ငါသိတယ်၊ ငါလုပ်နိုင်ရမယ်
သင်တတ်နိုင်မည် ထင်သလား
မတတ်နိုင်ဘူး ထင်သလား
မည်သို့ ထင်သည်ဖြစ်စေ
သင့်အထင် မှန်ပါလိမ့်မည်
ဟင်နရီဖို့ဒ်
အဲသည်တုန်းက ရော့ကီး အသက် ငါးနှစ်။
သူ့မိခင် ကယ်လီက ပစ်ကပ် ထရပ်ကားလေးကို မောင်းကာ သားအမိနှစ်ယောက် အယ်လဗားမား တောကျေးလက်ပိုင်းကို ဖြတ်သန်းလာခဲ့ကြသည်။ ရော့ကီးက သူ့အမေပေါင်ပေါ် ခြေတင်လျက် အိပ်ရင်း လိုက်ပါလာသည်။ လမ်းက ယာဉ်ကြောနှစ်ခုစာလောက်သာ ကျယ်သည့် တောလမ်း။ အကွေ့အ၀ိုက် တွေလည်း များသည်။ ကယ်လီက ကားကို ဂရုစိုက် မောင်းနှင်လာသည်။ သို့သော် တစ်နေရာတွင် လမ်းက ကွေ့သွားပြီး တံတားကျဉ်းကျဉ်းတစ်ခုထဲ ဆောင့်ကျပြီး လမ်းဘေးဘက် ချောထွက်ကာ ညာဘက်ရှေ့ဘီးက မြောင်းလိုဖြစ်နေသည့် ဘီးလမ်းကြောင်းရာ တစ်ခုထဲ ကျသည်။ ကားမှောက်မှာစိုးသဖြင့် ကယ်လီက လီဗာကို ဖိနင်း၊ စတီယာရင်ကို ဘယ်ဘက် တအားလှည့်ပြီး ကားကို ကမန်းကတန်း ဆွဲတင်သည်။ သို့သော် ကံဆိုးချင်တော့ ရော့ကီး၏ ခြေထောက်က စတီရာရင်ဘီးနှင့် သူမ၏ ခြေထောက်ကြားမှာ ကန့်လန့်ခံ နေသည်။ ပစ်ကပ်ကို သူ မထိန်းနိုင်တော့။
ကားက တစ်ပြန် နှစ်ပြန် လိမ့်ကာ ပေနှစ်ဆယ်ခန့်နက်သည့် ချောက်ထဲကျသွားသည်။ ချောက်ထဲ ကားရောက်တော့မှ ရော့ကီး နိုးလာသည်။
“မေမေ…မေမေ၊ သားတို့ ကားဘီးတွေ မိုးပေါ် ထောင်နေပါလား” အမေ့အား သူ မေးသည်။
ကယ်လီ့မျက်စီနှစ်ဖက်လုံး သွေးတွေ ဖုံးနေသဖြင့် ဘာမှကို မမြင်ရ။ ဂီယာတံနှင့် ဆောင့်ထိုးမိသော ဒဏ်ကြောင့် နှုတ်ခမ်းက ပါးအထိ ဟက်တက်ကွဲကာ မျက်နှာတစ်ခုလုံး စုတ်ပြတ်ကြေမွနေသည်။ ပခုံးနှစ်ဖက်လုံး ကျိုးကြေသွားပြီး ချိုင်းကြားတစ်ဖက်၌ အရိုးတစ်ချောင်း ဖောက်ထွက်နေသည်။ ပြီး ပိန်ချိုင့်သွားသည့် တံခါးက သူ့ခန္ဓာကိုယ်အား ဖိညှပ်ထားသလိုလည်း ဖြစ်နေသည်။
“မေ့မေ့ကို သား ဆွဲထုတ်ပေးမယ်” ရော့ကီးက ဆိုသည်။ အံ့သြဖွယ်ပင် သူက ဒဏ်ရာ လုံးဝ မရခဲ့။ သူ့အမေအောက်မှ တိုးဝှေ့ထွက်ကာ ပွင့်နေသော တံခါးပေါက်မှ သူ လျှောဆင်းသည်။ ပြီးလျှင် မိခင်အား ဆွဲထုတ်နိုင်ရန် ကြိုးစားသည်။ သို့သော် သူ မည်မျှ အားစိုက်သော်လည်း ကယ်လီက နည်းနည်းမျှ မရွေ့။
