်းမပျက်စေချင်ဘူး။ သားနဲ့ သမီးကို အမေ့လို စာမတတ်၊ ပေမတတ်နဲ့ ဘ၀ကြီးကို အဆုံးသတ်မသွားစေချင်ဘူး။
ဒါကြောင့် ဒီစက်ဘီးအိုလေးနဲ့ ကျားကုတ်ကျားခဲလိုက်ပို့ရတာပါကွယ်။
အမေ့ကိုယ်စား၊ အမေ့အတွက် စာကို ကောင်းကောင်းသင်ကြပါကွယ် .. နော်" လို့ အမေက ပြောပါတယ်။
ပြီးတော့ နေ့လယ်စာအတွက် ပိုက်ဆံကို ကျွန်တော်တို့ကိုပေးပါတယ်။ ကျောင်းလိုက်မပို့ခင် အိမ်မှာ အဖေ့ကို
နှုတ်ဆက်သလို၊ ကျွန်တော်တို့ဟာ အမေ့ရဲ့ညာဘက်လက်ကို နမ်းလိုက်ကြပါတယ်။ ဒါဟာ အရိုအသေပေးမှု တစ်ခုပါ။
ကျွန်တော်ရဲ့ နှုတ်ခမ်းတွေ အမေ့ရဲ့လက်ကို ထိတွေ့လိုက်မိတဲ့အခါ ငန်ကျိကျိအရသာကို ရလိုက်မိပါတယ်။
အမေ့ရဲ့လက်ဟာ ချွေးတွေနဲ့ စိုစွတ်နေပါတယ်။ အမေ့ကို နီးနီးကပ်ကပ် ကျွန်တော်ကြည့်လိုက်တဲ့အခါ
အမေ့ရဲ့မျက်နှာဟာ ချွေးတွေရွှဲရွှဲစိုပြီး နီမြန်းနေပါတယ်။ အမေ့ရဲ့အကျီပေါ်က အပြာရောင်ပန်းပွင့်လေးတွေတောင်
ချွေးထဲနစ်နေကြပါတယ်။ အမေ့ရဲ့ ရင်ဘတ်ဟာလည်း နိမ့်ချည်၊ မြင့်ချည် ပင်ပန်းကြီးစွာ လှုပ်ရှားနေပါတယ်။
ကျွန်တော် ရုတ်တရက် အငိုက်မိသွားပါတယ်။
အေးယုနဲ့ ကျွန်တော်ဟာ စက်ဘီးအိုလေးကိုစီးရင်း ညည်းညူဆူပူနေချိန်မှာ အမေကတော့ ပင်ပန်းကြီးစွာ
စက်ဘီးအိုလေးကို နင်းနေရရှာပါတယ်။ ကျွန်တော်တို့ရဲ့ နှလုံးသား ဆစ်ကနဲ နာသွားပါတယ်။
အိမ်မှာ အေးအေးသက်သာနေလို့ရပေမယ့် မနေဘဲ ဘာလို့များ ဒီလောက်ခက်ခဲပင်ပန်းတာကို
အမေရွေးလုပ်ရတာလဲဆိုတာ ကျွန်တော် နားမလည်နိုင်ခဲ့ပါ။
အဲဒီနေ့က ကျောင်းဂိတ်ဝဆီကို လေးလံတဲ့ခြေလှမ်းတွေနဲ့ လျှောက်သွားရင်း၊ အမေ မကြာခဏ ပြောတတ်တဲ့
စကားတွေဟာ ကျွန်တော့်ခေါင်းထဲမှာ ဗြောင်းဆန်လို့နေပါတယ်။
"မင်းတို့ထက် အမေကပိုသိတာပေါ့ကွယ်။ မင်းတို့ကို ဒုက္ခမရောက်စေချင်ဘူး။
ဘာလို့လဲဆိုတော့ ငါက မင်းတို့ရဲ့ အမေလေ။"
နေယု ဘာသာပြန်ဆိုသည်။
"The old bicycle by Norliza Baharom" (RD August 2007)