“မေမေ ခဏ အိပ်ပါရစေ သားရယ်” ကယ်လီက ဆိုသည်။ သူက သတိ လစ်တစ်ချက် မလစ်တစ်ချက် ဖြစ်နေသည်။
“ဟင့်အင်း မေမေ…မေမေ မအိပ်ရဘူး” ရော့ကီး က လုံးဝ ငြင်းသည်။
ရော့ကီးက ကားထဲ ခဲခဲယဉ်းယဉ်း ပြန်ဝင်ပြီး သူ့အမေကို သည်အထဲက မရမက တွန်းထုတ်သည်။ ပြီးနောက် အမေသည်နား ခဏနေခဲ့၊ သား လမ်းပေါ်တက်ပြီး တွေ့တဲ့ကားကို အကူအညီတောင်းမယ်ဟု ဆိုသည်။ မိခင်က စိတ်မချ။ မှောင်မှောင်မည်းမည်းထဲမှာ သူ့သားလေးကို ကားမောင်းသူတွေ မြင်ချင်မှမြင်မှာဟု တွေးကာ သားတစ်ယောက်တည်း မသွားနဲ့ဟု ဆိုသည်။
အဲသည်နောက် သားအမိနှစ်ယောက် လမ်းဘေး ကမ်းပါးယံကို ဖြည်းဖြည်းချင်း တွားတက် ကြသည်။ ရော့ကီးက အလေးချိန်ပေါင် ၄၀ မျှရှိသည့် သူ့ခန္ဓာကိုယ်လေးနှင့် ၁၀၄ ပေါင်လေးသော သူ့မိခင်ကို တွန်းတင်သည်။ ခရီးက မတွင်နိုင်။ တစ်ကြိမ်မှာ တစ်လက်မ နှစ်လက်မလောက်စီပဲ ရွေ့သည်။ ဝေဒနာ ပြင်းထန်လွန်းသဖြင့် ကယ်လီ လက်လျှော့ချင်လာသည်။ သို့သော် ရော့ကီးက မလျှော့ရ။
သူ့အမေ အားမလျှော့စေရန် ရော့ကီးက “မေမေ၊ မီးရထားလေးအကြောင်း သတိရ” ဟု ဆိုသည်။ သူတို့ကလေးတွေ အလွန် နှစ်သက်သည့် ‘စွမ်းဆောင်နိုင်သော စက်ခေါင်းလေး’ ပုံပြင်ကို သူ ဆိုလိုခြင်း ဖြစ်သည်။ စက်ခေါင်းလေးသည် မတ်စောက်သော တောင်ကြီးကို မရ ရအောင် တက်သွားသည်။ စက်ခေါင်းလေးအကြောင်း မိခင်အား သတိဖော်ပေးနိုင်ရန်အတွက် ပုံပြင်ထဲမှာပါသည့် ‘ငါသိတယ်၊ မင်းတက်နိုင်တယ်၊ ငါသိတယ်၊ မင်းတက်နိုင်တယ်’ ဆိုသည့် လှုံ့ဆော်စကားလေးကို သူ့နှုတ်က တတွတ်တွတ် ရွတ်သည်။
နောက်ဆုံး လမ်းမပေါ် ရောက်ကြပြီး သူ့မိခင်၏ မျက်နှာပေါ်မှ ရုပ်ပျက်ဆင်းပျက် ဒဏ်ရာများကို သေသေချာချာ မြင်ရတော့မှ ရော့ကီး ရှိုက်ကြီးတငင် ငိုလေသည်။ ထို့နောက် ထရပ်ကားလေးတစ်စီး လာတာ မြင်တော့ လက်နှစ်ဖက်ကို မွှေ့ယမ်းကာ “ရပ်ပါ ခင်ဗျာ၊ ရပ်ပါ ခင်ဗျာ” ဟု အော်သည်။
“မေ့မေ့ကို ဆေးရုံ ပို့ပေးပါ” ထရပ်ကားမောင်းသူအား သူ မေတ္တာရပ်ခံသည်။
ကယ်လီ၏မျက်နှာကို ခွဲစိတ်ခန်းမှာ ရှစ်နာရီမျှကြာအောင် ပြန်လည်ပြုပြင်ယူရသည်။ စုစုပေါင်း ၃၄၄ ချက်တိတိ ချုပ်ခဲ့ရသည်။ သို့တိုင်အောင် ယနေ့သူ့မျက်နှာက ယခင်နှင့် တခြားစီ ဖြစ်နေသည်။ “အရင်တုန်းက ကျွန်မနှာတံလေးက သွယ်တန်းနေတာပဲ၊ နှုတ်ခမ်းကပါးပါး၊ ပါးရိုးပေါ်ပေါ်နဲ့ပေါ့၊ အခုတော့ နှာခေါင်းပွပွ၊ နှုတ်ခမ်းထူထူ၊ ပါးရိုးချပ်ချပ် ဖြစ်နေပြီ”
သို့သော် ဘာပဲပြောပြော အမာရွတ်တော့ သိပ်မပေါ်ပေ။ ထိခိုက်ဒဏ်ရာတွေအားလုံး ရှင်းရှင်း လင်းလင်း ပြန်ကောင်းသွားခဲ့သည်။
***
ရော့ကီး၏ စွမ်းဆောင်ပုံအကြောင်းသည် ဧရာမ သတင်းကြီးတစ်ခု ဖြစ်သွားခဲ့သည်။ သို့သော် သတ္တိခဲချာတိတ်ကတော့ သူလုပ်ခဲ့တာ ဘာမှ ထူးထူးခြားခြား ကြီးကြီးကျယ်ကျယ် မပါပါဟု ဆိုသည်။ “ဒီကိစ္စကြီး ဖြစ်ပျက်ခဲ့တာကို ကျွန်တော် သဘောကျတယ်လို့ မထင်ကြပါနဲ့နော်၊ မတော်တဆဖြစ်လာတော့ ကျွန်တော်လည်း လုပ်ရတာပေါ့၊ ဘယ်သူမဆို ဒီလို ကြုံရင် ဒီအတိုင်း လုပ်ကြမှာပဲ မဟုတ်လား”
သူ့မိခင်ကတော့ ဆိုသည်။
“ရော့ကီးလေး ကယ်လို့သာပေါ့၊ မဟုတ်ရင် ကျွန်မ သွေးလွန်ပြီး သေမှာ” ဟူ၍။
[မူရင်း။ ။ Michele Borba ၏ I think I Can] (ဖေမြင့် ဘာသာပြန်သည် ။)
သင်တတ်နိုင်မည် ထင်သလား
မတတ်နိုင်ဘူး ထင်သလား
မည်သို့ ထင်သည်ဖြစ်စေ
သင့်အထင် မှန်ပါလိမ့်မည်
ဟင်နရီဖို့ဒ်
အဲသည်တုန်းက ရော့ကီး အသက် ငါးနှစ်။
သူ့မိခင် ကယ်လီက ပစ်ကပ် ထရပ်ကားလေးကို မောင်းကာ သားအမိနှစ်ယောက် အယ်လဗားမား တောကျေးလက်ပိုင်းကို ဖြတ်သန်းလာခဲ့ကြသည်။ ရော့ကီးက သူ့အမေပေါင်ပေါ် ခြေတင်လျက် အိပ်ရင်း လိုက်ပါလာသည်။ လမ်းက ယာဉ်ကြောနှစ်ခုစာလောက်သာ ကျယ်သည့် တောလမ်း။ အကွေ့အ၀ိုက် တွေလည်း များသည်။ ကယ်လီက ကားကို ဂရုစိုက် မောင်းနှင်လာသည်။ သို့သော် တစ်နေရာတွင် လမ်းက ကွေ့သွားပြီး တံတားကျဉ်းကျဉ်းတစ်ခုထဲ ဆောင့်ကျပြီး လမ်းဘေးဘက် ချောထွက်ကာ ညာဘက်ရှေ့ဘီးက မြောင်းလိုဖြစ်နေသည့် ဘီးလမ်းကြောင်းရာ တစ်ခုထဲ ကျသည်။ ကားမှောက်မှာစိုးသဖြင့် ကယ်လီက လီဗာကို ဖိနင်း၊ စတီယာရင်ကို ဘယ်ဘက် တအားလှည့်ပြီး ကားကို ကမန်းကတန်း ဆွဲတင်သည်။ သို့သော် ကံဆိုးချင်တော့ ရော့ကီး၏ ခြေထောက်က စတီရာရင်ဘီးနှင့် သူမ၏ ခြေထောက်ကြားမှာ ကန့်လန့်ခံ နေသည်။ ပစ်ကပ်ကို သူ မထိန်းနိုင်တော့။
ကားက တစ်ပြန် နှစ်ပြန် လိမ့်ကာ ပေနှစ်ဆယ်ခန့်နက်သည့် ချောက်ထဲကျသွားသည်။ ချောက်ထဲ ကားရောက်တော့မှ ရော့ကီး နိုးလာသည်။
“မေမေ…မေမေ၊ သားတို့ ကားဘီးတွေ မိုးပေါ် ထောင်နေပါလား” အမေ့အား သူ မေးသည်။
ကယ်လီ့မျက်စီနှစ်ဖက်လုံး သွေးတွေ ဖုံးနေသဖြင့် ဘာမှကို မမြင်ရ။ ဂီယာတံနှင့် ဆောင့်ထိုးမိသော ဒဏ်ကြောင့် နှုတ်ခမ်းက ပါးအထိ ဟက်တက်ကွဲကာ မျက်နှာတစ်ခုလုံး စုတ်ပြတ်ကြေမွနေသည်။ ပခုံးနှစ်ဖက်လုံး ကျိုးကြေသွားပြီး ချိုင်းကြားတစ်ဖက်၌ အရိုးတစ်ချောင်း ဖောက်ထွက်နေသည်။ ပြီး ပိန်ချိုင့်သွားသည့် တံခါးက သူ့ခန္ဓာကိုယ်အား ဖိညှပ်ထားသလိုလည်း ဖြစ်နေသည်။
“မေ့မေ့ကို သား ဆွဲထုတ်ပေးမယ်” ရော့ကီးက ဆိုသည်။ အံ့သြဖွယ်ပင် သူက ဒဏ်ရာ လုံးဝ မရခဲ့။ သူ့အမေအောက်မှ တိုးဝှေ့ထွက်ကာ ပွင့်နေသော တံခါးပေါက်မှ သူ လျှောဆင်းသည်။ ပြီးလျှင် မိခင်အား ဆွဲထုတ်နိုင်ရန် ကြိုးစားသည်။ သို့သော် သူ မည်မျှ အားစိုက်သော်လည်း ကယ်လီက နည်းနည်းမျှ မရွေ့။
“မေမေ ခဏ အိပ်ပါရစေ သားရယ်” ကယ်လီက ဆိုသည်။ သူက သတိ လစ်တစ်ချက် မလစ်တစ်ချက် ဖြစ်နေသည်။
“ဟင့်အင်း မေမေ…မေမေ မအိပ်ရဘူး” ရော့ကီး က လုံးဝ ငြင်းသည်။
ရော့ကီးက ကားထဲ ခဲခဲယဉ်းယဉ်း ပြန်ဝင်ပြီး သူ့အမေကို သည်အထဲက မရမက တွန်းထုတ်သည်။ ပြီးနောက် အမေသည်နား ခဏနေခဲ့၊ သား လမ်းပေါ်တက်ပြီး တွေ့တဲ့ကားကို အကူအညီတောင်းမယ်ဟု ဆိုသည်။ မိခင်က စိတ်မချ။ မှောင်မှောင်မည်းမည်းထဲမှာ သူ့သားလေးကို ကားမောင်းသူတွေ မြင်ချင်မှမြင်မှာဟု တွေးကာ သားတစ်ယောက်တည်း မသွားနဲ့ဟု ဆိုသည်။
အဲသည်နောက် သားအမိနှစ်ယောက် လမ်းဘေး ကမ်းပါးယံကို ဖြည်းဖြည်းချင်း တွားတက် ကြသည်။ ရော့ကီးက အလေးချိန်ပေါင် ၄၀ မျှရှိသည့် သူ့ခန္ဓာကိုယ်လေးနှင့် ၁၀၄ ပေါင်လေးသော သူ့မိခင်ကို တွန်းတင်သည်။ ခရီးက မတွင်နိုင်။ တစ်ကြိမ်မှာ တစ်လက်မ နှစ်လက်မလောက်စီပဲ ရွေ့သည်။ ဝေဒနာ ပြင်းထန်လွန်းသဖြင့် ကယ်လီ လက်လျှော့ချင်လာသည်။ သို့သော် ရော့ကီးက မလျှော့ရ။
သူ့အမေ အားမလျှော့စေရန် ရော့ကီးက “မေမေ၊ မီးရထားလေးအကြောင်း သတိရ” ဟု ဆိုသည်။ သူတို့ကလေးတွေ အလွန် နှစ်သက်သည့် ‘စွမ်းဆောင်နိုင်သော စက်ခေါင်းလေး’ ပုံပြင်ကို သူ ဆိုလိုခြင်း ဖြစ်သည်။ စက်ခေါင်းလေးသည် မတ်စောက်သော တောင်ကြီးကို မရ ရအောင် တက်သွားသည်။ စက်ခေါင်းလေးအကြောင်း မိခင်အား သတိဖော်ပေးနိုင်ရန်အတွက် ပုံပြင်ထဲမှာပါသည့် ‘ငါသိတယ်၊ မင်းတက်နိုင်တယ်၊ ငါသိတယ်၊ မင်းတက်နိုင်တယ်’ ဆိုသည့် လှုံ့ဆော်စကားလေးကို သူ့နှုတ်က တတွတ်တွတ် ရွတ်သည်။
နောက်ဆုံး လမ်းမပေါ် ရောက်ကြပြီး သူ့မိခင်၏ မျက်နှာပေါ်မှ ရုပ်ပျက်ဆင်းပျက် ဒဏ်ရာများကို သေသေချာချာ မြင်ရတော့မှ ရော့ကီး ရှိုက်ကြီးတငင် ငိုလေသည်။ ထို့နောက် ထရပ်ကားလေးတစ်စီး လာတာ မြင်တော့ လက်နှစ်ဖက်ကို မွှေ့ယမ်းကာ “ရပ်ပါ ခင်ဗျာ၊ ရပ်ပါ ခင်ဗျာ” ဟု အော်သည်။
“မေ့မေ့ကို ဆေးရုံ ပို့ပေးပါ” ထရပ်ကားမောင်းသူအား သူ မေတ္တာရပ်ခံသည်။
ကယ်လီ၏မျက်နှာကို ခွဲစိတ်ခန်းမှာ ရှစ်နာရီမျှကြာအောင် ပြန်လည်ပြုပြင်ယူရသည်။ စုစုပေါင်း ၃၄၄ ချက်တိတိ ချုပ်ခဲ့ရသည်။ သို့တိုင်အောင် ယနေ့သူ့မျက်နှာက ယခင်နှင့် တခြားစီ ဖြစ်နေသည်။ “အရင်တုန်းက ကျွန်မနှာတံလေးက သွယ်တန်းနေတာပဲ၊ နှုတ်ခမ်းကပါးပါး၊ ပါးရိုးပေါ်ပေါ်နဲ့ပေါ့၊ အခုတော့ နှာခေါင်းပွပွ၊ နှုတ်ခမ်းထူထူ၊ ပါးရိုးချပ်ချပ် ဖြစ်နေပြီ”
သို့သော် ဘာပဲပြောပြော အမာရွတ်တော့ သိပ်မပေါ်ပေ။ ထိခိုက်ဒဏ်ရာတွေအားလုံး ရှင်းရှင်း လင်းလင်း ပြန်ကောင်းသွားခဲ့သည်။
***
ရော့ကီး၏ စွမ်းဆောင်ပုံအကြောင်းသည် ဧရာမ သတင်းကြီးတစ်ခု ဖြစ်သွားခဲ့သည်။ သို့သော် သတ္တိခဲချာတိတ်ကတော့ သူလုပ်ခဲ့တာ ဘာမှ ထူးထူးခြားခြား ကြီးကြီးကျယ်ကျယ် မပါပါဟု ဆိုသည်။ “ဒီကိစ္စကြီး ဖြစ်ပျက်ခဲ့တာကို ကျွန်တော် သဘောကျတယ်လို့ မထင်ကြပါနဲ့နော်၊ မတော်တဆဖြစ်လာတော့ ကျွန်တော်လည်း လုပ်ရတာပေါ့၊ ဘယ်သူမဆို ဒီလို ကြုံရင် ဒီအတိုင်း လုပ်ကြမှာပဲ မဟုတ်လား”
သူ့မိခင်ကတော့ ဆိုသည်။
“ရော့ကီးလေး ကယ်လို့သာပေါ့၊ မဟုတ်ရင် ကျွန်မ သွေးလွန်ပြီး သေမှာ” ဟူ၍။
[မူရင်း။ ။ Michele Borba ၏ I think I Can] (ဖေမြင့် ဘာသာပြန်သည် ။)
